Adunay igong suplay sa bugas ang nasud

By Leandria Pagunsan

DUMAGUETE CITY, Setyembre 6 ( PIA) -- Si Agriculture Secretary Proceso J. Alcala ug National Food Authority Administrator Orlan Calayag mihimo ug pag inspeksyon sa mga rice warehouses sa Metro Manila aron pag seguro nga adunay igong suplay sa bugas ug aron paglinaw sa mga pangagpas nga adunay ka kulang sa suplay niini nga maoy mahimong hinungdan pagtaas sa presyo sa mga batakang palaliton ug pagkaon.

Sa gihimo nga pagkwenta sa stock sa bugas kaniadtong Agosto 13 mikabat sa 604,762 metro tonelada o tugbang kini sa kwentada nga 12.1 milyon ka sako nga bugas sa tag 50 kilos ang kada sako.

Malaumon ang duha ka opisyal sa Dept. of Agriculture ug NFA nga ang presyo sa bugas mgpabilin ug makanunayon kini ilabi na nga panahon na sa tingsanggi sugod karong bulan sa Setyembre. (LPagunsan/Negros Oriental)