Lagda sa pagpahigayon sa mga foreign surgical og medical mission gipagawas na

By Ferliza C. Contratista

CEBU CITY, Jan. 3 (PIA) -- Alang sa hapsay og legal nga pagpahigayon, miipagawas na og lagda alang sa mga foreign surgical and medical missions (Guidelines on Foreign Surgical and Medical Missions, FMMS) ang Department of Health (DOH). 

Sa dili pa natapos ang tuig 2012, gipirmahan ni DOH Secretary Enrique T. Ona ang Administrative Order 2012-0030 alang sa pagpahigayon sa foreign surgical and medical missions kini isip dakong tipak sa kalamposan sa kasamtangang programa sa ahensya alang sa kalibutanong panglawas (Universal Health Care) 

Matod ni Ona, ang FMMS adonay importanteng kalambigitan sa pagpanghatod sa mga serbisyong panglawas labina sa pagkab-ot sa Universal Health Care. 

Ang FSMMS mga kalihokan diin adonay mga serbisyong medical og surgical are gipang apod apod ngadto sa mga piniling mga localidad nga adonay nihit nga serbisyong panglawas nga gidalit sa usa ka o organisasyong langyaw. Kaabag sa maong langyaw nga indibidual o organisasyon ang local nga panggamhanan, non-government organization o kwerpo sa mga organisasyong medical o hospital. 

Ang mga kalihokan mahimong pinaage sa solong pagmugna og medical mission (One Time Conduct of Medical Mission) o “Adopt-A-Hospital” Program. 

Matod ni Ona nga ang FSMMS ipahigayon isip page nga makab-ot ang mas sayon, sakto og de kalidad nga serbisyong panglawas alang sa mga kabus. 

“Ang kalampusan niini nagkinahanglan og mupuno imbes sa pagsundog o pagpamareha sa kasamtangang programa panglawas sa gobyerno,” matod ni Ona. 

Aron masiguro ang paglampos, gikinahanglan ang pag-abag sa mga nagkalain laing mga ahensya sama sa Professional Regulation Commission (PRC), Department of Social Welfare and Development (DSWD), Commission on Filipinos Overseas (CFO), Department of Interior and Local Government (DILG), local government units, and non-government organizations. 

Sa pagpahigayon sa FSMMs, nasinati ang pipila ka mga pagsuway sama sa saktong pag-ila sa mga nagkinahanglan nga mga lugar diin mas gikinahanglan ang maong mga medical missions, og ang ensaktong systema og inprastructura alang sa pagpadayon sa mga serbisyo 

“Nasayran usab nga gikinahanglang ang pagmungtar og mas lambo nga mga proseso aron mapadali ang paghikay og koordinasyon para sa FSMMS,” matod ni Ona. 

Mahimong makakuha og kopya sa maong lagda alang sa Foreign Surgical and Medical Mission Program in Support of Universal Health Care/Kalusugan gikan sa website sa doh.gov.ph o manawag ngadto ni Dir. Maylene Beltran of the DOH-BIHC at tel. no. (632) 651-7800 loc. 1302 or through fax at (632) 310-7560. 

Nasayran nga sa tuig 2011, adunay napahigayon nga 154 medical missions nga gipasiugdahan og mga langyaw sa mga nagk

alain laing lugar sama sa National Capital Region, Cebu, Bataan, Southern Leyte, Batangas, Nueva Ecija, Pangasinan, Abra, Quezon, and Sorsogon.(rmn/FCC/PIA7, CEBU) 

============

DPWH: Gidili ang pagsunog ug mga ligid sa karsada

By Juju Manubag-Empuerto

CEBU CITY, Enero 3 (PIA) -- Ang Kalihim sa Department of Public Works & Highways nga si Rogelio L. Singson mimando sa hugot nga pagdili sa pagsunog sa mga ligid diha sa karsadahan. 

Naobserbahan kini sa mga nangaging tuig nga ang mga tao magsunog ug ligid o magdaob ug bisan unsa nga materyalkes diha sa mga karsadahan. 

Si Singson miingon nga angay nga papatas-on ang kahimuslanon sa atong mga karsada ug ang pagdaob diha hilabina sa mga aspalto niini lagmit nga makakusbat sa karsada, makabalda sa luwas nga pag-agi sa ubang mga sakyanan ug makatampo sa polusyon sa hangin. 

“Ang aso nga nagagikan sa gisunog nga ligid kay makahilo busa makadaot sa tao hilabina sa mga bata,” dugang ni Singson. 

Ang kalihim nagtawag sa Philippine National Police (PNP) ug kagamhanang lokal nga ipa-istrikto ang pagpatuman sa pagdili sa pagsunog o sa pagdaob ug mga ligid sa karsada. 

Si Singson nimando usab sa tanang hepe sa DPWH ug inhenyero distrito nga makig-alayon sa mga lokal nga opisyales ug pwersa sa kapulisan aron ika-implementar ang tumang pagdili sa pagsunog sa mga ligid diha sa kadalanan. (PIA-Cebu/JSME) 

===========

Philhealth nag-aghat sa mga agalon paggamit sa e-premium system

By Amorganda A. Saludar

CEBU CITY, Jan. 3 (PIA) -- Ang PhilHealth nipatin-aw nga ang tanan nga mga agalon gimanduan sa pag sumiter sa ilang binuwan nga remittance report (RF-1) gamit ang Electronic Premium Reporting System (EPRS). 

Pinaagi sa Circular No. 25-2012 and 45-2012, ang EPRS usa ka aplikasyon pinaagi sa internet ug gidesenyo alang sa hamugaway nga preparasyon ug pagsumiter sa RF-1 diin bag-ohay lang nga gipausbaw ngadto sa EPRS Version 2.1 sukad niadtong Oktubre sa miaging tuig. 

Sumala pa sa buhatan sa Philhealth dinhi sa rehiyon nga gipuno sa bag-ong bersyon nga bag-ong ang Preliminary Employees Premium Remittance List (PEPRL) kinsa nagtugot sa mga amo nga makaberipika sa mga koreksyon sa listahan sa kasamtangan nga buwan. 

Nahiapil usab dinhi ang Statement of Premium Account (SPA) diin ang mga agalon makahimo og saysay sa kinatibuk-an nga premium nga pagabayran ngadto sa Philhealth nga magamit usab nga basehan sa pag preparar sa botser og tseke. 

Ug sanglit ang gikinahanglan nga PhilHealth Premium Payment Slip nahiapil naman sa SPA, ang mga agalon dili na kinahanglan pa nga mohimo og lahi nga payment form. 

Nahibaw-an nga ang gipausbaw nga EPRS karon makahimo na sa pagdawat og pagmantala sa premium nga kontribusyon nga giremit pinaagi sa mga banko ug ahente nga gisangonan sa pagkolekta kinsa akreditado usab sa Philhealth. 

Pinaagi niini nga kalambuan ang mga ahensya sa gobyerno ug mga entidad sa patigayon nga narehistro na sa EPRS gikan Enero hangtod Disyembre 31, 2012 diin regular ug maayo usab nga nisumiter sa ilang remittance reports pinaagi sa EPRS atol sa higayon sa promosyon kwalipikado nga mosalmot sa Adopt EPRS and Win-a-Prize promo. 

Kini dugang nga insintibo nga gihatag sa Philhealth ngadto sa mga agalon kinsa aktibo nga niimplementar sa EPRS isip nag-unang nga pamaagi pag taho sa ilang premyum nga kontribusyon . 

Ang mga mananaug makadawat og ganting salapi diin moagi usab sa applicable tax regulations. 

Samtang sa laing bahin ang Collection Section sa PhilHealth Regional Office 7 nag –aghat sa mga agalon nga wala pa nisagop sa EPRS sa pagtambong sa ipahigayon nga oryentasyon nga gikatakda karong Enero 11, 18, 25, 30; Pebrero 1,, 8, 22, 28; Marso 8, 15, ug 22 adto sa PhilHealth Training Room, 7th floor sa Golden Peak Hotel & Suites, Cebu City. 

Alang sa reserbasyon niini mahimo nga motawag sa Collection Section sa numero (032) 233-3284 o 518-6137 ug mahimo usab nga pinaagi sa ilang email add nga contri.pro7@philhealth.gov.ph. (AYS/PIA-7, Cebu) 

=============

DTI nipahimangno, nibahad sa mga mamaligyaay og helmet nga minos ang kalidad

By Amorganda A. Saludar

CEBU CITY, Jan. 3 (PIA) -- Ang Department of Trade and Industry (DTI-7) hugtanon na nga niimplementar sa Republic Act 10054 o Motorcyle Helmet Act karong adlawa diin subli usab nga gipahimangnuan ug gibaharan niini ang mga mamaligyaay og mga helmets nga minos ang kalidad.

Ang DTI nihatag og kamanduan ngadto sa tanan nga mga mamaligyaay og motorcycle helmets nga adto lamang mokuha og stocks o supply sa mga manufacturers ug importers nga natagaan na og Philippine Standard (PS) license and/or Import Commodity Clearance (ICC) Certificate. 

Sugod karong adlawa Enero 2, 2013 ang mga drayber sa motorsiklo nga masakpan nga nagmaniho nga wala nagsul-ob og protective helmets nga adunay selyo nga ICC pagaisyuhan og citation tickets ug pahamtangan og tumang silot subay sa gilatad sa Helmet Act of 2009. 

Ubos sa Republic Act 10054 o Motorcycle Helmet Act, ang bag-o nga motorcycle helmet nga adunay tatak nga Philippine Standard (PS) o Import Commodity Clearance (ICC) sa Bureau of Product Standards (BPS) ug nituman sa standard nga gimuntar sa BPS kinahanglan gayud nga mapalit ngadto sa mga mamaligyaay o dealer dungan sa matag higayon nga adunay mopalit ug bag-o nga unit sa motorsiklo ug sa kagustuhan usab sa customer nga mopalit ug helmet. 

Kalapasan sa mga mamaligyaay o dealer sa pagtuman sa mga gikinahanglan nga mga rekisito pagahamtangan og multa nga dili mominos P10, 000.00 ug dili usab molapas sa P20, 000.00. 

Bisan kinsa nga mogamit, mobaligya ug moapud-apod ug minos nga kalidad nga motorcycle helmet o kadtong walay tatak nga PS o ICC pagahamtangan og multa nga dili mominos P3, 000.00 sa unang kalapasan ug P5, 000.00 sa ikaduhang kalapasan nga walay pagpihig sa uban nga mga penalty nga gipatuman ubos Republic Act No. 7394 o ang “Consumer Act of the Philippines.” 

Ang pagpanghilabot, pag usab o pag ilis ug ang paggamit sa mini o imitasyon nga ICC sticker sa mga helmet pagahamtangan og silot pinaagi sa multa nga dili mominos P10, 000.00 ug dili usab molapas sa P20, 000.00. ug sa gihapon walay pagpihig sa sa uban nga mga penalty nga gipatuman sa in Republic Act No. 7394 o ang “Consumer Act of the Philippines.” (AYS/PIA-7, Cebu)