Kapolisan mipagawas og tamdanan para sa seguridad sa Sinulog 2013Gituohan nga minilyon ang musaksi unya sa Sinulog Grand Mardi Gras karong Domingo

By Ferliza C. Contratista

CEBU CITY, Enero 21 (PIA)---Mipagawas ang kapolisan og mga tamdanan alang sa pagsanta sa kriminalidad alang sa kapistahan ni Senor Santo Nino karong Sabado og Domingo. 

Ang Cebu City Police Office (CCPO) kasamtangang pinanguluhan ni Supt. Mariano Natuel mipagawas og usa ka tamdanan alang sa kadtong mga musaksi unya og muyukbo sa Balaang Bata sa bisperas og kasumaran sa iyang kapistahan karong Enero 19 og 20. 

Gibana bana nga mokabat og kuatro milyones ka mga deboto og mga turista ang mudagsa unya sa dakbayan sa Sugbo karong weekend. 

Sa unang parte sa maong tamdanan, gi lista ang mga pamaagi aron luwas sa kadalanan o gawas sa mga panimalay kun musaksi sa Sinulog 2013. 

Kini naglangkob sa dili pagsul-ob og mga mahalon nga mga alahas; dakong kantidad nga kwarta,; mahalon nga mga gadgets sama sa camera, cellular phones og laptops aron dili mabiktima sa mga kawatan og mga snatchers. 

Likayan ang pagdala og pribadong sakyanan aron dili mahasol sa kahuot unya sa trapiko. Dili usab maayo nga magdala og gagmayng mga bata nga dili unya makasugakod sa kahuot sa mga tawo. 

Og labaw sa tanan, sa pag-abot sa kagabhion, likayan ang pag adto sa mga dalan p dapit nga mangit-ngit o walay suga. 

Ang ikaduhang parte sa maong tamdanan naglista sa mga butang nga angayang buhaton nianang mga adlawa. 

Lakip na niini ang pagsumbong o pag report dayon sa kapolisan nga pinakaduol kun adona man gani makit-an nga problema sa kadalanan. 

Matod ni Natuel mahimo silang motawag dayon sa 166, 2336705, 2330762 o sa cellphone number 091730576999. Kinahanglan kana nga sayran daan o ilista sa mga musaksi sa Sinulog. 

Angayan pod nga sayron daan ang mga kadalanan o ang rota sa parade o procession aron malikayan unya daan ang traffic sa kadalanan. 

Taoran og nametag ang mga kabataan nga manguyog o butangan ang ilang mga bulsa og ngalan og contact numbers og maminaw pirmi sa mga bag-ong kalamboan kabahin sa trapiko og seguridad. 

Og ang pinakaimportante mao ang dili pagpataka og labaw sa mga basura. 

Tungod kay election season man, gitan-aw na daan sa kapolisan nga mas daghan unya ang mga tawo tungod kay dghang mga politico og personahe nga gikan sa kauluhan ang planong mosaksi karong Sinulog 2013. (FCC/PIA7) 

==============

32 na lang ka kandidato sa pagka-senador, 52 nailhang nuisanceElection period sa 2013 nagsugod na

By Rey Anthony H. Chiu

CORTES, Bohol, Jan 21 (PIA) –Sama ka paspas sa ilang pagsaka, ingon usab ka paspas ang pagti-urok sa ilang mga damgo nga mag-senador. 

Sa labing bag-ong kasayuran gikan sa Commission on Elections (Comelec) napadyutay na ngadto sa 32 na lang ka opisyal nga kandidato ang pilian sa pagka senador sa 2013. 

Kini samtang nahukman na sa Comelec nga ang laing 52 ka mga kandidato, pulos mga nuisance o pangsamok lamang, apil na ang Bol-anong si Severo Maluenda. 

Kini nagpasabot nga 12 ang pillion gikan sa 32 ka kandidato, samtang sama sa nahitabo sa 2001, mahimong magpili usab og lain pang ika 13 nga senador. 

Kini human natudlo si Senadora Mirriam Santiago nagdto sa International Court, og opisyal nga mipadayag nga humanon lang niya ang impeachment ayha pa mohawa sa senado. 

Si Comelec chairman Sixto Brillantes Jr. mikompirmar na usab nga laing lima pa ka bag-ong senatorial candidates ang nadugang sa listahan, diin kasagaran niini gikan sa partidong Liberal Party (LP) ug sa United Nationalist Alliance (UNA). 

Matud ni Brilliantes, natiumbang na og miparas sa ilang pakisusi ang kandidatura nila 1. Ricardo Penson (independent), 2. Samson Alcantara (Social Justice Society), 3. Greco Antonious Beda Belgica (Democratic Party of the Philippines), 4. Baldomero Falcone (Democratic Party of the Philippines), 5. Christian Señeres (Democratic Party of the Philippines) 

Una pa niini, gipalusot usab sa Comelec en banc ang kandidatura sa siyam ka kandidato sa administration slate: 6. Paolo Benigno “Bam” Aquino IV, 7. Kanhi Kongresista sa Las Pinas City, Rep. Cynthia Villar, 8. Kanhi Akbayan Rep. Ana Theresia “Risa” Hontiveros-Baraquel, 9. Kanhi Senador Maria Ana Consuelo “Jamby” Madrigal, 10. Kanhi Senador Ramon Magsaysay Jr., 11. Aurora Rep. Juan Edgardo Angara, 12. Senator Alan Peter Cayetano, 13. Senator Antonio Trillanes IV, 14. Senator Aquilino Martin Pimentel 3rd 

Sa partidong UNA, giparobahan usab sa Comelec ang kandidatura nila ni: 15. Maria Lourdes Nancy Binay 

16. Margarita “Tin-Tin” Cojuangco, 17. Former Senator Richard “Dick” Gordon, 18. Former Senator Ernesto Maceda, 19. Former Senator Juan Miguel “Migz” Zubiri, 20. San Juan City Rep. Joseph Victor “JV” Ejercito 

21. Zambales Rep. Maria Milagros “Mitos” Magsaysay, 22. Cagayan Rep. Juan Ponce “Jack” Enrile Jr. 

Ug 23. Senator Gregorio “Gringo” Honasan. 

Sa laing bahin, ang Comelec en banc mitugot usab sa naghiusang kandidato sa LP ug UNA: 24. Movie and Television Review and Classification Board (MTRCB) chair Grace Poe-Llamanzares, 25. Senator Francis “Chiz” Escudero, 26. Senator Loren Legarda, samtang ang ubang opisyal nga kandidato sa senado sila si: 27. John Carlos De Los Reyes, 28. Marwil Llasos, 29. Rizalito David, 30. Kanhi Philippine Constabulary chief Ramon Montaño, 31. Puerto Princesa Mayor Edward Hagedorn ug 32. Bayan Muna party-list Rep. Teodoro “Teddy” Casiño. (FCR/RAHC/PIA Bohol)