DENR niaghat sa mga tunghaan sa pagpalambo sa NGP

By Amorganda A. Saludar

CEBU CITY, Jan 11 (PIA) -- Ang Department of Environment and Natural Resources (DENR-7) niaghat sa pampubliko ug pribado nga tunghaan, mga unibersidad ug kolehiyo dinhi sa tunga-tungang Kabisay-an sa pagmugna og “plant nursery facility” sa mga lokal nga binhi sa kahoy sulod sa ilang tagsa-tagsa ka mga kampus isip lakang aron pagpausbaw sa "National Greening Program” o NGP. 

Si DENR 7 regional executive director Dr. Isabelo Montejo niagni sa mga tunghaan pagsalmot niining nasudnong kampanya o national greening program (NGP) isip dakong parte sa Philippine Development Plan (PDP). 

Gibutyag ni Montejo nga ang NGP nag-agni sa mga tunghaan sa mintenar og nursery ug patuboan sa mga kahoy nga mga lokal og kasigaran nga mapalgan dinhi sa nasud. 

Adunay mokabat ngadto sa 3, 600 ka mga binhi sa kahoy nga makaplgan dinhi sa nasud, ang pinakaila niini mao ang o Pterocarpus indicus, nga gihulagway isip nasudnong kahoy. Matud pa ang narra usa sa pinakalig-on nga kahoy sa kalibutan. 

Lain pa nga mga kahoy nga makita dinhi sa nasud naglakip sa are guijo or Shorea guiso, kamagong or Diospyrus discolor, red lauan or Shorea negrosensis and white lauan or Shorea contorta, tindalo or Afzelia rhomboidea, yakal or Shorea astylosa, molave or Vitex parviflora ug uban pa. 

Gipasabot ni Montejo nga ang maong lakang makapausbaw unya sa pagpasanay sa lokal binhi sa kahoy kay kini mosuporta ug mopalambo sa biodiversity diin motaas na unya ang populasyon sa wildlife. 

Dugang pa niya mga makapausbaw kini sa produksyon sa pagkaon ug tinubdan sa mga medisina tungod kay kini moayo sa nadaot nga mga landscape pinaagi usab sa pagtambayayong ug kolaborasyon sa mga nagkadaiyang hingtungdan. 

Matud pa usab ni Montejo nga ang mga kabatan-onan adunay kaabtik og pagbati ngadto sa kalikupan ug nga gusto gayud nila nga itisok sa kanila ang batasan sa pagprotiher sa kinaiyahan pinaagi sa pagpalambo ug pagpadayon sa adbokasiya sa pagpahimatngon kanila. 

Namugna niadtong Pebrero 11 ubos Executive Order No. 26 ang NGP nagtinguha sa pagtanom og 1.5 bilyones nga molukop sa mokabat 1.5 milyon hektarya sulod sa unom ka tuig nga motapos karong 2016. 

Sa pagkakaron ang DENR nakatanom na og 142.6 million ka mga seedlings sa kapin 232,000 hektarya lukop nasud. Ang nahisgutan nga programa nakamugna usab kapin 364,000 ka mga trabaho. 

Kahinumdoman nga moabot ngadto sa 7,985,542 ka mga seedlings nga milukop sa 10,896.10 hektaryang mga kalasangan dinhi sa Central Visayas hectares ang natanom niadtong miaging tuig. (mbcn/AYS-PIA 7)