DTI nagpahinumdom sa mga motorista sa ‘deadline’ sa balidasyon sa helmet

CEBU CITY, Dec. 19 (PIA) – Ang Department of Trade and Industry (DTI) mipahinudom sa mga motorista nag ipabalido na ang ilang mga helmet nga gipapitlan sa Import Commodity Clearance (ICC) ngadto sa ilang buhatan karong semana aron malikayan ang pagdali-dali sa tagal. 

Ang hepe sa regulatory didisyon sa DTI Cebu, Zaide Bation, mi-awhag sa mga Sugbuanon nga ipabalido na sa DTI karong semana ang ilang mga helmet nga may ICC nga papilit tungod sa Enero sunod tuig ipatuman na ang hugot nga implementasyon sa ‘Motorcycle Helmet Act’. 

Gipinahan ni Bation nga sa sunod nga duha ka semana, gamay na lang mga kawani nila sa DTI ang manulod kay ang kadaghanan mang-leave na alang sa mga adlaw nga opisyal.. 

“Duna kamiy ‘skeletal force’ nga usa o duha ka mga kawani apan unsaon nila paghimo ug daghang motorista ang mangadto sa ilang buhatan para moapas sa tagal,” si Bation miingon. 

Ang ‘Motorcycle Helmet Act’ hugot ipatuman karong Enero 1, 2013. Human niini, wala nay pagahimoon nga pagbalido ug ‘ICC stickers’ ang DTI. 

Inig abot anang panahona ang Land Transportation Office (LTO) manakop niadtong mga motorista nga nagsul-ob ug helmet nga walay ‘ICC stickers’ sumala pa sa opisyal. 

“Kini among gibalik-balik pag-ingon nga wala kami magbalido ug mga helmet sa mga namaligya apan ang nagsakay sa motor. Human sa Disyembre 31, wala nay pagbalido,” nagkanayon si Bation. 

Si Bation mipahibalo nga ang ilang buhatan, nakabalido na ug 25,000 ka mga helmet. 

Ubos sa Akta Republika Numero 10054 kon ‘Motorcycle Helmet Act’, tanang tigsakay ug moangkas sa motor gikinahanglan mosul-ob sa saktong helmet samtang nagdagan maduol o layo ang adtoan sa bisan unsang klase nga dalan.. 

Nalagda sa seksyon siyete sa Akta nga bisan kinsa nga madakpang nga wala magsul-ob sa saktong helmet, pagsilutan ug P1,500 sa unang salaud ; P 3,000 sa ikaduhang salaod; P5,000 alang sa ikatulong salaod; ug P10,000 ug pagkumpiskar sa lisensiya algn sa ikaupat ug mosunod pa nga mga kalapasan. 

Segun pa sa mga taho, sa tibuok kalibutan unom ngadto sa 10 ka mga aksidente sa kadalanan gumikan sa motorsiklo ug kadaghanan niining mga aksidente kay resulta sa wala pagsulob ug helmet. 

Sa laing bahin, karong Disyembre 27 adunay tigom nga pagabuhaton ang LTO ug DTI sa Sacred Heart Center para sa paynal nga pahimangno alang sa mga tigpatuman sa ‘Motorcycle Helmet Law’ nga himoon nila LTO RD Raul Aguilos ug DTI RD Asteria Caberte. (rmn/JSME/PIA-Cebu)