Military miasistir sa Canlaon City alang sa kampanya sa eco-tourism

By Hazel F. Gloria

DUMAGUETE CITY, May 28 (PIA) -- Usa ka batalyon sa Philippine Army (PA) ang mibaktas ngadto sa Mt. Kanlaon National Park alang sa pag-promot sa eco-tourism alang sa national treasure sa syudad sa Canlaon. 

Ang pagbaktas sa bulkan sa Kanlaon usa ka bahin sa Infantry "Lapu-Lapu" Batallion nga nagtinguha sa pag asistir sa mga hingtungdan alang sa kalambuan niini. 

Ang dakbayan sa Canlaon misuporta sa kampanya sa eco-tourism alang sa mambabaktas sa Mt. Kanlaon nga adunay adbokasiya sa pagprotihir ug pagpreserba sa kalikupan. 

"So far, this is the Lapu-Lapu troopers’ fourth trek leading various concerned organizations and individuals coming from all around the country in climbing the beautiful and majestic Mt. Kanlaon,” matud pa ni Capt. Ariel Quirog sa 11IB sa usa ka press statement nga gipadala sa Philippine Information Agency. 

Dugang pa ni Quirog nga ang mambabaktas niadto sa baba sa bulkan ug sila nalingaw sa makadani nga “crater” sa bulkan nga karun Margaja Valley na. 

Ang batalyon milusad sa miaging tuig sa ilang “ Oplan Bayanihan Lifts Mt. Kanlaon" nga proyekto nga ngaduso alang sa akreditasyon sa Maput Trail ug lehitimisasyon ug paghatag ug lisensya sa mga lokal nga mga tourist guides ug porters. 

“ This definitely provided additional income to the locals as well as additional revenues for the city,” sigun pa ni Capt Quirog. 

Ang 11Ith Brigade Commanding Officer Lt. Col. Wilfredo Isaac misaad sa iyahang unit arun sa padayun nga suporta sa paghatag ug cause-oriented activities alang sa mga hingtungdan sa komunidad ilabi na sa dakbayan sa Canlaon. (mbcn/hfg-PIA RO7 & Maila L. Paguntalan/CNU Intern)

=============

302nd Army Brigade mi-abag sa Brigada Eskwela sa DepEd

By Hazel F. Gloria

DUMAGUETE CITY, May 28 (PIA) -- Ang 302nd Brigade sa Philippine Army mipadala ug batalyon sa mga kawani aron pag asistir sa eskwelahan sa syudad sa Tanjay atol sa paglusad sa brigada eskwela nga proyekto sa Department of Education (DepEd). 

Ang maong aktibidad gisugdan pinaagi sa pagpamintal ug usab sa mga classrooms sa Ilaud Elementary School sa Tanjay ug ang pagpanlimpyo u gag-ayo sa mga pasilidad sa Malalangsi Elementary School sa Pamplona. 

Ang Philippine Army Information Office nga si Capt. Anacito Naz nagkanayun nga ang maong batalyon maghatag usab ug maayo nga mga tawo aron pagbuhat sa mga serbisyo nga kinahangalan sa uban nga tunghaan sa syudad gikan sa Mayo 22-29. 

Ang usa ka semana nga aktibidad naglakip sa pagpangural sa mga eskwelahan ug pagpalambo sa kahimtang niini isip pagpangandam sa pagbukas sa klase sa Hunyo. 

Matud pa ni Capt. Naz nga ang brigada mupahimus sa linya sa batalyon sama sa CAFGUs ug tig-reserba arun mapadak-an ang ilang kamaayo sa pagbuhat sa mga serbisyo nga kinahanglan sa operasyon. 

"Ang maong aktibidad mabungahun ug maayo nga paninguha arun matabangan ang gobyerno sa pagtipid ug daghan nga mga kahinguhaan. Kini usab pag komplimentar ug pagsuporta sa espiritu sa bayanihan ug usab ma-promot ang volunteerism ug ang panaghiusa sa mga pilipino isip usa ka tibuok nga pamilya," si Capt. Naz misaysay. 

Ang maong aktibidad gisugdan pinaagi sa usa ka karaban nga gitambungan sa mga nagkadaiyang hingtungdan nga gikomponer sa local government units, Philippine Army, Philippine National Police, mga representante sa mga pribado nga sektor, lokal nga mga opisyales, asosasyon sa mga ginikanan ug magtutudlo, mga superbisor sa mga distrito, ug mga magtutudlo sa dibisyon sa dakbayan sa Tanjay. 

Ang karaban gisugdan sa flag raising ug mubo nga programa nga giuportahan sa syudad sa Tanjay inubanan sa mayor sa maong syudad nga si Laurence Teves isip usa ka tig-pamaba sa maong programa. 

Si 302nd Brigade Deputy Commander Col. Christopher Estella mihatag sa iyang pannad sa pagtabang sa Brigada Eskwela sa DepEd inubanan ni Brigade Commander Col. Francisco Patrimonio atol sa paglusad sa Brigada Eskwela Program.(mbcn/hfg-PIA RO7 & Niño Jesryl Maglasang, CNU Intern)

===============

PNB,Silliman milagda ug kasabutan alang sa 'tuition fee loan'

By Hazel F. Gloria

DUMAGUETE CITY, May 28 (PIA) -- Ang Philippine National Bank (PNB) ug ang Silliman University milagda ug kasabutan isip pagpakigsangga sa paghalad ug tuition fee loan program. 

Si PNB Executive Vice-President Joven Hernandez nagkanayun, nga ang maong tabang pinansiyal sa mga estudyante nga adunay 1% nga interes matag buwan mao ang pinakaunang programa nga gitanyag alang lamang sa mga tinun-an sa unibersidad sa Silliman. 

Matud ni SU President Dr. Ben Malayang III nga ang maong loan program gibuhat arun pagtabang sa mga ginikanan ug mga estudyante arun makabatun ug maayong kalidad sa edukasyon sa Silliman. 

“Good Education is an investment, thus, Silliman seeks to provide the best education to transform students into professional and proficient individuals”, dugang pa ni Malayang. 

Sa maong paninguha, ang SU Vice-President for finance Cleonico Fontello miasuy nga ang kining maong lihok makatabang sa mga magtutungha arun makapahimulos sa maong loan sa saktong panahon, ilabi na sa mga ginikanan nga nagtrabaho gawas sa probinsya o sa gawas sa nasud, hinungdan sa paglangay sa pagbayad sa tunghaan. 

Ang PNB migahin ug P10M isip inisyal nga capital sa maong programa. Hinuon, ang mga opisyales sa PNB miingun nga ang pondo mapatas-an o mapagamyan depende sa availment. 

Ang mga kuwalipikado nga mga tig-hulam kinahanglan nga usa ka ginikanan sa estudyante sa Silliman University ; adunay negosyo ; nag-edad ug dili mulapas sa 65 ; adunay permanente nga puy-anan ; ug uban pang mga kinahanglanun nga gimando sa PNB.(mbcn/hfg-PIA RO7 & Niño Jesryl Maglasang, CNU Intern)

=============

NORSU adunay upat ka bag-ong engineers

By Hazel F. Gloria

DUMAGUETE CITY, May 28 (PIA) -- Upat ka mga estudyante nga nigradwar sa kursong Civil Engineering sa Negros Oriental State University (NORSU) sa Dumaguete City ang mipasar sa Civil Engineeer Licensure examination karong tuiga. 

Sigon sa Information Officer sa NORSU nga si Joy Perez, nga ang upat langkob sa pito ka mga nigradwar sa Civil Engineering didtu sa NORSU nga mikuha sa licensure test niadtung Mayo 6 ug 7 niining tuiga sa syudad sa Cebu. 

Giingong ang passing percentage rate sa NORSU kay 57.14 porsiyento. Sa 3,307 ka mga nikuha sa eksamin, 1,130 lang ang nakapasar. 

Ang NORSU President nga si Dr. Henry Sojor miingon nga ang passing rate sa maong unibersidad mas dako ikumparar sa national passing percentage nga anaa lang 34.07 porsiyento. 

Ang bag-ong civil engineers sa NORSU mao sila Ernie Lumayo Diputado nga taga-lungsod sa Sibulan, Kristoffer Lyle Pestaño Gantalao nga taga-syudad sa Dumaguete, Celestinaonte Ojano sa munisipalidad sa Valencia, ug si Lemalyn Dimagnaong Ragasa sa Lazi, Siquijor. 

(mbcn/hfg-PIA RO7 & Mayette Baring/CNU Intern)