Heritage Marker sa parokya San Isidro Labarador sa Lazi, Siquijor gibuksan

By Rizalie A. Calibo

SIQUIJOR, Mayo 18 (PIA) -- Gibuksan atol sa kapistahan ni San Isidro Labrador niadtong Mayo 15 ang Heritage Marker nga nagpaila nga ang parokya sa San Isidro Labrador sa Lazi, Siquijor nga usa na ka National Cultural Treasure sa Pilipinas. 

Ang seremonyas gihimo human gibendisyonan ang bag-o pa lamang nahuman nga proyekto sa pagrestorar sa Retablo Mayor ug pulpito nga giselebrar ni Most Rev Archbishop Onesimo Gordoncillo uban sa espesyal nga partisipasyon sa usa ka opisyal sa US Embassy nga si Cultural Affairs Officer Allan Holst. 

Gihatag usab ang sertipiko nga nagdeklarar sa simpahan isip National Cultural Treasure human sa gihimong bendisyon. 

Ang restorasyon sa retablo “mayor” ug pulpito giimplementar sa National Museum of the Philippines uban sa tabang pinansyal sa US-Embassy sa Manila. 

Sumala pa, mihatag ug $15,000 ang Embahada niadtong miaging tuig alang sa maong proyekto ug kini nahuman niadto pa lamang Marso ning tuiga. 

Ang proyekto naglangkob sa pagrestorar sa atop sa simbahan, altar ug duha ka pulpito ingon man sa salog nga kahoy niini. 

Ang gimbuhatan nahimo pinaagi sa tabang sa Siquijor Heritage Foundation, Inc. sa pakig-uban ni Rev. Fr. Leonardo Tan, ang kora paroko sa parokya sa San Isidro Labrador . 

Mitambong sa maong seremonyas mao ang mga lokal nga opisyales sa probinisya sa Siquijor nga gipanguluhan ni Gobernador Orlando A. Fua, Jr. 

Lakip usab sa mitambong sila si National Museum Associate Director Cecilio G. Salcedo, Archbishop Onesimo Gordoncillo ug representate gikan National Commission for Culture and the Arts (NCCA). 

Niadtong Julyo 2001, ang National Museum pinaagi sa Presidential Decree No. 374 mideklarar sa San Isidro Labrador Church Complex isip National Cultural Treasure tungod sa relihiyoso, historical ng architectural anga importansya niini dili lamang sa probinsya kon dili sa tibuok nasud. 

Ang Church gitukod niadtong tunga-tunga sa 19th Century ubos sa Augustinian Recollects. Kini giilang giampingan pag-ayong simbahan sa isla. 

Ang salog nga kahoy niini usa sa labing maanindot ug mayo sa tibuok nasud. 

Ang kumbento usab atbang sa simbahan giilang kindak-aang kumbento sa Visayas. (mbcn/RC-PIA 7, Siquijor)