DILG-7 mipasiugda og Tapatan Roadshow

By Hazel F. Gloria

TAGBILARAN CITY, Bohol, Mayo 21 (PIA) -- Ang Department of Interior and Local Government (DILG-7) sa Central Visayas mipasiugda sa ilang ikaduhang Tapatan Roadshow mahitungod sa Disaster Preparedness ug Climate Change Adaption bag-ohay pa didto sa Waterfront Hotel sa Lahug, Dakbayan sa Sugbo. 

Sigun pa ni DILG-Bohol Provincial director Louisella Lucino nga ang “Tapatan on Disaster Preparedness and Climate Change Adaptation: A call to action.” Usa ka regional summit diin nagtinguha sa pagpadasig sa adbokasiya sa mga institutionalization sa mga local nga gobyerno sa disaster preparedness ug climate change adaptation ug mitigation measures. 

Ang mga sources sa local DILG miasoy nga mipahigayon usab sila sa ilahang unang Tapatan regional summit sa Full Disclosure Policy sa mga units sa lokal nga gobyerno ug nanghinaot nga ang Tapatan magmalampuson karung tuiga. 

Dugang pa ni Lucino sa gipahigayong Kapihan sa PIA nga madungog sa DyTR, nga ang maong roadshow magtapok sa mga gobernador sa nasud, mga mayor sa mga siudad ug lungsod, municipal disaster ug risk reduction management officers, ug civil society leaders ilabi na kadtong mga muresponde sa mga katalagman. 

Miuyon ang DILG nga aduna pa’y daghang ikapalambo sa Bohol, kung ila kini hatagan og igung pagtagad sa lokal nga gobyerno. 

Si Jeffrey Bernasor, DILG information officer, nagkanayon nga ang nagkataas nga kaamgohan sa aktwal ug mga paghulga nga giatubang sa komunidad, lakip na sab ang pagpahibalo sa publiko sa kadelikado ug risgo nga ang lokal nga mga opisyales ug mga tawo angay ikabalaka alang sa ilang pagpreparar ug pag-andam og mitigating measures. 

“Disaster preparedness and mitigation is not just a task of government agencies,” dugang pa ni Lucino sa forum. 

Dugang pa niini nga ang DILG Secretary Jesse Robredo nagpanguna sa roadshow diin nagtinguha arun sa mobilar sa komunidad human sa paggama og mga pasalig sa mga local leaders sa pagprayoridad sa kaandam sa mga katalagman. 

“We want to develop a culture of preparedness among LGUs and the public, so that the country would be able to respond more effectively and mitigate the adverse effects of every disaster that hits the country,” sigun pa ni Robredo. 

Ang maong roadshow subay sa Republic Act 10121: the Philippine Disaster Risk Reduction Management Act and Climate Change Adaptation of 2009, ug sa pagpakusog sa komunidad sa ilang pagkaandam batok sa mga katalagman, asoy pa ni Bernasor. 

Ang Pilipinas nakasinati og climate change sama sa mubong panahon sa tig-bugnaw ug taas na nga panahon sa tig-init, kusog ug kanunay nga pagbagyo ug talagsaong pag-ulan-ulan hinungdan sa mga pagbaha, pagdahili sa yuta nga makaapekto sa agrikultura ug mga pampublikong imprastraktura ug mga komunidad. (PIA-7/HFG/Maila L. Paguntalan/CNU Communication Intern

===========

DENR-7, nag-awhag sa mga industriya aron pagsagop sa mga sapa sa Sugbu

By Hazel F. Gloria

CEBU CITY, May 21 (PIA)—Ang Department of Environment and Natural Resources (DENR-7) sa Central Visayas nag-awhag sa mga industriya nga sagupon ang mga sapa sulod sa lugar sa ilang operasyon aron makatabang sa paglimpyo sa kinaiyahan ilabi na ang mga tampi, ‘esteros’ ug mga kanal. 

Ang DENR-7, Maritrans Recycler Inc. Ug ang Taiheiyo Cement Philippines mipirma ug Memorandum of Agreement niadtong Mayo 2 nga gipahigayun didto sa Diamond Hotel sa Cebu City ilawom sa Adopt-a-River o Estero pinaagi sa “Linis Estero” nga programa sa DENR. 

Sigun pa ni DENR-7 regional executive director Maximo Dichoso nga ang programa usa ka panagtambayayong arun mabutang sa saktong lugar ang maayong pagpanlimpyo ug ang pag-atiman sa mga solido nga mga hugaw sulod sa mga gi sagup nga mga sapa, mga kanal ug esteros. 

Si Dichoso miingun usab nga ang programa makatabang arun pag minus sa mga water-related diseases ug lain pang mga sakit gikan sa hugaw sama sa cholera, diarrhea ug dengue. 

“This will also encourage people to clean-up and join other rehabilitation activities in Butuanon and Guadalupe rivers and their tributaries,” si Dichoso midugang. 

Matud pa ni Dichoso, ang mga nisagup mamahimong makatabang sa programa pinaagi sa paghatag ug mga gamit, dugang mga trabahante, ug uban pang mga kinahanglan atoll sa pagpanlimpyo. 

Ang director sa DENR nagkanayun nga ang pag mentenar sa mga limpyo nga agianan sa tubig usa ka pagpamahin sa prayoridad isip pagpakabana sa paglimpyo ug ang nabara nga mga kanal nahimong bahad sa kahimsog sa publiko ug ang seguridad gikan sa polusyon. 

Si Dichoso mipasabut usab nga ang Butuanon river usa ka 23-kilometro nga tubigan nga nagagikan sa bukirang bahin sa Metro Cebu ug musangko sa Mactan Channel nga may gibana-banang 10-kilometro ang gitas-on labang sa mga sapa ug kanal sa Metro Cebu. 

Dugang pa niini nga ang Guadalupe River usa usab ka 12-kilometro nga tubigan nga ngasubay sa bukirang bahin sa Metro Cebu ug musangko sa Mactan Channel nga may gibana-banang 8 ka kilometros labang sa Metro Cebu Area. 

Si Dichoso mi-report nga niadtong 2011, 11 ka mga industriya ang mipirma ug kasabutan tali sa DENR ubos sa Adopt-a-River program. Pipla niining mga industriya naglakip sa Cenapro Chemical Corporation, Greencoil Industries Inc., Maritrans Recycler Inc., JLR Construction and Aggregates Inc., Lami Food Products Corporation, Profood International Inc., Treasure Island Industrial Corporation, Primary Homes Inc., Concrete Solutions Inc., Sunpride Foods Inc., and Cebu Holdings Inc. 

Sa 2012, ang DENR-7 nagtinguha sa pagpatik ug 18 ka mga kasabutan tali sa mga nagkadaiyang sektor pang-negosyo ug uban pang lokal nga mga ahensya sa gobyerno, si Dichoso miingun.(hfg/PIA-7 & Niño Jesryl Maglasang, CNU Intern)