DSWD-7 nagkinahanglan ug 7,551 interns

By Juju Manubag-Empuerto

CEBU CITY, Mayo 9 (PIA) -- Ang Department of Social Welfare and Development kon (DSWD-7) nanginahanglan ug 7,551 interns dinhi sa Central Visayas alang sa programa nining expanded Government Internship Program (GIP). 

Ang mga pwesto abli alang sa nagpangedaron ug 18 hangtod 30 anyos ngadto sa mga tinun-an nga wala pa nahuman ug kadtong nahuman sa kurso sa kolehiyo ug kurso nga bokasyonal nga walay mga trabaho ug buot nga makaangkon ug summerjob karong tuiga. 

Gilauman nga magsugod sila ug trabaho karong Mayo 15 diin magdawat sila sa minimum nga suholan sa rehiyon sulod sa 52 ka adlaw. 

Ang expanded GIP kay pahat sa tinguha ni Pangulong Benigno S.A. Aquino III’s nga pahingusgan ang pagsalmot sa mga kabataan sa pagpanday sa nasod, ma-ekspos sila sa serbisyo sa kagamhan, mabansay kini sa pagkahanas sa kinabuhi ug makatampo sa kaayohan sa ialng kaugalingong ekonomiko. 

Ang Information Officer sa DSWD nga si Jaybee Binghay miingon nga kadtong madawat sa programa i-destino sa field office o kaha sa mga sentro, institusyon ug komunidad nga milangkob sa ahensiya sa tibuok rehiyon. 

Ang mga interns mobuhat ug opisinang trabaho o motabang sa mga implementasyon sa mga program ug proyekto sa DSWD-7 diin kini may pagtambayayong sama sa kagamhanang lokal. 

Ang interesadong aplikante sa probinisya sa Sugbo, Bohol, Negros Oriental ug Siquijor and Cebu mahimong mosumiter sa ilang application ug biodata nga may lakip nga koypa sa ilang birth certificate sa DSWD, Field Office-7 sa dalang M.J.Cuenco Ave., Cebu City ug motawatag sa telepono 2329505 o 2321192 alang sa dugang kasayuran. (MBCN/JSME-PIA7 Cebu)