DOT 7 magpadala'g mangingisda sa Sorsogon alang sa saktong pag-atiman sa Butanding

By Fayette C. Ri�en

CEBU CITY, Mayo 15 (PIA) –- Ang Department of Tourism (DOT) 7 magpadala ug mga piniling mangingisda gikan sa lungsod sa Oslob habagatang bahin sa Sugbo ngadto sa Donsol, Sorsogon para sa usa ka immersion program alang sa pag-angayong pag-atiman sa butanding, usa sa dakong hinongdan nga giisip ang lugar nga usa ka tourism spot. 

Matod pa ni Renelyn Villegas, DOT 7 Planning and Statistics Staff, ang mga mangingisda makigtambayayong sa mga mangingisda sa Sorsogon para matudlu-an sila sa saktong pagtratar sa mga butanding. 

Ang lima ka-adlaw nga kalihokan sa Sorsogon kay gikatakdang mahitabo karong Biyernes, Mayo 18 ug gipaluyohan sa Cebu Provincial Government. 

Ang probinsiya sa Sorsogon ang napiling lugar para sa immersion activity tungod sa pagka-ilado niini isip paboritong dapit sa Butanding watching sa nasud. 

Ang pagbansay-bansay sa mga mangingisda sa Oslob alang sa saktong pagtratar sa mga butanding gila-uman nga makatabang sa pag-pugong sa laing kaso sa dili haom nga pamatasan human usa ka residente sa maong lugar ang nakit-ang ningpatong babaw sa usa ka butanding sa Facebook. (FCR/Nikki Martee B. Apao/CNU Communication Intern/PIA 7 Cebu)