LTFRB-CO modesisyon pa sa P1.50 nga pagsaka sa pletehan diri sa Sugbo

CEBU CITY, April 17 (PIA) -- Ang Land Transportation and Franchising Regulatory Board (LTFRB) Central Office ang muhukom kung matuud ang petition sa pagsaka og P1.50 nga pletehan para sa mga public utility jeepneys dinhi sa Sugbo.

Ang nagsilbing Chief Transport Development Officer sa LTFRB 7 nga si Reynaldo C. Elnar miingon nga dili sila makasulti kung ang petition sa Cebu Integrated Transport Services Cooperative o (Citrasco) sa pagsaka sa pletehan matugutan.

Ang Citrasco nisang-at og petition sa LTFRB-7 para ipasaka og P1.50 ang pletehan sa PUJs gikan sa minimum nga P7.50 ngadto sa P9.00 sa unang lima ka kilometro og P.90 ngadto sa P1.50 para sa sumusunod nga kilometro. Ang walay hunong nga pagtaas sa gasolina og taas nga gasto sa palakat og pagsustento maoy nagpaluyo sa pagsang-at sa petition.

Human nadawat sa LTFRB-7 ang petition sa Citrasco, nagdumala dayon kini og public hearing para madunggan ang baruganan sa mga miuyon og misupak sa giingon nga petition. Gimanduan usab ang petitioner nga mutunol og mga ebidensya nga naandan para sa pagpadali sa fare adjustment.

Sigon ni Elnar, ang ilang papel mupahigayon og hearing lang unya paghuman ipasa ang petisyon ngadto sa Central Office para sa resolusyon.

Miigon usab si Elnar nga dili sila makahatag og impormasyon sumala sa pag-uswag sa petitsyon tungod sa dili sila ang modesisyon kun di mao ang Central board sa Manila og ang Central Office ang mu.aprobar.

Ang Central Office team ang muhukom, si Atty Jaime d. Jacob kauban ang duha ka Board Members Atty. Manuel M. Iway og Engr. Samuel B. Garcia, gipadayag ni Elnar.

Sumala ni Elnar, dili dayon-dayon makahukom ang board sa petisyon kay tukion pa kini kung unsa ka matuod ang petisyon para isaka sa P1.50 ang pletehan og pagpalandong sa huna-huna sa mga sumasakay, operators, driver og uban pang maapektuhan.

Wala pay tukma nga petsa kung kanus-a gayud mahukman ang maong petisyon. Miingon si Elnar nga madugay pajud kini tungod ang Board dili makadali-dali og desisyon sa usa ka isyu nga dako og impak sa kadaghanang sektor. (FCR/Clara Jane Ayson CNU Intern, PIA-Cebu)

=============

Boholanong banda nanginahanglan ug suporta para sa KBP popfest shortlist

By Shiela Fe Delos Reyes

TAGBILARAN CITY, Bohol, April 17 (PIA) -- Duha ka banda nga gikan sa Bohol ang nanginahanglan ug suporta sa ilang lungsod para makasulod ang ilang entries ug para mahatagan ug lugar sa 2011 Kapisanan ng mga Brodkaster ng Pilipinas (KBP) sa umaabot nga album sa Pop Music Festival.

Gipamub-an human sa dul-an ka 300 entries ang nisalmot sa pagsugod sa kompetisyon nga ni abli niadtong miaging tuig kung diin ang Boholanong rap/rhythm and blues group Rhymatics sa Tagbilaran ug ang rock group Cruisers Band sa Loboc ang nagpabilin sa ilang pag-agda sa mga Boholano sa pagpadayong pag-download sa ilang entries sa internet hangtod Abril 27.

Ang grupo sa upat ka maghigala sa Rhymatics gikan sa Tagbilaran City nga ni kanta sa Bangon Pilipinas nga aduna'y 3 ka minuto ug 34 ka segundo nga rap komposisyon ni Jake Warren Hubac sa Dampas.

Sa laing bahin, ang grupo sa Cruisers nga may 6 ka miyembro nga gilangkuban ug mga musikero nga permi mo duyog sa Loboc River cruises, nga ni kanta ug 4 ka minuto nga ilang rock piece nga gitawag ug Ang Kabataang Pinoy (AKAP).

Ang KBP 2011 Pop Music Festival nigawas isip proyekto sa alyansa ng mga Filipino Composers Development Cooperative (FILCOMDEC) ug ang KBP nga mo pauswag sa Philippine music industry nga mo palambo sa kultura ug arts nga pagkaplag sa mga bag-ong talento, pagpatukod, paghimo, pagpalungtad ug pagmaniho sa internet protocol basi sa web-site para sa hilisgutang musika para sa mga artists nga makaangkon ug tindahang pangmusika.

Sa ilang websayt nga nahimugso mao ang pagpausbaw sa baligya sa mga musikang binuhat sa Pilipino, Click Music Philippines Incorporated (CMPI) nipahayag nga ang websayt mao ang www.clickmusic.com.ph nga mo tugot sa mga Filipino artists para pagpanabwag sa ilang gihimong musika nga gihimo nila para magamit sa ilang pag-download ug sa nagkadaiyang aplikasyon sa multi-media nga mo pausbaw o mo dasig sa ekonomikhong kaayohan o interes sa hingtungdan sa Philippine Music Industry.

CMPI nag-obra sa pagkonsulta sa lahi-lahing hingtungdan sa Philippine Music Industry ingon man ang mga kompositor, publikador, tagtungod sa mga sound recording rights, artists, dramaturgo, brodkas medya ug sa tanang lahing partido kinsa bungso niining Philippine Music Industry.

Ang permirong medyor proyekto nga 2010 KBP Pop Musical Festival tinguha niini ang paggama ug bag-ong kanta para sa balayang Click Music sa pagpadayong pagpalampos nga makab-ot ang tinuorang tuyo.

Sa tuig 2011, ang kompetisyon giablihan sa tanang Pilipinong maghuhuni sa amatyur ug propesyunal. Pero karong tuiga, ang tigpasiugda sa pakigtigi nitataw sa way-tumbas nga songwriting contests kay ang indigay pagahimoon sa kahanginan.

Pasabot niini nga ang shortlisted artists kinahanglan makakuha ug kinadaghanang download sales gikan sa www.clickmusic.com.ph para sa mga niaging mga ni apil.

Para sa pag-download, ang music enthusiasts mamahimong mo bisita sa websayt ug pangitaon ang Bangon Pilipinas ug AKAP.

Sa gikasabotan sa websayt ang kada downloaded music ni kantidad ug P25.00. (PIA 7/Shiela Fe Delos Reyes /CNU COMM Intern )

=============

Mag-tiayon, kabatan-onan sa Pilar mopirma ug saad alang sa responsible parenthood

TAGBILARAN CITY, Bohol, April 17 (PIA) -- Ang provincial health office sa munisipalidad sa Pilar, Bohol malamposon kaayong mipahigayon og Family Health Day niadtong Abril 7 ning tuiga.

Gihimo ang maong kalihokan human nasayran ang taas nga insidente sa pagmabdos pinaagi sa panagtigum alang sa pagpalambo sa ilang kumunidad.

Matod ni Pilar Information Officer Gualberto Jaspe kinsa nitabang ug koordinar uban ang Provincial Health Office nga ang maong adlaw gidungan sa pagselebral sa Annual World Health Day.

Ang tumong sa maong kalihokan nga ipasaka ang community awareness kung unsa ka importansiya ang maayong panglawas, ilabi na sa mga kalungsuran nga walay pormal nga pasilidad.

Sa maong adlaw, kapin saysenta ka magtiayon ug katorse ka Sangguniang Kabataan (SK) leaders ang nanumpa nga mamahimong responsableng ginikanan ug kabatan-onan sa lungsod.

Gipahigayon sa mga myembro sa PHO ug Rural Health Unit sa lungsod, ang kalihukan nga giapilan usab ug mga interactive games ginamit ang ilang gipangtudlo.

Pilar Mayor Wilson Pajo, sa iyang mensahe, gidasig ang mga magtiayon ug myembro sa SK nga ipaambit ang ilang mga nakat-unan gikan sa maong kalihukan.

Isip usa ka engineer, si Pajo misaysay nga sa tungod sa kabag-ohan sa teknolohiya ug klase sa pagpuyo, angay gyud tagaan og prayuridad ang pagmintinar sa kaayuhan sa panglawas.

“Mas labaw’ng luwas kung kita andam, ug kana importante ilabi na kung naa tay buhi-ong pamilya,” pulong pa niya.

Usa ka tarpaulin nga aduna’y tatak: “I love my family and that is why, as parents and SK leaders, we plan to develop the family to secure our communities”, ang pirmahan isip pasalig gikan sa mga magti-ayon ug kabatan-onang lider sa lungsod. (PIA-7/hfg/ Darling May Deita/CNU Comm Intern)