Dumaguete gihingusgan ang pagpangandam batok sa katalagman

DUMAGUETE CITY, April 16 (PIA) – Ang gobyerno sa Dumaguete City nipahigayon ug sunod-sunod nga fire drill trainings ngadto sa mga kabarangayan, establisyemento, ug mga tunghaan aron sa paghatod og kasayuran ug pagpangandam kon adunay kalamidad nga moabot sa maong syudad. 

Ang training ginganlan og “Drill and Activity” nga gisugdan pa sa niaging buwan sa Dumaguete City Risk Reduction Management Office (DRMMO). Kini nagpahigayon og fire ug earthquake drills. 

Ang punuan sa DRMMO nga si Jose Chiu misulti nga ang rescue team gisugdan pag-Huwebes ang maong training sa Central Bank nga nahimutang sa Daro Highway. 

Ang DRMMO moagi ug planning sessions sukad niining tuiga aron moresponde sa bisag unsang emerhensiya. 

Sa buwan sa Mayo ug Hunyo, sunod-sunod nga mga trainings ang gikatakda alang sa traynta ka mga barangays sa Dumaguete lakip na niini ang mga pangulo sa barangay ug mga lokal nga liderato. Gibanabana nga moabot sa tresyentos (300) ka mga partisipante ang motambong sa maong training, matod pa ni Chiu. 

Suma pa niya nga ang mga partisipante bahinon sa tulo ka grupo nga adunay 100 kada grupo. 

“Adunau drill og equipment review nga ipahigayon kaduha la beses matag-tuig,” dugang pa niya. 

Mihangyo na ang iyang opisina sa mga barangay nga mag-andam gayud ug mga pasilidad sama sa pisi ug flashlight ug uban pa nga kinahanglanon atol sa mga emerhensiya. 

Sa laing bahin, si Dumaguete City Mayor Manuel Sagarbarria midayeg sa inisyatibo sa City Disaster Council sa pag-skedyul og mga aktibidades sa mga barangay ug uban pang mga establisyemento sa syudad, isip parte sa padayon nga pagpahibalo unsay buhaton sa higayon nga adunay mga katalagman.(PIA-7/Translated by Darling May Deita/CNU Comm Intern)