Gi-rekrut nga mga menor-de-edad, nasalbar sa Dumaguete Port

By Hazel F. Gloria

DUMAGUETE CITY, April 13 (PIA) --- Naluwas sa mga security personnel sa Philippine Ports Authority (PPA) ang lima ka menor-de-edad gikan sa illegal recruitment niadtong March 29 sa dunggoanan sa siyudad sa Dumaguete. 

Ang mga menor nga may pangedaron nga 14 hangtod 16 anyos sakay sa Superferry paingon unta sa Manila, naatngan sa mga guwardiya gikan sa Lockheed Security group, ahensya nga gi kontak sa mga PPA. 

Ang kapulisan ang mihunong sa mga bata nga usa niini kay deaf-mute, gikan sa maong barko human nabantayan nga wala sila'y koyog nga tiguwang. 

Ang polisya sa PPA, ilawm sa pagdumala ni PP/SInsp. Cenando Catalan dali-daling nilirong sa mga menor human napalyar ang ilang pagpresenta ug mga dokumento sama sa I.D nga mo suta sa ilang mga edad. 

Ang Local Labor and Employment Officer Sandra Delfin of the Department of Labor and Employment (DOLE) miingon sa PPA pulis nga daling mopatawag para mo interbyu sa mga bata para masuta ang ilang panuigon ug ma determinar kung biktima sila sa illegal recruitement. 

“We were able to confirm that these minors were illegally recruited to work in Manila,” pulong ni Delfin sa interbyu. 

Ang mga menor-de-edad miangkon nga sila gisaaran ug trabaho isip babysitting sa Maynila. 

Sila gi turn-over sa Department of Social Welfare and Development (DSWD) siyudad sa Tanjay. 

Sa karon, ang DOLE nagtan-aw aron maimplementar ang mga programa sa panginabuhian sa Brgy. Azagra kung diin ang mga giingong mga menor namuyo. 

“These programs will not only be for the families of the rescued minors but also for others in their village that might possibly fall victim to illegal recruiters,” asoy ni Delfin. 

Sa Visayan Furom, nisaad siya nga mo hatag ug mga matulun-anong mga suplay kung buot nilang mo balik sa ilang pagskoyla. 

Ang Visayan Forum usa ka non-government organization nga aktibo sa pagpanalipod sa biktima sa human trafficking, pagpugos sa pagtrabaho ug uban pang porma sa pangulipon. 

Si Delfin, maoy usa sa DOLE’s focal person niingon nga aduna'y kinahanglan nga ordinansa ang lokal nga gobyerno para mapugngan ang illegal recruitement sa mga menor-de-edad sa ilang lugar.

“There should be an ordinance either by the provincial board or the local government units that will require minors to seek clearance from DSWD if they will travel without an adult,” sulti ni Delfin.(RMN/HFG-PIA 7) 

=============

Sticker ug poster gipahimo alang sa kahapsay ug kalinaw sa siyudad

By Juju Manubag-Empuerto

CEBU CITY, Abril 15 (PIA) -- Ang pagpasaka sa kaamgohan sa publiko batok pagsugpo sa krimen dili lamang responsibilidad sa kapulisan. Nagkinahanglan kini sa suporta sa katilingban ug sa pribadong sektor sama sa gihimo sa Mandaue Chamber of Commerce and Industry (MCCI) na mi-sponsor kini sa pagpabuhat ug libo-an ka mga sticker ug mga poster aron matabangan ang kapulisan nga mamintinar ang kalinaw ug kahapsay sa siyudad. 

Sa bold nga letra nasulat ang ‘Get involved. Report and help stop crime,’ diin ang mga sticker gipamilit sa publikong sakyanan nga mag-again sa dakbayan sa Mandaue samtang ang mga poster gipamutang sa mga komersyal nga establisimento sa tibuok siyudad.. 

Si P/Supt. James Goforth kinsay deputy city director sa operasyon sa Mandaue City Police Office (MCPO) nag-ingon nga ang gubat batok sa krimen dili lamang responsibilidad sa kapulisan apan sa tanang sektor sa katilingban ug sa matag lungsuranon nga mahigugmaon sa kalinaw. 

“Mapasalamaton kaayo mi sa gihatag nga suporta sa Mandaue Chamber of Commerce and Industry sa pag-sponsor sa libo-an ka mga sticker ug poster batok krimen. Manghinaut mi nga sa maong stratehiya, madasig ang publiko nga mopaambit sa ilang tabang sa pagsugpo sa krimen sa pagtaho dayon ug may makadudang kalihukan sa ilang paliboit” sulti ni Goforth. 

Dugang ni Goforth nga sa aktibong pagpangilabot ug pakiglambigit sa mga lungsoranon, ang pag-mintinar sa kalinaw ug kahapsay mas masayon ug makatampo sa paspas nga paglambo sa ekonomikanhong pag-usbaw sa siyudad sa Mandaue isip nag-unang pangidustriya sa probinsiya sa Sugbo. 

Napatik sa mga sticker ug mga poster ang nagkalain-lain nga numero sa cellphone ug tselepono sa MCPO ug sa tulo ka opisina niini nga imbestigasyon, intelligence ug city tactical open center. 

Abli 24 oras ug pito ka adlaw sa semana ang mga hotline nga mga numero ug mahimong ma-akses kini sa publiko. Sa sama, ang MCPO nga website nabutang usab sa mga sticker ug poster alang sa kunsumo sa publiko. 

Sa pagtapos, si Goforth miingon nga ang maayong relasyon tali sa MCPO ug MCCI kay usa ka maayong ehemplo sa public-private partnership sa pagdasig ug epektibong stratehiya sa pagbaton ug kalinaw ug kahapsay sa komunidad. (JSME-PIA 7, Cebu)