Strategic plan gikatakda alang sa mga lugar sa Negros Oriental

By Amorganda A. Saludar

DUMAGUETE CITY, April 17 (PIA) -- Ang lokal nga inter-agency technical working group (TWG) nga gimugna sa Regional Development Council (RDC) dinhi sa rehiyon 7 gikatakda nga mopahigayon og strategic action plan karon umaabot Abril 25-26 ngadto sa lugar sa Negros Oriental nga grabeng nahiagom og kadaut sa linog niadtong miaging Pebrero 6 ning tuiga. 

Ang TWG mo andam ug mo monitor sa implementasyon sa action plan nga maglakip sa rehabilitasyon ug restorasyon sa mga infrastructure support system sa probinsya nga grabeng naapektahan niadtong 6.9 nga linog. 

Ang maong linog grabe nga nihatod og kadaut sa mga munisipalidad sa Ayungon, Tayasan, Jimalalud, La Libertad ug siyudad sa Guihulngan nga adunay 50 ka mga nangaangol ug 60 ka wala hikit-i. 

Ang nahisgutan nga kalamidad naghatag usab og danyos ngadto sa 15,000 ka mga panimalay, mga nangaguba og nadugmok nga pasilidad sa inprastraktura, mga kalsada, mga tulay, eskuylahan pampubliko nga mga buildings, waterworks ug irrigation system sa probinsya. 

Tungod niini nga strategic plan ang national ug lokal nga kagamhanan makahatag na unya og long- term nga rehabilitasyon ug pag-ayo sa mga lugar nga naapektahan sa linog. 

Si Provincial Planning and Development Coordinator Jocelyn Gongob, kinsa mao usab ang executive officer sa Provincial Disaster Risk Reduction and Management Council (PDRRMC),magsilbi nga chair sa TWG. 

Sa gipahigayon nga PDRRMC meeting bag-ohay lang si Gongob nagkanayon nga aduna na sila’y tagal kanus-a makompleto ang plano nga gi katakda karong Mayo alang sa Provincial Development Council (PDC) ug PDRRMC sa pagtuon ug pag aprobar. 

Ang plano nga giaprobahan na sa PDC ug PDRRMC iduso ngadto sa RDC isip rekisito pagsiguro sa mahilakip kini sa Regional Development Investment Program alang sap undo sa programa, kalihukan ug mga proyekto 

Apan ang uban nga mga proyekto sulod sa plano maggikan ang pundo sa PDC, PDRRMC and National Disaster Risk Reduction and Management Fund. (RMN/AS/PIA-CEBU) 

============

Dep Ed 7 mopadayon sa paghatag ug ayuda sa mga pobreng iskolars nga buot moskwela sa pribadong tunghaan

CEBU CITY, Abril 18 (PIA) -- Sa pagsaka sa matrikula sa 26 ka mga pribadong tunghaan sa rehiyon karong abli sa klase sa Hunyo, ang Department of Education (DepEd) -7 mapasaligon nga mohatag sila ug ayuda sa mga pobre ug adunay katakos nga mga kabataan nga buot mo-eskuyla sa mga pribadong hayskol nga tunghaan pinaagi sa Government Assistance to Students and Teachers in Private Education kon (Gastpe). 

Mao ni ang pagdasig ni Dr Carmelita Dulangon, ang acting hepe sa DepEd-7 sa mga tinun-an nga pobre apan may katakos ug buot motungha sa pribadong tunghaan sa hayskol nga mo-apply sa maong programa. 

Matod pa ni Dulangon nga ang Gastpe mohatag ug P5,500 matag tinun-an kada bulan sulod sa upat ka tuig isip subsidiya sa kagamhan. Samtang, ang mga magtutudlo makadawat ug P1,000 kada bulan isip subsidiya sa ilang sweldo. 

Dugang ni Dulangon nga ang Gastpe makapadasig sa mga pribadong tunghaan nga usbawan ang ilang performance. 

Una sila makapahimulos sa Gastpe nga programa, ang mga tunghaan kinahanglan akredito na sa Federation of Accrediting Agencies of the Philippines ug may grado nga ‘above standard’ sa DepEd ug Fund for Assistance to Private Education (FAPE)’s certification program. 

Sa kasamtangan, adunay kapin 14 mil nga mga tinun-an sa hayskol sa rehiyon nga mga benipisaryo sa Gastpe, matod pa. (FCR/JSME/PIA-Cebu)

==============

10 scholarship ubos sa COCO Foundation ihatag sa NORSU

By Hazel F. Gloria

DUMAGUETE CITY, April 18 (PIA) -- Ang COCO Foundation mitanyag ug 10 slots sa ilang scholarship grant pinaagi sa Negros Oriental State University (NORSU) sa syudad sa Dumaguete para sa tuig 2012-2013. 

Ang makadawat sa maong iskolarsyip mao ang mga anak sa mga gagmayng mag-uuma sa lubi sa maong probinsya. 

Ang COCO Foundation gidumala sa United Coconut Planters Bank – Coco Industry Investment (UCPB-CIFF) Group of Companies. 

Ang maong organisasyon gitukod niadtong 1987 isip usa ka non-stock, non-profit nga ang tuyo og tumong mao ang pagsulbad sa sosyal ug pinansyal nga panginahanglan sa kumonidad kung diin ang kompanya nag-operate. 

UCPB-CIFF has been offering scholarship grants through NORSU for several years now, said NORSU Information Officer Joy Perez in an interview. 

Ang UCPB-CIFF naghatag ug scholarship grants sa NORSU pipila na katuig ang milabay, matod ni NORSU Information Officer Joy Perez sa usa ka interbyo. 

Usa sa ilang mga iskolar, si Henzel Mae Ymbol, migraduwar nga usa ka Summa Cum Laude sa kursong Bachelor of Science in Mathematics pag-Marso niining tuiga. Si Ymbol usa ka lumad sa San Juan, Siquijor. 

Si UCPB-CIIF Foundation President Edgardo Amistad, sa suwat didto ni NORSU President Dr. Henry Sojor, mapagarbohon kaayong mipahayag ni Ymbol nga nakahuman kini nga adunay academic honor. 

Ang suwat mipahayag nga si Ymbol gikatakda na nga magsugod sa iyang trabaho sa UCPB karong buwana. 

Si Perez misulti nga adunay 100 ka iskolarsyip para sa unang semester ning tuig 2012-2013 sa 10 ka nagkalain-laing kolehiyo sa nasud ubos sa Coco Foundation.(PIA-7/hfg/Translated by Darling May Deita/ CNU Comm Intern)