DENR-Siquijor nakab-ot ang NGP 2011 target

SIQUIJOR, Abril 12 (PIA) -- Nakab-ot sa Department of Environment and Natural Resources (DENR)-Siquijor ang target sa national Greening Program (NGP) niadtong miaging tuig alang sa pagpaberde sa isla sa Siquijor. 

Si Provincial Environment and Natural Resources (PENRO) officer Antonio Cabrido miingon nga nag target sa buhatan nga 250 ka ektarya siyento porsyentong nakab-ot tungod kay lukop kining natamnan ug nagkalain-laing klase sa kahoy. 

Dugang pa ni Cabrido nga kinahanglan gayud ang pagproteher ug pag-atiman sa mga kakahoyan gikan sa kabukiran ngadto sa kapatagan aron mamenosan ang epekto sa abnormalidad sa klima kon "climate change." 

Sumala pa niya nga ang kalambosan niini makab-ot pinaagi sa “teamwork.” 

"Teamwork is the name of the game for climate mitigation and adaptation measures to save our beautiful island," matud pa niya. 

Matud niya kinahanglan ang matag usa mohimo ug konkretong lakang pagpahiulu ug pagproteher sa kalikopan aron usab sundon sa bag-ong henerasyon. 

Ang PENRO mipasalamat usab sa katawhan sa ilang suporta ug kooperasyon pagkab-ot sa ilang tinguha alang sa isla sa Siquijor. (MBCN/RACalibo/PIA7 Siquijor)

============

BIR mi-anunsiyo nga giirog sa Abril 16 ang deadline sa pag-file sa Income Tax

CEBU CITY, April 12 (PIA) -- Giirog sa Abril 16 ang deadline sa pag-file sa Income Tax returns alang sa tuig 2011. 

Mao kini ang gipahibalo sa Bureau of Internal Revenue (BIR) District Office no. 13 Regional Director Rodita Galanto sa gipahigayong Kapihan sa PIA kaganihang buntag. 

Gipahibalo usab ni Galanto nga ang maong deadline, wala nay extension pa. 

Nagkanayon si Galanto nga aduna silay walo ka mga tax tulungan centers nga anaa mahimutang sa walo usab ka mga shopping malls dinhi sa Sugbo para pagdawat sa mga income tax returns nga wala nay bayranan o kaha aduna pa kiniy kolektahon nga refund. 

Sumala pa ni Galanto nga gitukod ning mga tax tulungan centers aron paglikay sa pagdasok sa mag-file sa ilang mga income tax returns hilabina nga haduol na and deadline. 

Ang mga tax returns nga i-file kutob sa Abril mao kadtong gikan sa mga indibidwal nga puro nga nagdawat ug sweldo, kadtong mga self-employed, mga korporasyon, partnership ug estate. 

Mahimo usab nga dawaton sa mga banko, sa BIR nga mga buhatan ug sa mga tax tulungan centers kadtong income tax returns sa nagtrabaho sa Armed Forces of the Philippines, Philippine National Police, maestro ug maestra sa mga publikong tunghaan nga wala masakop sa distrito. Kini ubos sa Revenue Memorandum Order Numero 3-2012, petsa Marso 22. 

Kadtong aduna pay bayranan sa buwis, ang buhatan sa BIR ug 21 ka mga awtorisadong bangko sa tibuok nasod magpadayong abli karong Sabado Abril 14, sumala ni BIR Commissioner Kim Jacinto Henares. (FCR/JSME/PIA-Cebu) 

============

BIR miawhag sa mga taxpayers sa pagbayad sa saktong buhis

CEBU CITY, Apr. 11 (PIA) --- Ang Bureau of Internal Revenue (BIR) dinhi sa rehiyon 7 mi-awhag sa katawhan sa pagbayad sa ilang hustong buhis sa dili pa moabot deadline karong Abril 16. 

Sa Usa ka AGIO Forum karong adlawa sa opisina sa PIA-7 ang BIR regional director nga si Rodita Galanto uban sa iyang mga opisyales 

nga si ARD Conrad Lee, Atty. Asuncion Bernades sa Chief Legal Division, RDO Wilfredo Pilapil ug ang Information Officers nga si Queenie Luz Auditor mipasabot sa mga tax payers ilabi na sa mga propesyonal nga kinahanglan silang mopayl sa dili pa moabot ang deadline aron malikayan niini ang makabayad sa penalty. 

Dugang niini, ang BIR mohatag ug letter of authority aron pag-imbestiga didto sa mga kadudahan nga taxpayers. Ilang giklaro nga usa ra kini ka ordinaryong imbestigasyon alang sa pagbayad sa buhis. 

Ang BIR mipahibalo nga mohimo sila ug 'lifestyle check' sa mga propesyonal pinaagi sa datos nga ilang gibasehan sa sulod sa lima katuig. Pinaagi niini, ilang mahibaw-an kung nibayad ba sa sila sa saktong kantidad nga anagayang bayaran ilabi na ang mga propesyonal . 

Sa laing bahin, mipahibawo ang BIR sa publiko nga aduna silay bag-ong porma nga gamiton sa pagfile ug dili na nila dawaton ang mga daang porma nga isumite sa ilang opisina. 

Makuha ang mga BIR forms sa ilang opisina ug uban pang mga lugar diin modawat ang BIR ug tax filing sama sa lain-laing mga mall ug bangko. Mamahimo usab sila mo-download niini gikan sa ilang website. 

Abli ang BIR ug modawat gikan alas otso sa buntag hangtod alas singko sa hapon nga wala'y noonbreak hangtud sa Abril 16. 

Ang didlayin sa maong tax filing karong Abril 15 – 16 ug hugot nga nipahibawo ang BIR nga wala na kini ekstensiyon kung ugaling man nga dili sila makabayad sa maong petsa. (mbcn/hfg/PIA-7 & Darling May Deita/CNU intern)