BIR-RDO 13: walay extension sa Abril 16 nga deadline sa pagsumitir sa ITR

CEBU CITY, Abr 13 (PIA) -– Ang deadline para pagsumitir sa income tax return (ITR) karong Lunes na, Abril 16, ug ang mga tax payers gi-awhag nga mobisita sa mga tax filing centers (TFCs) sa mga dagkong shopping malls diri sa Sugbo og lain-laing regional district offices sa Bureau of Internal Revenue – Revenue District Office (BIR-RDO) 13 isip walay extensyon sa deadline. 

Si BIR-RDO 13 Regional Director Rodita Galanto miingon nga ila nang hingpit napatuman ang ilang kampanya kabahin sa tax information sa tanang Local Government Units (LGU) sa mga probinsya sa Cebu og Bohol ubos sa ilang taho. 

Ang gipahigayon nga info drive activities kabahin sa tax campaign positibong gihangop sa mga LGUs og ubang sektor, matod ni Galanto atol sa PIA Kapihan dili pa lang dugay. 

"We have also put up eight tax filing centers in big shopping malls in Cebu to accommodate taxpayers," gipadayag ni Galanto. 

Ang tax filling centers (TFC's), gilunsad pagka miaging Marso 31 og gipangunayan sa mga revenue officers. Ang mga TFCs naa nahimutang sa Ayala Center Cebu, SM City Cebu, Gaisano Country Mall, Metro Gaisano, Elizabeth Mall, J. Center og Park Mall og abli kini matag adlaw sa alas 10:00 sa buntag hangtod sa alas 5:00 sa hapon gawas sa Dominggo og holidays. 

Miingon usab si Galanto nga ilang lima ka district offices abli usab para maserbisyohan ang publiko.

Sa kadtong dili ganahan mupila, ang BIR-RDO 13 chief miingon nga ang mga tax payers pwede mubayad sa bangko pinaagi sa mga authorized agent banks (AABs) sa BIR. Sa nagkaduol nga deadline, ang AABs gisugo para mupahiluna sa tax payments hangtod sa alas 5:00 sa hapon karong semanaha kutob lunes, kini nakat-unan. 

Ang uban pwede usab mosumitir sa ilang ITR pina-agi sa electronic filing bisag diha ra sa ilang panimalay. 

"There is no reason why taxpayers cannot file their ITR on time or within the deadline as government has open all means to make it easier and possible for them to comply within the given period," gibutyag ni Galanto. 

Ang hepe sa BIR-RDO 13 nipahinungdan nga wala nay extenyon sa office hours pero sa katong nana sa ilang opisina, pwede gihapon matagad bisan pa man lapas na sa alas 5:00 sa hapon. 

Si Atty. Asuncion Bernades, chief of the Legal Division sa BIR-RDO 13 mitambag usab nga mubayad gayod sa tukmang panahon aron paglikay sa pagbayad og surcharge og uan pang interes. 

Gisugdan sa BIR-RDO 13 ang ilang tax information campaign sa miaging Pebrero 27. (FCR/Clara Jane Ayson, PIA-Cebu Intern) 

===========

BIR-RDO 13 mihatag ug higayon sa mga propesyonal nga ‘self-employed’ pagusab sa ilang ITR‘Tagal para pagsumitir sa ITR karong Abril 16 na’ 

CEBU CITY, April 13 (PIA) – Ang Bureau of Internal Revenue – Revenue District Office (BIR-RDO) 13 nihatag ug higayon sa mga self-employed professionals nga usbon ilang Income Tax Return (ITR) sa mga niaging tuig kun dili gani mag-atubang sila ug kasong tax fraud. 

Ang BIR-RDO 13 Assistant Regional Director Conrado Lee niingon nga nipahigayon na sila ug mga seminars mahitungod sa obligasyon sa mga self-employed professionals nga mo-remit ug tukmang buhis ngadto sa gobyerno. 

Matud pa ni Lee nga "gihatagan namo sila hangtod Marso 30 para pag-usab sa ilang ITR. Mahibaw-an namo sunod semana kon mituman sila sa among direktiba". Ang tagal para sa pagsumitir ug ITR karong lunes na, Abril 16. 

Ang mga propesyonal nga self-employed nga nakutlo ni Lee mao ang mga medikal nga mga doktor lakip sa dentsista, abugado, accountants, enhenyero, customs brokers ug real estate brokers. 

Ang mga propesyonal nga self-employed dili mo taho kung pila jud ang tukmang kantidad sa ilang kinitaan. Kini aron mugamay ang kanitadad sa buhis nga ilang mabayad sa gobyerno, matod pa ni Lee. 

"Adunay 4,344 nga mga propesyonal nga self-employed sa among lista ug makahibalo mi kon ang buhis nga ilang mabayad sakto ba jud kay gibase na sa ilang tukmang kinitaan sulod sa tuig. Among nang ikompara ilang tax remittances sa among record sa performance database sa mga gi-ingon nga mga propesyonal", deklarar ni Lee. 

Base sa ilang lista, naay 2,405 nga mga doktor ug dentista sunod ang mga abugado nga 636 unya enhenyero nga may total nga 575. Ang ika upat ang mga ‘practicing’ accountants nga nag total ug 414 unya 295 ka mga real estate brokers ug ang pinakauwahi mao ang 19 ka mga customs brokers. 

Sa tuig 2010, ang nakombinar nga tax remittances aning mga propesyonal nga self-employed mikantidad na ug P124.280M diin miubos kini sa niaging tuig og P118.086M. 

Engkaso ug mapakyas sa pagusab sa ilang ITR bisan gibalaan na, ni ingon si Lee nga magsugod sila ug imbestigar sa mga nahisgutang self-employed nga mga popesyonal. Kung mapamatudan nga ang ilang gi-diklarar nga kinitaan di mao, puwes adunay saktong kaso ang ipasaka batok kanila. 

"Ang pinaka importante nahatagan sila ug higayon nga mapausway ang ilang ITR ug depende nana nila ang pag sunod", matud pa ni Lee. 

Gi bana-bana ni Lee nga dul-an 50 porsyento ang nawagtang sa national revenue tungod sa di tukmang pagpasaka ug ITR sa mga propesyonal nga self-employed sa tibuok nasud. 

Ang BIR-RDO 13 adunay lima ka distrito nga opisina; ang upat nag base diri sa Sugbo ug ang usa sa syudad sa Tagbilaran nga maoy nag langkop sa probinsya sa Bohol. (FCR/Kimberly Gee Binga-an, PIA-Cebu Intern)