Tibuok lalawigan sa Siquijor gideklarang agrarian reform community cluster

By Rizalie A. Calibo

SIQUIJOR, Feb 23 (PIA) -- Gideklara dili pa lamang dugay sa kauluhang buhatan sa Department of Agrarian Reform (DAR) ang lalawigan sa Siquijor isip Agrarian Reform Community (ARC) Cluster, sumala pa ni Information Officer Richard Leduna sa lokal nga buhatan sa DAR-Siquijor

Si Leduna miingon nga kini human maaprobaan ang Agrarian Reform Community Cluster Development Plan (ARCCDP) nga gitawag ug Integrated Agri-Tourism Cluster.

Kanhiay, sumala pa ni Leduna, aduna lamang walo ka ERC nga naglangkob sa 71 ka mga balangay apan tungod sa dakong konsentrasyon sa Land Acquisition and Distribution (LAD) balances ug sa presensya sa Agrarian Reform Beneficiaries (ARBs) in adjacent barangays, kini nadugangan ug 21 ka mga balangay nga giapil sa ARC Cluster Development Plan.

Kini usab kalabot sa direktiba sa DAR sa padayong pagpalapad sa makatagamtam nga mga Agrarian Reform Beneficiaries kon ARBs.

Ang nalinya sa ARC galakip sa unom ka regular nga ARCs sa Cang-atuyom, Olo, Timbaon, Bogo, Larena ug SimNag (Simacolong and Nagerong) ARCs ug lain pang duha ka espesyal nga ARCs sa mga lungsod sa Siquijor ug Maria.

Si Leduna midugang nga ang Provincial Agrarian Reform Officer, Stephen M. Leonidas mihimo sa representasyon alang sa ARCCDP atol sa deliberasyon sa National Agriarian Reform Communities Task Force (NARCTF).

Human sa pag-aprobar sa Siquijor ARCCDP, ang lalawigan nahimong unang lalawigan sa tibuok nasud nga gideklarang ARC cluster, sumala pa. (mbcn/rac/PIA-Siquijor)