Philhealth 7 mibutang ug Mobile Health Caravans sa 2 ka ospital sa Sugbo

By Fayette C. Ri�en

CEBU CITY. February 22 (PIA) -- Sa pagsaulog sa ‘National Health Insurance Month’ karong Pebrero, ang Philippine Health Insurance Corp (PHIC)-7 namutang ug mga ‘Mobile Health Caravans’ sa mga ospital sa Sugbo.

Ang mobile health caravan sa Philhealth anaa sa Cebu Doctors Hospital’s information desk kagahapon pang adlawa ug hangtod ugma, Pebrero 22.

Sunod semana, ang Philhealth mobile health caravan atoa sa Chong Hua Hospital nga information desk sugod sa Pebrero 27 hangtod sa 29.

Ang mga mobile health carvans kay pagadumalaon ug mga social insurance nga opisyales sa Philhealth-7.

Mao kini ang gipahibalo ni Atty. Karina Agraviador, ang information officer sa Philhealth-7.

Si Agraviador miingon nga ang mga mobile health caravans modawat ug remittance reports ug membership application forms. Mo-isyu usab kini ug Membership Data Record (MDR) ug identification cards (IDs).

Sa laing bahin, ang opisyal sa Philhealth misulti nga duna silay gitanyag nga ‘gift check’ (GC) nga nagkantidad ug P600 ang usa. Mahimo mapalit sa bisan kinsa nga buot mo-sponsor sa wala pa mahasakop sa Philhealth.

Dugang ni Agraviador, ang GC dili puwedeng ipalit o ibayad sa laing butang gawas lang didto ra kini sa Philhealth matanyag. Ang balido usab sa pagbayad sa GC kay unom ka bulan ug ang ihap magsugod sa adlaw nga kini gipalit sa nanghatag.

Kung gamiton ang GC dayon hangtod Marso, ang gitagaan kay bayad na ug duha ka kwarter. Apan kung ibayad na kini sa Hulyo pa, ang GC makabayad na lang ug usa ka kwarter kay mosaka naman ang tampo sa Philhealth ug siyento porsiyento.

Sugod sa Hulyo 1, ang tampo sa Philhealth mosaka gikan sa P1,200 ang tinuig nga bayad ngadto sa P2,400 alang sa mga Individually Paying ug Self-employed.

Ang mga Overseas Filipino Workers (OFWs) adunay tagaan nga P900 ang tuig. Inig Hulyo 1, mahimo na kining P2,400 ang tuigang bayad, sumala pa.

Ang pagsaka sa tampo kay ubos kini sa Philhealth Circular Numero 22, serye sa tuig 2011 nga gilagdaan ni Dr. Eduardo Banzon, president sa Philhealth. (FCR/JSME/PIA-Cebu)

==========

PHIC 7 midasig nga magpasakop ug mobayad sa dili pa ang Hulyo 1

By Fayette C. Ri�en

CEBU CITY. February 22 (PIA) -- Ang Pebrero gisaulog nga bulan sa “National Health Insurance” ug ang sangay sa Philippine Health Insurance Corp (PHIC) sa Sugbo mi-agni sa tanan nga wala pa masakop sa Philhealth nga magpasakop na sa dili pa motaas ang tampo karong Hulyo ning tuiga.

Ang mao nga panawagan gihimo ni Atty Karina Agraviador, kinsay information officer sa Philhealth-7.

Si Agraviador mipahibalo nga sugod karong Hulyo 1, 2012, ang tanang tampo alang sa Philhealth mosaka ug 100 porsiyento. Ang pagsaka sa tampo gi-basi ubos sa Philhealth Circular No. 22 series of 2011 nga gilagdaan sa Philhealth Presidente nga si Eduardo Banzon.

Imbes nga P1,200 ang tinuig nga bayad sa tampo sa Philhealth, mahimo na kining P2,400 matag tuig sumala pa ni Agraviador.

Subli iya usab ng gi-dasig kadtong nahisakop na ubos sa kategorya nga Individual Paying ug Self-Employed nga mohatag ug paunang bayad sa dili pa ang Hulyo 1 aron makapahimulos pa gihapon sa daang tampo nga P1,200.

Mahimong bayran ang sunod tuig nga tampo sa mao gihapon nga kantidad aron masiguro ang ilang panglawas nga kaayohan hangtod sunod tuig, si Agraviador miingon.

Sa laing bahin, ang mga Overseas Filipino Workers (OFWs), ang opisyal sa Philhealth mipahibalo nga gikan sa P900 nga tinuig nga tampo, mosaka na kini ngadto sa P2,400 matag tuig inig Hulyo 1.

Gipahibalo usab ni Agraviador nga ang ilang buhatan nagsige pa ug panday nga maapil ang out-patient nga serbisyo ug ang regular maintenance nga mga tambal alang sa highbood ug diabetes diha sa ‘health insurance coverage’.

Sa panapos, si Agraviador nagkanayon nga mitino sila ug siyento porsiyento nga mahisakop sa Philhealth. Iyang gipahibalo nga ang rehiyon 7, may 198 milyones na kining mga sakop ug ang kinabag-an anaa sa probinsiya sa Sugbo nga may 66 porsiyento o 1.3 milyones. (FCR/JSME/PIA-Cebu)