‘Aquino Fellows’ gipasidunggan sa US Embassy

DUMAGUETE CITY, Dec. 12 (PIA)—Adunay duha ka gipasidunggan ang Embahada sa Estados Unidos isip 2011 “Aquino Fellows.”

Sila mao si Fr. Eduardo “Ponpon” Cariño Vasquez and Lieutenant Junior Grade (LTJG) Roberto Mamaril Beltran kinsa gihatagan ug pasidungog niadtong Disyembre 6 nga giulohan ni Pangulong Benigno Aquino III ug U.S. Ambassador Harry K. Thomas Jr.

Ang Aquino Fellows program gipasiugda sa Public Affairs Section sa Embahada sa Estados Unidos niadtong 1988 kauban sa Aquino Foundation  aron pagsaulog sa kontribusyon ni kanhi Senador Ninoy sa matang sa journalism ug serbisyo publiko. 

Human mipanaw si kanhi Pangulo Corazon Aquino niadtong 2009, ang maong hugpong programa girtawag “Ninoy and Cory Aquino Fellowship for Professional Development” pagpasidungog sa iyang hataas nga knotribusyon sa pagpalig-on sa demokrasya sa Pilipinas.

Sumala pa sa embahada, ang Aquino Fellows gipili gikan sa mga umaabot nga mga sumasalmot sa tinuig nga International Visitor Leadership Program (IVLP) sa  US Embassy.

Ang IVLP Program mao ang nag-unang professional exchange program sa US Department of State nga nagtumong paglig-on sa pagsinabtanay taliwala sa EStados Unidos ug ubang mga nasyon.

Niining tuiga, pipila sa 2011 IVLP ka mga partisipante ang gipili alang sa Aquino Fellows awards.

Sa Journalism: Fr. Eduardo “Ponpon” Cariño Vasquez, Director, i-Watch Media, Oblate Communications Philippines; ug sa  Public Service: Lieutenant Junior Grade (LTJG) Roberto Mamaril Beltran, Operations and Administrative Officer, Naval Special Operations Group, Unit 2, Naval Forces Northern Luzon.

Si Fr. Vasquez usa ka pareng Katoliko ug ‘media champion’ kansa nagsilbi sa dugayng mga tuig sa conflict-affected nga mga lungsod sa Maguindanao Province.

Niadtong 2006, si Fr. Ponpon nagsugod ug uusa ka grupo nga gitawag ug Oblate Communications Philippines ubos sa pagdumala  sa Oblate Provincial House base sa Cotabato City.

Ubos sa liderato ni Fr. Ponpon’s ang  Oblate Communications nakahimo ug mga ‘documentaries’ ug mga balita nga naghisgot sa epekto sa kagubot ngadto sa ordinaryong mga sibilyan kansa gipatay, gipanamastamasan ug napugos pagbalhin sa ilang pinuy-anan.

Si Lieutenant Junior Grade Beltran sa Philippine Navy gibalhin sa Western Mindanao sulod sa usa ka tuig human siya mograduwar gikan sa elite SEAL training. Siya nakit-ang usa ka maluluy-ong Special Operations Officer nga nagpakita ug katakos mouswag ug nakahatag ug inspirasyon sa uban alang sa serbisyong publiko.

Isip Aquino Fellows, si Fr. Vasquez ug LTJG Beltran mobiyahe  sa Estados Unidos aron mosalmot sa tulo ka semanang IVLP exchange program nga mosentro sa pagpauswag  ug pagpalapad sa professional expertise ug kalambigitan sa ilang napiling matang sa serbisyo. (Translated into Cebuano by Rizalie A. Calibo/PIA-Siquijor)

==========

Lokal nga tigpatigayon gitigom pagplano alang sa turismo sa Siquijor

by Rizalie A. Calibo

SIQUIJOR, Dec. 12 (PIA) —-Gitigom sa Siquijor Chamber of Commerce and Industry, Inc. (SCCII) uban sa AFOS Foundation for Entrepreneurial Development Corporation ang mga magpatigayon sa Siquijor ilabina ng tighimo kon producer sa souvenir ug pasalubong items aron pagplano alang sa kalamboan sa turismo sa probinsiya.

Sumala pa sa pangulo sa SCCII Roberto Pajermo ang maong kalihokan lakip sa Sector-Unit Approach/WE-CAN program nga nagtumong sa  gagmay kon micro/small producers pagsuporta sa industriya sa turismo sa gipiling mga probinsiyaa sa ka-Bisay-an ug Mindanao pinaagi sa nagkalain-laing Chamber of Commerce niini.

Si Provincial Science and Technology director Mario de la Peña, usab sa pakighinabi sa PIA, miingon nga ang probinsiya sa Siquijor bulahan nga nakauban ang AFOS tungod kay nakita niya nga amg mga programa niini tukma gayud sa kalihokan sa isla alang sa turismo.

Si De la Peña  usa sa mipresentar sa programa sa ilang buhatan sa kabahin sa livelihood technology support sa matang sa manufacturing.

Ang mga misalmot sa maong kalihokan mao ang mga local producers nga gi-asistihan sa Department of Trade and Industry (DTI) ug DOST sama sa tighimo ug mga handicrafts sa lungsod sa Lazi ug Maria, wrought iron ug herbal tea sa lungsod sa Siquijor.  (PIA-Siquijor/RAC).