Pangulo sa World Bank mipasalig ug pagsuporta sa Pinas

  

Manila, Oktubre 30 (PIA) -- Si Robert Z. Zoellick kinsay pangulo sa grupo sa World Bank misaad ug hugot nga pagsuporta sa Pilipinas.

Mao kini ang iyang gisulti sa ikaduhang adlaw sa iyang pagbisita sa nasud sa bag-ohay lang – usa ka pag bisita nga naglakip sa pakigkita kang Pangulong Benigno S. Aquino III ug sa economic team niini, mga negosyante ug ang mga representante sa katilingbang sibil.

Sa pakigtagbo ni Zoellick kang Presidente Aquino, mipadangat siya sa iyang simpatiya ngadto sa katawhang Filipino hilabina sa mga pamilyang naapektohan ug namatayan sa bagyo nga niigo sa nasud dili pa lang dugay.

Ang taho gikan sa National Disaster Risk Reduction and Management Council (NDRRMC) kabahin sa tulo ka kalamidad nga miigo sa nasud nga mao ang bagyong Pedring (Nesat), ‘Quiel’ (Nalgae), ug ‘Ramon’ – naka-apekto sa mokabat ug siyete siyentos mil ka mga pamilya ug maoy hinungdan sa pagkamatay sa mokabat sa usa ka gatos kapin nga tawo.

Mipasalig si Zoellick kang Presidente Aquino sa suporta sa World Bank pinaagi sa bag-ong pinancing nga kasabutan, diin mohatag kini ug kinyentos milyong dolyares isip dali nga pagtubag alang sa contingent line nga kredito nga maangkon sa gobyerno sa Pilipinas para sa pangalit nga relibo, pagkaayo ug sa pagbalik ug tukod sa mga natumpawak nga mga imprastraktura gumikan sa miigong dagkong kalamidad. (PIA-Cebu)

==========

7 ka septage plants tukoron sa MCWD diri sa Sugbo

by Amor Saludar

  

CEBU CITY Oktubre 30 (PIA) -- Ang Metro Cebu Water District (MCWD) motukod og dili mominos pito ka mga wastewater treatment plants sulod sa ilang franchise area isip parte sa ilang Septage Management Project.

Ang septage management usa ka proseso sa pagkolekta sa mga hugaw nga tubig ug iagi kini sa laing na usab nga proseso nga molimpyo sa mao’ng  aron nga magamit kini pag-usab.

Ang MCWD usa sa lima ka recipients sa grants gikan sa United States Agency International Development, Asian Development Bank, ug  International Water Association alang sa mao’ng katuyoan.

Sumala pa ni MCWD general manager Armando Paredes nga ang nahisguta’ng mga septage plants adto pagatukoron  sa dakbayan sa Cebu, Talisay, Mandaue, ug   Lapu-Lapu lakip na usab ninii ang ang mga lungsod sa Cordova, Liloan, ingon man Compostela.

Gibutyag ni Paredes nga kada usa sa7 ka mga planta mokantidad og P65 million, ug nga parte sa maong kantidad funded sa USAID, ADB ug IWA.

Nag-awhag usab siya sa local nga kagamhanan nga naahisakop sa ilang franchise area, nga suportaan ang mao’ng proyekto, pinaagi sa pagluwat og local nga ordinansahon.

Samtang matud pa ni Assistant general manager for technical services Michael Balazo nga ang mga hintungdan LGUs diin pagatukoron ang mga planta anaa na sa proseso sa pagpahigayon og public hearings.

Gitataw ni Balazo nga ang implementasyon sa mao’ng inprastraktura magdepende lang unya sa mogawas nga resulta sa public hearings sa mga LGUs.

Giklaro niya nga dili gayod sila makapadayon sa naasoy’ng proyekto kung wala ang suporta sa katawhan.

Ang  Maynilad Water nga aduna na’y igong kasinatian ‘ning maong operasyon mao’y superbisar sa jmplementasyon sa proyekto, ingon man sa pag train og mga MCWD personnel nga mao’y mopadagan sa mga pasilidad.  (AS/PIA-CEBU)