Pilar, Camotes Island alerto na isip preparasyon sa bagyo’ng Ramon

by Amor Saludar

CEBU, Oktubre 11 (PIA) -- Nagsugod na sa pagpangandam ang lungsod sa Pilar sakop sa isla sa Camotes human ang tibook isla nabutang sa storm signal number one tungod sa bagyo’ng "Ramon."

Si Pilar Mayor Jesus Fernandez Jr. nagkanayon nga iya na’ng gimanduan ang Municipal Disaster Risk Reduction Management Council nga mag maigmaton ug abisohan ang ilang mga residente hilabi na kadtong haduol sa mga coastal areas agi’g pagpangandam  sa pahimangno sa PAGASA  sa nagsingabot nga makusog nga uwan .

Sumala pa ni Fernandez, atol sa pagpakighinabi sa radyo nga bisan pa og sa kasamtangan nihinay na ang uwan og hangin padangon gihapon silang nangandam sa tanang higayon.

Ang isla sa Camotes gilangkuban sa tulo ka mga munisipalidad sa Pilar, Poro, San Francisco og probinsya sa Bohol sa tunga tungang kabisay-an nga gipaubos sa storm signal number one.

Dugang pa ni Fernandez nga suspendido usab ang mga klase sa elementarya .

Samtang ang  Philippine Coast Guard –Visayas nisuspende usab sa mga sakyana’ng pangdagat nga nagbyahian sa isla sa Camotes. (PIA-CEBU/AS)

============

Oktubre 31, usa ka special non-working day

MANILA, Oct 11 (PIA) – Gideklarar ni Presidente Benigno S. Aquino III ang ika-31 sa Oktubre 2011, Lunes, isip special non-working day sa tibuok nasod. 

Gipagawas ang Proklamasyon  Numero 265 sa Presidente  kagahapon, ika-10 sa Oktubre 2011, aron katagaan ug bug-os nga higayon ang mga katawhan sa pag-obserbar sa adlaw  sa relihiyosong makamainiton ug gikinahanglang mobiyahe nagdto nganhi sa lain-laing lugar sa nasod.

Sa paggawas sa Proklamasyon Numero 265, miingon ang Presidente nga "ang Lunes, Oktubre 31, ug Martes, ika-1 sa Nobyembre (Adlaw sa mga Santos), sa naandan gideklarar nga mga espesyal nga adlawa nga walay trabaho.( PIA-Cebu/JSME)

==============

12 ka flights sa Cebu Pacific flights gikanselar karong adlawa

CEBU CITY, Oct 11 (PIA) --- Dose ka mga flights sa Cebu Pacific Air ang gi-kanselar karong adlawa tungod  sa bagyong Ramon nga naglihok ug nagkakusog paduol sa gikahulga nga Eastern Visayas ug sa  northeastern Mindanao.

Ang gipangkansel nga mga flights sugod ganinang alas dose sa udto, mao ang mosunod: * 5J 875 Cebu-Surigao; 5J 876 Surigao-Cebu: 5J 787 Manila-Butuan; 5J 788 Butuan-Manila; 5J 785 Manila-Butuan; 5J 786 Butuan-Manila; 5J 711 Manila-Catarman; 5J 712 Catarman-Manila; 5J 767 Manila-Surigao; 5J 768 Surigao-Manila; 5J 205 Cebu-Cagayan de Oro ug 5J 206 Cagayan de Oro-Cebu.

Ang mga na-apektohan nga mga pasahero sa Cebu Pacific ipahiluna sa sunod nga available nga mga flights, sumala pa.

Ang mga pasahero mahimo sab nga ipa-re-book and ilang mga biyahe sulod sa 30 ka adlaw sa pagkanselar o kaha tipigan sa travel fund nga walay mga penalty. 

Ang Philippine Atmospheric Geophysical and Astronomical Services Administration (Pagasa) mi aninaw sa bagyong "Ramon" 210 ka kilometro sa sidlakan sa Hinatuan,Surigao Del Sur kaganinang udto.

Ang storm signal number one giisa sa  Eastern Samar, Western Samar, Leyte ng mga probinsiya, Bohol, Biliran, isla sa Camotes, northern Cebu, northern Negros, Capiz, Masbate, Ticao Island, Surigao del Norte, Siargao island, Surigao del Sur, Agusan del Norte, Agusan del Sur, Dinagat Island, ug Camiguin Island.

Si Science and Technology undersecretary Graciano Yumul miingon nga ang  “Ramon” gikatakda nga mokusog ug dayon I-klasipikar nga bagyo.(PIA/JSME)