PCL sa Sugbo niapod-apud ug mga kahimana’ng pang eskuyla

by Amor Saludar

CEBU CITY Oktubre 8 (PIA) -- Ang Philippine Councilors League- Cebu Chapter  niapod-apud ug mga kahimana’ng  pang eskuyla o educational toolkits ngadto sa kapin 100 ka mga daycare workers sa ikaduhang distrito sa Sugbo niadtong miaging Miyerkules.

Ang naasoy’ng grupo pinangulohan sa ilang presidente nga si Cebu Provincial Board Member Carmen Remedios Meca, mitunol ngadto sa nahisgutang  distrito sa 111 ka  mga gamit pang eskuyla, nga tipik lamang sa P1.5 milyones nga kantidad sa mga  kahimana’ng iapod-apud ngadto sa tanang munisipalidad sa probinsya sa Sugbo.

Niadtong miaging Miyerkules nikabat ngadto sa 40 ka mga toolkits ang giapod-apud sa grupo ngadto sa mga nagkalain-laing barangay sa Dumanjug, laing 15 usab sa Ronda, 9 saAlcantara, 20 sa Moalaboal ug 25 ang alang sa Badian.

Matud pa ni Meca  nga kini nga mga lungsod, napamatud-an nga kuwang gayud og mga kahimanan alang sa ilang mga tulunghaan particular na niini ang mga day care center.

Ang gipang apod-apud nga toolkits gilangkuban  sa mga libro alang sa mga magtutudlo, story books, illustration kits ingon man musical CDs  alang sa mga bata.

Gitataw ni Meca nga isunod usab unya sa pagpanghatag ang mga CD players, ngadto sa mga daycare workers sa dili pa motapos kining tuiga.

Dugang pa niya nga si Governor Gwendolyn Garcia, nigahin og P1.5 milyones nga budget alang sa mga toolkits nga mao usab ang unang proyekto sa PCL – Cebu Chapter.

Karong sunod semana ang grupo sa mga konsehales sa probinsya sa Sugbo mopatighug ngadto sa Carmen amihanang bahin sa probinsya aron sa pagpadayon sa proyekto.

Nagplano usab ang nahisgutang pundok nga mopatukod og day care centers niadtong mga lugar nga base sa ilang nadiskobrehan wala pa’y mga day care center.

Subay niini aduna usab sila’y plano sa pagtanyag og P250, 000 ngadto sa mga barangay isip ayuda alang sa ilang pagtukod og kaugalingong day care center. (PIA-CEBU/AS)

==============

PCL sa Sugbo niapod-apud ug mga kahimana’ng pang eskuyla

by Amor Saludar

CEBU CITY Oktubre 8 (PIA) -- Ang Philippine Councilors League- Cebu Chapter  niapod-apud ug mga kahimana’ng  pang eskuyla o educational toolkits ngadto sa kapin 100 ka mga daycare workers sa ikaduhang distrito sa Sugbo niadtong miaging Miyerkules.

Ang naasoy’ng grupo pinangulohan sa ilang presidente nga si Cebu Provincial Board Member Carmen Remedios Meca, mitunol ngadto sa nahisgutang  distrito sa 111 ka  mga gamit pang eskuyla, nga tipik lamang sa P1.5 milyones nga kantidad sa mga  kahimana’ng iapod-apud ngadto sa tanang munisipalidad sa probinsya sa Sugbo.

Niadtong miaging Miyerkules nikabat ngadto sa 40 ka mga toolkits ang giapod-apud sa grupo ngadto sa mga nagkalain-laing barangay sa Dumanjug, laing 15 usab sa Ronda, 9 saAlcantara, 20 sa Moalaboal ug 25 ang alang sa Badian.

Matud pa ni Meca  nga kini nga mga lungsod, napamatud-an nga kuwang gayud og mga kahimanan alang sa ilang mga tulunghaan particular na niini ang mga day care center.

Ang gipang apod-apud nga toolkits gilangkuban  sa mga libro alang sa mga magtutudlo, story books, illustration kits ingon man musical CDs  alang sa mga bata.

Gitataw ni Meca nga isunod usab unya sa pagpanghatag ang mga CD players, ngadto sa mga daycare workers sa dili pa motapos kining tuiga.

Dugang pa niya nga si Governor Gwendolyn Garcia, nigahin og P1.5 milyones nga budget alang sa mga toolkits nga mao usab ang unang proyekto sa PCL – Cebu Chapter.

Karong sunod semana ang grupo sa mga konsehales sa probinsya sa Sugbo mopatighug ngadto sa Carmen amihanang bahin sa probinsya aron sa pagpadayon sa proyekto.

Nagplano usab ang nahisgutang pundok nga mopatukod og day care centers niadtong mga lugar nga base sa ilang nadiskobrehan wala pa’y mga day care center.

Subay niini aduna usab sila’y plano sa pagtanyag og P250, 000 ngadto sa mga barangay isip ayuda alang sa ilang pagtukod og kaugalingong day care center. (PIA-CEBU/AS)