Dinaliang pagtuon sa kalig-on sa pwersa militar ug recruitment gikinahanglan sa AFP

by Amor Saludar

CEBU CITY Oktubre 24 (PIA) -- Ang Armed Forces of the Philippines (AFP) angay nga mopahigayon og dinalia’ng og kompleto’ng pagtuon sa kalig-on sa tropa ug sa maabot pa nga kalig-onon niini taliwala sa dugo’ong panagsungi karon tali sa tropa sa kagamhanan ug sa Moro Islamic Liberation Front (MILF) didto sa Basilan ug Zamboanga Sibugay dilin pa lang dugay.

Mao kini ang giluwata’ng pamahayag ni Senator Chiz Escudero.

 Ang duguong engkwentro  tali sa sundalo ug mga sakop sa MILF didto sa Basilan nikutlo og 19 ka kinabuhi sa habig sa mga militar ug laing 6 pa didto sa Zamboanga.

Gitataw ni Escudero kinsa chairman sa Senate committee on justice and human rights nga karon na ang ensakto’ng panahon aron tun-an pagbalik sa AFP ang gidaghanon sa ila’ng mga sakop ug ang mga bakante alang sa mga bag-ong recruit nga kinahangla’ng masudlan aron paglig-on sa pwersa sa militar sa nasud.

Sumala pa niya nga samtang ato’ng gidayeg ang kabayanihon ug kaisog sa ato’ng tropa militar sa pagsungasong sa panggubatan ato usab nga nahikalimtan nga sila dehado sa gidaghanon ingon man minos usab ang kaigmat sa kapatagan diin labaw nga suweto ang kontra’ng mga rebelde.

Dugang pa niya nga angay hinuklugan kini nga pangutana kung unsa ka maayo ang ato’ng pwersa militar ug natuman pa usab niini ang tinuig nga quota sa military recruitment.

Giklaro sa senador ang ka importante ‘ning maong pagtuon aron makab-ot ang gikinahangla’ng kusog ug potensyal sa tropa ug ang mga kabag-ohan nga motakdo sa mga kasamtangang standard operating procedures sa pagpaumemto sa tropa ingon man sa recruitment.

Matud pa niya nga gikinahanglan nga masunod ang tinuig nga quota aron nga kada tuig ang pwersa militar sa nasud magkalig-on ug dili masusama sa usa ka ilaga nga mabitik lang dayon sa gidaghanon sa kontra.

“As the country's guardians of democracy and Constitution, we need to give them enough physical, material and arsenal support to keep and improve their morale and efficiency,”  matud pa ni Escudero.

Gitataw niya nga ang AFP ang anaa sa insakto’ng posisyon nga makahibalo sa kahimtang sa panggubatan ug angay nga  mohan-ay gilayon og mga protocols base sa dili maka angayon nga lakang sa mga salbahis nga elemento batok sa tropa sa kagamhanan partikular na sa Mindanao.

Giawhag ni Escudero ang AFP ingon man ang PNP nga mohimo og kusganon nga lakang aron masunod ang tinuig nga quota alang sa mga bag-ong recruits ug nga matud pa kinahanglan nga gastuon ang budget alang sa mga bag-o nga kawani ug dili itugot pag-usab nga ang daan nga sistema mao’y mopatigbabaw diin ang alokasyon alang sa pagpang hire og mga bag-ong kawani