Publiko - pribadong sektor naghiusa alang sa halapad nga pag-atiman sa panglawas

 

CEBU CITY , Septyembre 12 (PIA) -  Gilusad sa Philippine Health Insurance Corporation (PhilHealth) niadtong niaging semana ang public-private partnership (PPP) kauban ang mga dagkong pangalan sa sektor sa patigayon agi ug suporta sa kampanya sa Department of Health nga  Kalusugan Pangkalahatan o Universal Health Care.

 

Ang  Kalusugan Pangkalahatan kampanya sa DOH alang sa reporma sa panglawas. Diin ang nag –unang tumong niini mao angKalusugan Pangkalahatan o Universal Health Care nga maghatag og proteksyon sa risgong pinansiyal  hilabi na niadtong mga kabus pinaagi sa pagsiguro sa halapad  nga serbisyo ug pagpausbaw sa mga benepisyo sa PhilHealth.

Ang PPP inisyatibong gidesenyo aron pag-abag sa PhilHealth,ingon man pag-agni sa mga katawhan aron mamahimong parte sa  PhilHealth ug paghatag og ayuda sa PhilHeath pag pausbaw sa ilang serbisyo ngadto sa ilang mga miyembro. Niining tanan walay kantidad  nga gibayad ngadto sa mga korporasyon.

Sumala pa ni Health Secretary Enrique T. Ona  nga ang  National Health Insurance Law nagmando sa tanan katawhan adunahan man o kabus sa pagpasakop sa PhilHealth, ug nga dugang pa ni Oca mao nga naningkamot sila pag kab-ot sa “universal coverage” sulod na sa 3 ka tuig.  

Sugdan ang implementasyon niini sa  Metro Manila karong adlawa, isunod ang sa Luzon karong Septyembre 19, sa Visayas karong Septyembre 26, ug Mindanao sa Oktubre 3 ning tuiga. Ang tanan sangang establisamento sa SM ug CIS Bayad Centers mohatag og sobra 1,300 registration sites niadtong gustong mamahimong meyimbro sa Phil Health. 

Mohatag usab og ayuda ang , Globe ug Smart telecommunications pinaagi sa pagpahibalo sa publiko sa mga gipang tanyag ug uban pang mga benipisyo sa  PhilHealth. Pinaagi sa kooperasyon sa e-soluzione ug 1abx, ang nahisgutang higanting telecom sa nasud , magtugot niadtong ilang mga konsumidor paghimo og transaksyon sa PhilHealth gamit ang ilang mga mobile phones.

Matud pa ni COO/EVP Alexander Padilla nga maoy nagmugna ning maong lakang, nga gusto nilang agnihon ang tanan nga mga Filipino hilabina gayod niadtong informal nga sektor sa pag pa enroll sa  PhilHealth.

Gumikan sa PPP ang tanan nga mga miyembro sa PhilHealth kwalipikado na sa mga diskwento sa medisina ug uban ;pang serbisyong panglawas. Ang Watsons Pharmacy mohatag og diskwento sa mga produktong medisina ug cosmetics samtang Rose Pharmacy ug SouthStar Drug sa mga unbranded ug generic nga mga tambal. Ang Qualifirst usa ka United Lab mohatag usab og 50-60% nga diskwento sa ilang mga generic nga tambal.

Samtang ang GlaxoSmithKline (GSK) motanyag og diskwento sa ilang mga bakuna sa flu ug ang PQ Health Shield motanyag og  20% nga diskwento sa mga bakuna nga didto gihatag sa ilang oulets.

Ang ubang mga diskwento gitanyag usab sa   by Fresenius Medical Care alang sa serbisyo sa  hemodialysis ug ang   Vivian Sarabia Opticals  motanyag og libreng eksaminayon sa mata ug   20%  nga diskwento sa mga frames ug lenses.

Ang tanang Cards nikumiter pag ayuda sa PhilHealth sa paghatag og bag-o ug maayo’g kalidad nga ID card nga pagahimoon gamit ang Polyvinyl chloride (PVC) ug aduna’y magnetic stripe.

Sa katapusan ang Unilab maoy moabaga sa galastohan sa card alang sa mga senior citizens.

Nagkanayon si Oca nga ang suporta sa mga pribadong sektor dako kaayo ug matampo alang sa kalampusan sa maong tinguha, tungod kay dugang pa niya dili kini mahimo sa gobyerno lamang mao nga gikinahanglan kaayo ang suporta sa ubang sektor.

Sa samang bahin nanawagan si Oca sa uban pang pribadong sektor pagsuporta sa programang  Kalusugan Pangkalahatan sa DOH. (PIA-CEBU/mbcn/AS)

==========

Probinsya sa Bohol gipasidunggan sa TESDA 

CEBU CITY- Septyembre 12 (PIA) -- Nigawas nga mananaug karong tuiga ang Bohol provincial government sa National Kabalikat Award nga pinasiugdahan sa Technical Education and Skills Development Authority (TESDA). 

Si Budget Secretary Florencio “Butch” Abad, inabagan ni TESDA Director General Joel Villanueva maoy nangunay pagtunol sa plaque of recognition ngadto ni Alfonso Damalerio II administrador sa probinsya sa Bohol.

Ang seremonyas gipahigayon sa TESDA central office didto sa kaulohan niadtong Agost 24 ning tuiga atol sa ika-17 nga anibersaryo sa TESDA.

Matod pa ni Rosanna Urdaneta Regional Director  sa TESDA-7  ang Bohol nakakuha sa maong pasidungog ubos sa local government unit nga kategoriyang  STARS (Skills Training Advocating Reliance on Self Employment), usa ka proyekto diin  3,000 sa ilang mga graduates nahatagan ug prayoridad nga makakuha ug trabaho panahon sa nagkadaiyang mga job fairs nga gimugna sa Bohol Employment and Placement Office. 

Ubos  ning maong proyekto ang Bohol provincial government nag establisar og dugang  nga training centers sa mosunod nga unom ka lungsod: Bilar, Inabanga, Jagna, Pilar, Tubigon, ug Balilihan.

Namugna ang maong training centers pinaagi sa pakigtambayayong sa mga pribadong sektor nga mi donar og balig P24 ka milyon nga luna alang sa maong proyekto.

Ang STARS proyekto nga nahisakop sa Bohol Development Framework Agenda nga gipunting sa panglawas ug sanitasyon, ingon man edukasyon ug teknolohiya, agrikultura ug seguridad sa pagkaon, turismo ug panginabuhian.

Gibutyag ni Bohol Gov. Edgar Chatto ang maong proyekto gitumong aron pagpaminos sa kakabus ug paghatod og kauswagan sa naasoy’ng probinsya.

Si Secretary Villanueva, sa iyang mensahe atol sa awarding ceremony nipasidungog sa Bohol provincial government, kay matud pa tungod sa ilang  paghatag og bili sa  ka importante sa teknikal, vocational, edukasyon ug training sa paghulma ug pag-usab sa kinabuhi sa mga tawo ingon man pagtampo alang sa kalamboan ug progreso sa usa ka lokalidad.  (PIA-CEBU/mbcn/Amor Saludar)