PMHA 2nd Conference himoon sa Sugbo 

Ni Juju S.Manubag-Empuerto 

CEBU CITY, September 26 (PIA) --- Ang Philiipine Mental Health Association (PMHA)-Cebu atol sa selebrasyon sa Mental Health Awareness Week kada ikaduhang semanasa Oktubre mopahigayon sa ikaduhang tinuig nga kumperensiya diri sa Sugbo sa Oktubre 2 sa Sacred Heart Center sa may dalang D. Jakosalem, gikan sa alas 9 sa buntag hangtod sa alas 5 sa hapon. 

Ant tema alang karong tuig nga kumperensiya mao ang “Forging Links & Bridging Gaps:Transforming Mental Health Through Leadership, Advocacy and Collaboration”. 

Mao kini ang gipahibalo sa PMHA-Cebu tsirman nga si Dr Glenda Basubas sa bag-o lang nga ipahigayong Kapihan sa PIA sa PIA-Cebu.

Matod pa ni Basubas nga aduna kiniy registration fee nga P500 nga molangkob na sa snacks, paniudto ug mga materyales. 

Si Basubas midungag sa pag-ingon nga mibana-bana sila ug 350 ngadto sa 400 ang manambong sa maong kumperensiya nga gikan sa pundok medikal, paramedikal, psychologists, psychiatrists, studyante ug uban pa nga buot makaangkon ug kinaadman bahin sa mental health. 

Ang mga topic nga pagadiskusyunan kay ang mosunod: State of the nation’s mental health awareness, Royal road to functionality in Schizophrenia, Understanding depression:Etiology & management, Understanding and helping the disruptive child, Importance of rehabilitation for addiction and other behavioural problems ug Optimizing acute and maintenance therapy in bipolar disorder. 

Si Basubas mibutyag usab nga ang lead singer sa inilang banda sa ulohan nga Zee Band mohatag sa iyang kaugalingon testimonya. 

Alang sa dugang kasayuran ug pagreserba sa kumperensiya, mahimong motawag sa telepono (032)412-2078 ug pangitaon si Teopy Cosino. (PIA-Cebu)