P-Noy nangulo pagbukas sa P265M “ Merkado de Bais sa NegOr

                

BAIS CITY, Sept. 7 (PIA) -- Si Presidente  Benigno S. Aquino III nangunay sa pormal nga inagurasyon pagbukas sa  P265M nga merkadong publiko sa  Poblacion I, Bais City, Negros Oriental.

Ang Presidente nga nagsul-ob og yellow T-shirt niabot sa Bais City kaganinang buntag uban sa mga cabinet secretaries nga sila si Proceso Alcala of DA, Gregory Domingo of DTI, Jesse Robredo of DILG, Mar Roxas of DOTC, and  Felipe Remollo of Clark Development Authority.

Gisunod gilayon  ang pormal nga inagurasyon  pagbukas sa naasoy’ng merkado publiko sa may atubangan pinanguohan sa Presidente inubanan ni Bais City Mayor Karen Villanueva.

Gisaksihan ang maong selebrasyon sa mga kaalyado sa Presidente sa politika, mga mayor sa lalawigan sa Negros Oriental ug uban pang mga national ug local officials.

Ang maong duha ka andanang merkado publiko nahimutang subay sa national highway gikatahong susama kini sa usa ka mall nga may cold storage room facility nga adunay ice marker ingon man underground sewerage treatment sa andana. Sa ikaduhang andana usab nahimutang ang function, dining and transient rooms, and child minding area.

Gihangop sa Presidente ang unique nga straktura sa maong merkado gamit ang bag-ong teknolohiya sama sa elevator,diin sumala pa niya sentro kini sa komersyo nga maghatag og kaayohan sa mga mag-uuma, magpapatigayon ug mga prodyuser.

Dugang pa ni Presidente Aquino nga usa ang ” Merkado de Bais”sa mga dagkong merkadong publiko sa nasud nga gidesenyo magpalambo sa kita ug produksyon sa mga mag-uuma.

Matud pa sa Presidente ang maong  merkado natukod sa subay sa programa sa gobyerno paghatod ug ekonomikanyon kalihukan sa mga silingang lungsod sa Manjuyod, Mabinay, ug Pamplona. (PIA-CEBU/mbcn/Amor Saludar)

===========

Kampanya sa ecological solid waste management gihingusgan 

By: Amor Saludar 

CEBU CITY Septyembre 7 (PIA) -- Gipangunayan sa Office of the Ombudsman paghatag ug solusyon ang nagkagrabeng problema sa polusyon sa matag local government units (LGUs). 

Gibutyag ni DENR Secretary Ramon Paje ang ilang ahensya nakigtambayayong na sa Department of Interior and Local Government (DILG) ug office of the Ombudsman aron pagseguro nga gisunod gayod sa matag LGUs ang mga gikinahanglanon sa Ecological Solid Waste Management Act. 

Matud pa ni Paje kinsaChairman usab sa National Solid Waste Management Commission (NSWMC) nga niluwat na ug 435  ka final notices ang DENR niadtong mga LGUs lukop nasod nga hangtod karon padayon pa ang operasyon sa ilang bukas ug dili kontrolado nga tapokanan sa basura.

Dugang pa niya  kini nga  lakang dako gayod kaayo og kalapasan sa Akta 2000 kun Ecological Solid Waste Management.

Subay niini moluwat usab subpoena sa pagpagawas sa ebidensya ang office of the Ombudsman niadtong mga LGUs nga na isyuhan sa final notice sa DENR.

Sumala pa ni Paje kini  nga lakang haduol na lang sa pag file unya sa mga kasong administratiba niadtong mga LGU officials nga walanisanong sa RA 7160 o Local Government Code.

 

Napanglantawan sa kalihim nga tungod unya niini dili na masubli ang nahitabong pagkahugno sa dumpsite didto sa Baguio. (PIA–CEBU/mcbn/as)