Bohol ug Negros Oriental: Top 10 sa mga performing nga mga probinsiya sa CV

Ni: Juju Manubag-Empuerto

CEBU CITY, 8 Sept (PIA)---Sumala sa bag-ohay nga taho sa Department of Interior and Local Government (DILG), ang probinsiya sa Bohol ug Negros Oriental sa Tunga-tungang Kabisay-an kay anaa sa top 10 nga mga performing nga mga probinsiya sa tibuok nasod.

Ang DILG mipahibalo usab nga ang Dakbayan sa Sugbo usa sa nag-unang 10 ka mga performing highly urbanized nga mga siyudad sa nasod.

“Angay silang gantihan” sumala pa ni DILG-7 Director Pedro Noval nga ang gipasabot mao ang probinsiya sa Bohol ug Negros Oriental ug ang dakbayan sa Sugbo.

Matod pa ni Noval nga ang 2 ka probinsiya striktong mi-obserbar ug mituman sa tanang mga sirkular sa kagamhanang nasyonal.

Dugang usab ni Noval nga ang mga opisyales sa 2 ka probinsiya mi-praktis ug accountability ug transparency.

Ilang ginapakita ilang mga dokumento ug rekord hilabina ang kagastohan sa pundo. Ang publiko ilang ginapahibalo, si Noval misulti..

Ang DILG mitug-an sa nag-unang 10 ka mga probinsiya ug baynte ka mga siyudad nga mipunto ug taas sa Local Governance Performance Management System (LGPMS) nga taho sa tuig 2010 niadtong Dominggo, Septembre 4.

Ang Bohol maoy nag-una sa nasod nga 10 nga top performing nga probinsiya ug mitala kini ug (4.9370) samtang ang Negors Oriental anaa sa ika-upat nga puesto sa nag-unang 10 nga performing nga probinsiya diin mipunto kini ug (4.8331).

Samtang sa highly urbanized nga mga siyudad, ang dakbayan sa Sugbo anaa sa ika-9 nga puesta sa mga nag-unang 10 ka mga highly urbanized cities.

Ang LGPMS nga maoy gidumala sa DILG kay usa kini nga himan sa komputerisado nga magsukod sa kahimoan sa mga pangagamhang lokal diha sa key governance areas.

Sukdon niini ang kahimoan sa siyudad ug probinsiya nga pangamhanang administratiba, sosyal, ekonomiko ug kalikupan.

Sukdon usab niini ang pagkamatin-aw, partisipasyon ug pinansyal nga maasoy.

Ang mga probinsiya ug siyudad mopunto sa angang nga 1 hangtod singko diin ang I maoy kinaubosan ug ang 5 maoy kinatas-an. (PIA-Cebu/JSME)

===========

Gobyerno ug katilingbang sibil nilagda ug kasabutan nga krusada batok pagpalusot ug mga tao sa Sugbo

CEBU CITY, 8 Sept (PIA)---Kinse ka mga ahensiya sa kagamhan ug katorse ka mga pribadong organisasyon mirpira ug gikasabutan sa bag-o lang aron sa pagmarka sa ilang tiubok nga suporta alang sa krusada batok pagpalusot ug mga tao sa Probinsiya sa Sugbo ug sa epektibong pag-implementar sa Anti-Trafficking in Persons Act of 2003 o Akta Republika 9208.

Si Gobernadora Gwendolyn Garcia sa Hunta Probinsiyal sa Sugbo maoy nag-una sa paglagda sa gikasabutan.

Ang probinsiya mitukod sa Cebu Task Force Against Trafficking niadtong Setyembre 2010 nga gisuportahan usab sa nagkadaiyang kagamhanang lokal dinhi.

Matuohopn ang tanan nga ang yawi sa pagpahunong sa pagpayuhot ug mga tao kay pinaagi sa pagbulig sa kagamhan, pribadong sektor ug tibuok komunidad.

Ang mga ahensiya sa goberyerno nga misaad ug suporta batok sa human trafficking mao ang Regional State Prosecutor, Department of Tourism (DOT), Department of Social Welfare & Development (DSWD), Department of Labor & Employment (DOLE), Philippine Overseas & Employment Agency (POEA), Bureau of Immigration & Deportation (BID), Maritime Industry Authority (MARINA), National Bureau Of Investigation (NBI), Police Regional Office (PRO), Criminal Investigation and Detection Group (CIDG), Cebu Philippine Coastguard, Regional Maritime Office, Philippine Ports Authority (PPA), Cebu Ports Authority (CPA) ug Mactan Cebu International AirportAuthority (MCIAA).

Samtang ang katorse ka mga pribadong organisasyon nga nanumpa usab sa paghatag sa mao gihapon nga suporta mao ang Visayan Forum Foundation, Inc., International Justice Mission, Mactan Airline Operators Council, Visayan Association of Ferry Boat and Coastwise Service Operation, Aboitiz Transport System, Hotel, Resort and Restaurant Association of Cebu, Cebu Association of Tour Operators, Cebu Travel and Tours Association, United Trampers Association ofthe Philippines, National Association of Independent Travel Agencies, Inc., Metro Cebu Taxi Operators’ Association, Cebu Provincial Bus Operators’ Association, Cebu Provincial Mini Bus Operators’ Association and Universal Integrated Porters’ Association of Cebu.

Si Garcia mapasalamaton sa tanang sector nga nagpakita ug kadasig aron mahunong ang mga kasong human trafficking sa probinsiya. (PIA-Cebu/JSME)