Kapin 1,000 ka benippisyaryo sa Pantawid Pamilya nakapahimulos sa serbisyo sa gobyerno

 

CEBU CITY, September 28 (PIA) - Kapin sa 1,000 ka mga benipisyaryo sa Pantawid Pamilya ang nakapahimulos sa serbisyo sa gobyerno pinaagi sa Convergence Caravan pinangunahan sa Department of Social Welfare and Development (DSWD-7) niadtong Septyimbre 23 sa Mabolo covered court.

Sa pagpakighinabi sa PIA si DSWD-7 regional deputy program coordinator Shalaine Lucero nagkanayon nga ang maong kalihukan gitumong alang sa pagpakatap og mga impormasyon ug serbisyo, diyalogo ingon panagbinayloay og mga testimonya sa mga benipisyaryo.

Dugang pa niya ang maong programa nag-awhag sa hiniusang lakang alang sa kaangayan sa Pantawid Pamilya, Kapit –Bisig Laban Sa Kahirapan- Comprehensive and Integrated Delivery of Social Services: Kapangyarihan at Kaunlaran sa Barangay (Kalahi-Cidss: Kkb) ug Self-Employment Assistance – Kaunlaran Program (Sea-K), aron makamugna og dakong impak sa pagpakunhod  sa kakabos

Ang mga ahensya sa gobyerno nga niapil sa naasoy’ng kalihukan ug sa samang higayon nihatag sa ilang serbisyo mao ang National Statistics Office (NSO), Department of Agriculture (DA), Department of Health (DOH), Department of Environment and Natural Resources (DENR), Department of Science and Technology (DOST) ug Commission on Higher Education (CHED).

Uban usab sa maong aktibidades ang Department of Education (DepEd), Pag-IBIG Fund Cebu Branch, PhilHealth, Deparment of Agrarian Reform, Philippine Postal, Philippine Overseas Employment Administration (POEA), Presidential Commission for the Urban Poor (PCUP), Cooperative Develoment Authority (CDA), Parole and Probation Administration, Philippine Air Force, 53^rd EB, Philippine Coast Guard ug Philippine Information Agency (PIA). 

============ 

Nisalmot usab ang Young Lawyers Association in Cebu (YLAC) ug nihatag og libreng serbisyong legal

Gikuha ang serbisyo sa mga kawani sa Cebu City Health Office alang sa medical ug dental check up diin kapin 200 ka tawo ang nakapahimulos niini.

Samtang sa laing bahin usa sa mga benipisyaryo sa Pantawid Pamilya nga si Rea Remitio 29 minyo ug adunay 3 ka mga anak nisaysay giunsa pag-usab sa nahisgutang programa ang ilang mga kinabuhi ug nga tungod niini siya mapasalamaton sa DSWD ingon man sa suporta sa local government units (LGUs).

Sa iyang mensahe gitunol ni Lucero ang iyang pasalamat sa tanang mga kaalyadong ahensya sa gobyerno nga nipakita sa ilang suporta sa pagpahigayon sa naasoy’ng kalihukan, iya usab nga giagni ang  mga benipisyaryo nga tagaan og balor ang maong programa ug kanunay nga motuman sa mga gihan-ay nga rekisito niini.

Sa samang higayon iyang gibugnaw kadtong  mga benipisyaryo nga nabrenda sa ilang mga Pantawid Pamilya cards ug sumala pa niya nga ang DSWD nikonsiderar na  sa maong detalye, nganong nahitabo kini, ug nga sa pagkakaron padayon ang gihimong pag monitor ning maong insidente.

Ang sunod nga convergence caravan adto na pagahimoon sa Negros Oriental, Septyimbre 30 ning tuiga.  (PIA- CEBU/AS) 

============ 

Pundo alang sa mga SUC gipatas-an 

by Amor Saludar

CEBU CITY September 28 (PIA) - Gipahibalo sa Department of Budget and Management (DBM) ang pag usbaw sa pundo alang sa state colleges ug universities (SUC) ngadto sa P26.1 billion gikan sa P23.1 billion nga budget karong tuiga, sukwahi sa gihimong protesta sa mga tinun-an ug magtutudlo sa gikatahong pag-iban sa  pundo alang sa mga SUC.

Gitataw ni DBM Secretary Florencio Abad Jr. nga sa gihan-ay’ng  P26 .1 billion nga budget alang sa mga SUC sunod tuig P23.1 billion ninii awtomatikong mapanag-iya sa mga SUC, samtang P2 billion gamiton sa pagtapak niadtong mga bakanteng hugpong ubos sa Miscellaneous and Personnel Benefit Funds (MPBF) ug  P500 million ang gigahin ubos sa komiteba sa Higher education alang sa kalamboan sa mga SUC lukop nasud.

Sugyot ni Senator Chiz Escudero ngadto sa DBM nga magbaton og detalyadong entri alang sa  mga benipisyo sama sa lump sum aron mapakita ang katin-awan ug ang insaktong alokasyon sa SUC budget sunod tuig ingon man aron malikayan usab ang pagduda nga adunay pag-iban sa pundo.

Matud pa ni Escudero nga kung nakahatag og katin-awan ang DBM giunsa pagtagsa tagsa ang budget sa University of the Philippinesmapakita usab sa maong ahensya ang kinatibukang budget  sa ubang mga SUC aron masanta ang mga protesta ug mapakita kung  giunsa ug pila ang pundo nga gigahin sa matag SUC.

 Kahinumdoman nga niadtong miaging semana  nipahigayon og protesta ang mga tinun-an ug magtutudlo sa nagkadaiyang bahin sa nasud aron pagsupak sa gikatahong P146 million nga kibhang sa gihan-ay nga SUC 2012 budget. Ang mga raliyesta nidemanda usab og P45-million nga budget matag SUC lukop nasud apan dili kini maapas sa budget.

Giangkon ni Escudero nga subo palangdungon nga lalisan ang budget alang sa mga state universities, ug nga nganong tugotan ang mga tinun-an nga makigbatok alang sa matag piso nga gigahin alang sa edukasyon kung ang gobyerno makahatag niini nga libre.

Dugang pa ni Escudero nga gikinahanglan mamuhunan ang gobyerno og human capital pinaagi sa pagtapak sa mga buho ug pagmintenar sa mga kasagarang prinsipyo ug pamaagi  isip substansiyal nga tamdanan ug lagda sa estado.. (PIA-CEBU/AS)