Garbo: Buhatong ‘the best’ sa tibuok nasod ang PRO-7

Ni Juju S. Manubag-Empuerto

CEBU CITY, Sept 29 (PIA)--- "Buhaton nako'ng kinamaayohang pwersa sa kapulisan ang Police Regional Office (PRO)-7 sa tibuok nasod."  Mao kini ang saad sa bag-ong gitudlo nga hepe sa PRO-7 nga si General Marcelo Garbo sa gipahayong Kapihan sa PIA kagahapong adlawa.

Matod ni Garbo nga iyang nakita ang mga potensyal sa PRO-7 nga mahimong pinaka-hawod nga pulis unit sa tibuok nasod tungod sa kanunayon niining pagka-finalist kada tinuig nga General Inspection nga ipoahigayon sa Camp Crame.

Misulti usab si Garbo sa wala pa siya matudlo nga hepe sa PRO-7, nadestino na siya diri sa rehiyon ug iyang nakita unsa ka aktibo, ka-abtik ug ka pro-active ang mga opisyales ug mga tao niini.

Karon nga gitagaan siya sa kahigayonan nga pangulohan ang pwersa sa pulis sa rehiyon, si Garbo miingon nga buhaton niya nga padaganon ang PRO-7 sa iyang kinapun-ang potensyal. Gusto usab niya nga padayonon ug ipa-uswag ang mga nahimo na sa iyang giphulihang hepe nga si Chief Supt. Ager Ontog tungod mga maayo ang iyang mga programa.

Matod pa ni Garbo nga wala siyay plano nga undangon kini kungdi iya lang ning modipikaron gamay kay intensyon niya nga himo ug usa ka naglihok ug episyente nga pwersa sa pulis.

Si Garbo nangayo sa todong kooperasyon sa iyang mga tao aron makab-ot ang iyang tumong ug siya mi-admitar nga makab-ot lamang ni ug ang Police Integrated Patrolling System kon PIPS, diin siya mismo ang nimugna ug awtor matuman ug implementar.

Sumala ni Garbo, gamiton niya ang PIPS nga instrumento paingon sa kalampusan ug ang PIPS magsilbeng backbone sa PRO-7 sa pakigbatok sa kriminalidad.

Ang PIPS ni Garbo na-implementar na sa ubang rehiyonal nga buhatan sa kapolisan ug namatud-an nang epektibo sa kampanya batok kriminalidad.

Ang PIPS gi-patern sa Cebu City Police Office’s nga Motorcycle Reaction Unit nga gikomponer sa mga pulis nga mag-motorsiklo.(PIA-Cebu)

=============

PRO-7 determindong mamahimong pinaka-maayong pwersa sa kapulisan tibook nasud

by Amor Saludar

CEBU CITY September 29 (PIA) - Determinado ang bag-ong napili nga Regional Director sa Police Regional Office (PRO-7) nga si Marcelo Garbo Jr sa paghimo sa PRO-7 nga pinaka maayong police regional office sa tibook nasud.

Sa bag-o lang gipahigayon nga Talakayan sa Isyung Pulis (TSIP) forum pinasiugdahan sa  PIA-Cebu si Garbo ngakanayon nga ang iyang administrasyon nag-awhag sa tanang mga police officers nga molihok base sa unsay’ gikinahanglan sa publiko, ug nga kinahanglan usab nga nga dili ra nga maduol sa publiko ang mga kapolisan.

Sumala pa niya kinahanglang  ang mga pulisya sa rehiyon madunggan, ikahinabi ug makita sa katawhan ug aktibo sa tanang mga dapit, giklaro usab  ni  Garbo nga gusto usab niya nga ang tanang mga deputy officers maglihok isip mga deputies.

Dugang pa niya isip bag-ong regional director sa PRO-7 ang iyang opisina nakamugna na og mga aspeto nga ipatuman sulod sa iyang termino, nga maka -paimprob sa performance sa mga pulisya ingon man masiguro ang seguridad sa publiko.

Gibutyag ni Garbo nga ubos sa iyang administrasyon sagupon unya sa mga pulisya ug bag-ohon ang goal setting program aron sila makabaton ug focus sa ilang tagsa-tagsa ka mga area ug kinahanglan usab nga aduna sila’y documentation sa matag aksyon  aron pag siguro nga gihimo gayod sa mga pulisya ang angay’ng buhaton ug dili lamang kutob sa estorya.

Matud pa niya nga pinaka imoportanteng angay nga ipatuman mao ang panagtagbo sa mga police officers ug officials matag karon ug unya ,pagtuman sa mga proyekto ug programa sa insaktong panahon ingon man ang tin-aw nga presentasyon sa matag output nga nahimo.

Nisaad usab si Garbo nga ang PRO-7 mohatag sa ilang suporta sa tourist protection program sa matag siyudad ug munisipyo sa tunga tungang kabisay-an pinaagi sa pagpahugot sa ilang programang ‘Pulis Turista’ ubos sa Police Integrated Patrol System (PIPS).

Nipasalig usab ang opisyal nga hingusgan pa ang ilang pagpatuman sa balaod  nga may kalambigitan sa kinaiyahan, ingon man sa cyber sex ug uban pang mga krimen sa rehiyon. (PIA-CEBU/AS)

============

DOH-7 mi-awhag sa pagbutang ug functional nga psyche ward sa mga RHUs

ni Juju S. Manubag-Empuerto

CEBU CITY. September 28 (PIA) --- Miawhag ang DOH-7 sa mga mga rural health units (RHUs) ug mga tambalanan nga anaa sa mga distrito sa central Visayas  sa pagtukod ug ‘functional psychiatric ward” sa ilang dapit aron sa pagsulbad sa mga kasong may sakit sa pangutok ug aron usab kamenosan ang gidaghanon sa mga pasyente sa nag-inusarang pshychiatric ward sa rehiyon nga gidumala ubos sa kagamhanan sa Vicente Sotto Memorial Meidcal Center (VSMMC)

Mao kini ang gipadayag sa Department of Health (DOH)-7 Information Officer nga si Suzette Limbaga.

Matod pa ni Limbaga nga sa miagi pang tuig sila nagsige ug sangpit sa nagkalain-laing RHU ug mga tambalan diha sa mga distrito dire sa rehiyon sa pagbutang ug functional psychiatric ward tungod kay ang sa VSMMC dili na maka-akomodar sa nagkadaghang mga pasyente nga may balatian sa pangutok.

Sa pagkakaron, ang VSMMC psyche ward adunay 60 nga mga katre sa 133 ka mga pasyente, nga matod pa kapin kini sa tunga sa angay nga ibutang niini.

Pero si Limbaga nagkanayon nga ang ’advocacy drive’ sa pagpugong ug kontrolar sa sakit sa pangutok mas mahinungdanon tungod tutok ra kaayo ta sa publikong kahimsog ug pagpugong sa sakit kay sa pagtagad.

Sukad nga ang ‘health’ gibalik na sa mga kagamhanang lokal, ila na rong tawag sa paghatag ug prayoridad sa programa sa panglawas aron mapausbaw ang kahimsog ug kabaskog sa panglawas diha sa ilang mga konstituwente.

Ang hunta probinsyal sa Negros Oriental sa Tungatungang Bisayas mao lamang ang may kaugalingon nga pshycia nga sentro sa ilang ospital, sumala pa.

Si Limbaga misulti usab nga ang programa sa pagpugong ug kontrolar sa sakit sa pangutok kay tagaan na ron ug importansiya diha sa programa sa DOH ubos sa Philippine Health Agenda sa administrasyon ni Presidente Aquino.

Mi-admitar si Limbaga nga ang promosyon sa ‘mental health’ wala kaayo mahatagi ug importansya kaniadto ug karon nga suportado na kini sa Presidente, ang DOH ma-aktibo na sa adbokasiya niini sa promosyon sa ‘mental health’.

Giila ni Limbaga ang kamahinungdanon sa insaktong pagbansay-bansay sa mga ‘healthcare’ nga mga propesyonal sa pag-atiman ug pagdumala sa pasyente nga dunay sakit sa pangutok sa dili pa tukoron ang psyche ward nga maoy dakong suliran ngano ang mga RHU ug publikong mga tambalanan dilli maka-establisar ug psyche ward.

Sa Sugbo, sa mga distritong tambalanan nga anaa sa mga siyudad sa Carcar, Mandaue, Talisay, Toledo ug Naga, ang awahi ang may duha ka nars nga nabansay na sa pagdumala ug mga pasyente nga may sakit sa pangutok samtang ang uban nga ‘healthcare staff’ sa ubang distritong tambalanan wala pa makapa-ubos ug pagbansay-bansay, si Limbaga misulti.

Sa panapos ni Limbaga, paningkamotan nila sa DOH ang kakulang sa trining sa mga healthcare nga mga propesyonal apil na ang mga barangay health workers sa pagdumala sa mga masakiton ug pangutok. (PIA-Cebu/JSME)

============

Korean Film Fest sa Sugbo nagsugod karon

CEBU CITY, September 28 (PIA) – Gisugdan karong adlawa ang lima ka adlaw nga Korean Film Festival sa Sugbo nga motapos sa Oktubre 2 sa mga salidang taas ug kita nga isalidang walay bayad diha sa SM Cinema sa SM City Cebu.

Ang film festival kay usa sa highlights sa Korean Day sa dakbayan sa Sugbo nga saulogon sa Oktubre 1 sa pagtinuod sa nagkadaghang nagpuyo nga mga Koreano dinhi sa dakbayan ug sa pagpausbaw sa maayong panabot tali sa mga Sugbuanon ug  mga Koreano.

Ang libreng pagpasalida sa mga Koryano nga mga pelikula maoy unang gihimo gawas sa Metro Manila dinhi sa Pilipinas sa Korean Cultural Center (KCC), ang opisyal nga kulturanhong sanga sa embahada sa republika sa Korea.

Hulyo pa ning tuiga gi-inagurahan, ang  paghimo sa KCC nagmatuod sa nagkadaghang Koreano sa nasod ug dili ra kay diri sa Sugbo, sa pasalig niini nga mahimong kinamaayohan sa kulturang Koryano sa mga katawhang Pilipino.

Sumala pa sa KCC, ang tinuig nga Korean Film Fest kay usa sa mga malampusong   padangat sa embahada sa Korea.

Ang KCC miasoy nga tungod sa mapiogong niabot nga nanambong sa naunang film festivals sa ulohan, sila midisider sa pagbalhin sa dako nga benyu nga gawas sa Manila aron mapahiluna ang mas daghan pa nga manambong.

Basi sa datos, adunay gibana-bana nga usa ka libo ngadto sa mil kinyentos nga mga turistang Koryano moduaw sa Sugbo kada adlaw uban sa inadlaw nga biyahe sa eroplano gikan Incheon ug Busan, samtang disiotso mil ngadto sa baynte mil ka mga residenteng Koryano ang gihimo sa Sugbo nga bag-o nilang puy-anan. (PIA-Cebu/JSME)