Biktima sa human trafficking nasagop sa kapulisan

Ni Eli C. Dalumpines

CEBU CITY, Agosto 9 (PIA) -- Laing pang lima ka gidudahang mga biktima sa human trafficking ang nasagop sa mga elemento sa kapulisan diha sa Pier 4, Dakbayan sa Sugbo, kagahapon sa hapon. 

Gipahigayon ang maong operasyon human makadawat ug tip ang 701st Maritime Police Station gikan sa mga opisyal sa barko nga sakyan unta sa mga biktima paingon ug Manilabahin sa usa ka 15-anyos nga batang lalaki nga ninggamit ug fake identity.

Daling mi-responde ang maritime police ug ilang nasuta nga laing upat pa ka mga kauban sa maong biktima, tulo kanila mga babaye nga nagpangidaron ug 16, 17 ug 18,  gikatahong migamit usab ug laing pangan.

Basi sa pagpakigsusi sa kapulisan nahibaw-an nga gikan sa Dakbayan sa Toledo ang mgabiktima ug gisa-aran kini sa ilang recruiter nga pasudlon ug restaurant didto sa kauluhan bugti sa P3,000.00 nga sweldo matag buwan

Matud pa hinoon sa mga biktima nga wa sila makaila sa ilang recruiter nga, matud pa, nagpuyo ra usab sa ilang dakbayan ug mi-una na kini kanila paingon sa Manila sakay sa eruplano.

Gitugyan na sa pulis ang mga biktima sa rehiyunal nga buhatan sa Department of Social Welfare and Development (DSWD) aron ipa-ilawom sa evaluation ug counseling.

Si Rose Salazar, tigduma sa human trafficking sa DSWD, sa pakighinabi sa radyo karongbuntag, nagkanayun nga ila pang susihon  ang tagsa-tagsa ka pamilya sa mga biktima sa di pa nila kini itugyan ug balik sa ilang mga ginikanan.

Gitumbok ni Salazar ang pagpakabana ug panginlabot sa publiko ug mga nagkalain-laing ahensya nga maoy hinungdan sa sunod-sunod nga kalampusan sa kampanya batok sa human trafficking. (PIA-Cebu/ECD)