Administrasyong Aquino mopagawas og pundo 
 alang sa mga Filipino exporters     
Ni: Amor Saludar

CEBU CITY, Agosto 17 (PIA) -- P 200 milyones nga pundong salapi isip Export Support Fund (ESF) sulod sa duha ka tuig, ang gipasalig sa administrasyong Aquino ngadto sa mga Filipino exporters.

Matud ni Sergio Ortiz- Luis presidente sa  Philippine Exporters Confederation (Philexport) nga ang Malacanang nikomiter sa pag pagawas  og P200 milyones sulod sa duha ka tuig isip abag sa mga exporters sa ilang promosyon  sa mga produkto sa nasud.

      
Matud  pa niya, kini nga lakang na uyonan sa presidente Aquino tungod kay naandam na ang budget alang sa Depertment of Trade and Industry (DTI).

Sa nasayran  gikatahong nasugdan na ang proseso sa pagpagawas sa naasoy’ng pundo,karong tuiga.

            

Gipaabot sa mga Filipino exporters nga sa mosunod nga buwan, ila na unyang mapahimuslan ang unang P100 milyones nga pundong gigahin sa gobyerno alang kanila, diin usa unya sa tagaan og gahin niini  ang pagpalambo sa mga small and medium exporters sa nasud.

            

Napanglantawan nga tungod unya niining maong lakang sa gobyerno pag sa suporta sa mga Filipino exporters mas mapalambo pa unya ang export industry lakip na usab ang estado sa ekonomiya ug turismo sa Pilipinas.  (PIA- Cebu /AS)