Probinsiya sa Sugbo nipagawas na sa 20 ka mga lokal nga paynalist sa E-GWEN

CEBU, June 29 (PIA) --- Ang kapitolyo sa probinsiya sa Sugbu nipagawas na sa 20 ka mga lokal nga pangagamhanan nga mga paynalists sa ika-tulong tuig nga implementasyon sa Expanded-Green and Wholesome Environment that Nurtures (E-GWEN), usa ka proyekto sa probinsiya sa Sugbo ug sa Ramon Aboitiz Foundation, Inc. O RAFI.

Ang 20 ka mga LGUs nga paynalist mao ang San Francisco sa Camotes, Tabuelan, Barili, Toledo City, Bantayan, Oslob, Liloan, Catmon, Dalaguete, Argao, Tudela, Carcar City, Cordova, Boljoon, Aloguinsan, Madridejos, Bogo City, Borbon, Dumanjug ug Tuburan.

Apan kini nga mga top performing nga mga siyudad ug mga lungsod ug mga barangays ipa-ubos pa sila sa katapusan’g pagbana-bana o evaluation kung diin pagapili-on ang  tulo sa pinakata-as nga mga baran gays sa kada siyudad ug munisipyo aron makigtigi alang sa napulo ka pinakata-as nga mga  barangays sa tibuok probinsiya.

Ang RAFI executive director nga si Ruth Rowena Alisonorin miingon nga ang resulta gi-basi sa ika-duhang round nga pagbana-bana (evaluation).

Ang pagpili ibasi sa mga kriterya nga nag-apil sa kalimpiyo, sanitasyon, ug panglawas ; greening, proteksiyon ug pagpalambo sa kalikupan ; creativity, artistry ug aesthetic impact ; pagdayeg, pagpromot ug nurturing culture ug heritage ; ug governance systems ug structures.

Alang sa creativity, artistry ug aesthetic impact  mao ang mga barangays sa San Isidro sa San Francisco, Valladolid sa Carcar City, Villahermosa sa Tudela, General Climaco sa Toledo City, Panangban sa Compostela ug Bolocboloc sa Barili.

Alang sa preserbasyon sa mga kabilin mao ang mga barangays sa San Isidro sa San Francisco, Valladolid sa Carcar City, Santo Rosario sa Bogo City ug Panangban sa Compostela.

Ang pag-award sa ganti sa tulo ka pinakata-as nga barangays sa mga siyudad ug mga munisipyo pagahimu-on karong Hulyo 31 nga adunay mga prizes nga P150T alang sa una ; P100T sa ikaduha; ug P50T alang ikatulo nga mga ganti.

Ang mga awardees makigtigi sa napulo ka pinakata-as nga mga barangays « exemplary awards » alang sa tibu-ok probinsiya sa Sugbo ug ang paghatag niini nga mga award pagahimu-on karong Augosto 15 nga usa sa mga actibidades sa Pasigarbo sa Sugbo 2011.

Ang pinaka-maayong E-GWEN Highway top performers pagahatagan ug award karong Disyembre 2011.

Ang probinsiya sa Sugbo mohatag usab ug award sa mga district Engineering office nga nakahimo sa pag mintin kayo sa mga nasyunal nga mga kadalanan dinhi sa probinsiya sa Sugbo. (PIA-7)

===========

Siyudad sa Sugbo nagkinahanglan ug P265M aron sa pag rehab sa merkado sa Carbon Unit 2

CEBU CITY, June 29 (PIA) --- Ang mayor sa siyudad sa Sugbo nga si Michael Rama mitunol ngadto kang Presidente Benigno Aquino sa usa ka sulat-hangyo sa dugang pundo alang sa pagparehab sa merkado sa Carbon dinhi sa siyudad sa Sugbo.

Si Aquino dinhi sa Sugbo sa kasamtangan aron sa pag-inagurar sa 100MGW nga power plant sa KEPCO-SPC Power Corp didto sa barangay Colon, siyudad sa Naga.

Si Rama mihatag usab ngadto sa Presidente sa iyang report nga usa ka chairman sa Regional Development Council sulod sa duha ka bulan.

Ang siyudad sa Sugbo nanghangyo ug P195M alang sa pagre-konstrak sa Carbon Market kauban ang Carbon Market units 1, 2 ug 3.

Gusto sa mayor nga i-rehab ang usa ka dapit nga usa ka tourist destinations sa siyudad tungod sa iyang kasaysayan ug sa iyang kabilin.

Ang Carbon market  mao’y usa ka dakong merkado sa siyudad sa Sugbo ug nagkinahanglan kini ug pundo nga mokabat sa P265M alang sa proyekto.

Si Rama sa iyang sulat ngadto sa Presidente miingon nga ang siyudad nag-gahin na kini ug inisyal nga P70M alang sa maong proyekto.

Ang mayor Rama misulti usab ngadto sa Presidente nga ang pagrehab sa carbon Market usa ka prioridad sa iyang administrasyon aron mahatagan na ug mga lugar ang mga dugay nang nabiya-an nga mga lokal nga mga vendors.

Gi-apil usab ni Rama sa sulat niya ngadto sa Presidente ang kopya sa site development plan ug ang perspektibo  nga gihimo niadtong 2005 pa.

Ang pag rekonstrak sa unit 2 sa Carbon Market Complex sige lang ug kapending gikan pa kini sa panahon sa kanhi mayor sa siyudad sa Sugbo nga si Alvin Garcia. (PIA-7)

==========

Siyudad sa Dumaguete miabli sa ilang unang public market waterless comfort rooms karong adlawa

CEBU CITY, June 28 (PIA) --- Ang kagamhanan sa siyudad sa Dumaguete malampusong mipahigayon karong adlawa  sa usa ka inagurasyon alang  sa Dumaguete Public Market waterless comfort rooms nga nahimutang sa Building 1 sa maong merkado.

Matud sa supervisor sa maong merkado nga si Engr. Ronie Fortin, mamahimo nang magamit sa publiko sugod karong adlawa ang maong mga environment friendly nga mga comfort rooms (CR) kung diin giila kini sa mga katawhan sa siyudad isip usa ka state of the art ug talagsaon nga proyekto.

Ang maong CR naglangkob sa mga cubicles nga mamahimong gamiton sag a kalalakin-an samtang gikatakdang isunod sa pagpausab ang mga CR alang sa mga kababayen-an nga nahimutang usab sa susamang lugar human giaprobahan ang pagtagana ug pondo alang niini.

Kining maong waterless CR gidisenyo nga censor operated ug adunay mga gi-andam nga mga sabon ug toilet paper nga mamahimong gamiton sa publiko nga mogamit sa maong mga comfort rooms.

Matud ni Fortin, sa pagkakaron, matag mogamit sa maong mga modernong pansayan kinihanglang mohatag ug P2.00 alang usab sa kompletong maintenance sa maong CR.

Ang inagurasyon gipangulohan sa mayor sa siyudad sa Dumaguete Manuel Sagarbarria uban ang iyang mga kaubanan nga opisyales sa siyudad.(PIA-7/mbcn/Maryknoll B. Lague)

=========

DTI brings Diskwento Caravan to Dumaguete City

NEGROS ORIENTAL, June 29 (PIA) ---Ang buhatan sa Department of Trade and Industry (DTI) sa Negros Oriental miaghat sa mga yanong konsumidor sa siyudad Dumaguete sa pagpahimulos sa pagpalit sa mga baratong panaliton atol sa ipahigayon nga Diskwento Caravan o gitawag usab nga Presyo Bonanza kaorng Hulyo 5-7, 2011.

Ang DTI gikatakdang mopahigayon sa programa sa tulo ka mga giilang dagkong establisyemento sa siyudad nga mao ang LeeSuper Plaza, Cang’s Inc., ug Robinsaon’s Place sa siyudad sa Dumaguete.

Ang maong Caravan pagasudan uban si DTI Secretary Gregory L. Domingo didto sa Robinson’s Place sa Hulyo 5 alas 10:30 sa buntag.

Adunay total nga 32 ka mga tindahan sulod sa Robinson’s Place ang gikatakdang molangkob sa Caravan uban ang Robinson’s Supermarket kung diin mohatag kini sila ug dagkong mga diskwento sulod sa tulo ka adlaw nga programa.

Ang mga mamalitay nga makapalit labaw sa P300 nga non-food items ug P500 nga kantidad sa appliances mamahimo usab makaangkon ug mga premyo pinaagi sa Diskwento Raffle kung diin manghatag kini sa mga mabunutan ug lain-laing dagkong papremyo .

Nag-andam usab ug mga makalingaw nga mga duwa ug gimmiks aron molingaw sa publiko nga molangkob sa maong Caravan.

Sa laing bahin, ang Cang’s Inc nga nahimutang sa Daro sa siyudad sa Dumaguete gikatakdang mobaligya ug mga labing baratong notebooks lakip na ang mga item sama sa gatas, kape, sabon, de lata ug bugas kung diin ibaligya kini sa presyo nga 50% discount sa Cang’s Diskwento Korner.

Laing diskwento korner ang ipahigayon sa Lee super Plaza kung diin ang mga mamalitay mamahimong makadiscount sa mga basic commodities ug groceries.

Ang Diskwento Caravan Project usa ka programa sa tibuook nasud pinaagi sa pagpaningkamot sa buhatan sa DTI sa tumong nga maghatag ug higayon sa publiko nga makapamalit ug mga baratong items isip abag sa padayong pagmahal sa presyo sa krudo dinhi sa nasud.(PIA-7/mbcn/Maryknoll Lague)

=========

Rice Subidy Program alang sa mga yanong manangat ug mag-uuma sa NegOr, gisugdan na

NEGROS ORIENTAL, June 29 (PIA) --- Ang Department of Social Welfare and Development (DSWD) mipadayon sa ilang mubo nga programa sa rice subsidy alang ngadto sa mga yanong mag-uuma ug mananagat sa probinsya sa Negros Oriental.

Ang mga napili nga mga benipisyaryo nga mag-uuma gikan sa 18 ka mga lungsod ug siyudad sa Negros gikatakdang makapahimulos sa maong programa nga ipatuman pinaagi sa cash for training anf cash for work basis, kini matud pa ni Aileen Lariba tigpamaba sa DSWD 7 atol sa usa ka pakighinabi.

Ang mga benepisyaryo sa programa kinahanglang mopaubos sa upat ka adlaw nga pagbansay-bansay kung diin sila tudloan sa lain-laing pamaagi sa epektibong pagpananom ug pagpangisda sa tumong nga makatabang kini sa pagpausbaw sa ilang panginabuhi.

Isip baylo niini, ang matag benepisyaryo makadawat ug P267 sulod sa 14 ka adlaw kung diin human sa upat ka adlaw nga training laing napulo ka adlaw ang itagana alang sa pagpanglimpyo sa mga umahan isip pangpangandam sa panahon sa pagpananom.

Wala pa matud pa makahatag ang DSWD sa eksaktong gidaghanon sa mga benipisyaryo tungod kay bag-o lamang kining gisugdan sa ahensya sa sayong bahin niining buwan.

Ang Rice Subsidy Program gipangunahan sa DSWD uban sa pakigtambayayong sa Bureau of Fisheries and Aquatic Resources (BFAR) ug Department of Agriculture (DA) nga adunay tumong sa paghatag ug temporaryong panarbaho sa mga yanong mananagat ug mangingisda sa nasud.(PIA-7/mbcn/Maryknoll B. Lague)

===========

110 ka mga Sugbuanon nakaangkon ug scholarship sa maritime studies

CEBU CITY, June 28 (PIA) --- Kapin sa 100 ka mga estudyante gikan sa Sugbu ang mamahimo nang ipadayon ang ilang damgo nga mahilakip sa indistriya sa panagat human sila mapili isip kabahin sa mga estudyanteng gihatagan ug full scholarship gikan sa International Maritime Employers’ Committee Ltd,(IMEC).

Matud sa Secretary general sa IMEC nga si Giles Heimann, ang ilang kompanya dako ug pagtuo sa katakos sa mga Cebuano ilabi na sa Universoty of Cebu Maritime Education and Training center (UC-METC) sa pagprodyus  ug mga de kalidad nga mga Pilipinong seafarers.

Atol sa usa ka frum nga gipahigayon sa nahisgutang unibersidad niadtong Huwebes, sa 10,000 ka mga aplikante, 110 ka mga maritime cadets sa UC METC alang sa tuig 2011 hangtod 2015 ang nakadawat ug full scholarship sa IMEC kung diin kining maong mga estudyante gisaaran ug maayong trabahi human sa ilang graduation.

Ang IMEC usa ka maritime organization nga gipondohan sa Maritime Training Trust (IMTT) nga naglangkob sa 130 ka mga kompanya gikan sa 40 ka nasud sa kalibutan. Aduna kini 7,500 ka mga dagkong barko nga nag-operate sa lain-laing lugar sa kalibutan.

Matud ni Heimann, ang ilang kompanya mohatag ug dagkong tabang sa mga swerteng scholars sama sa 100% libreng tuition fee, board and lodging, mga seminars, libro, uniporme ug uban pa.

Gisaad usab ni Heimann nga padayong makigtambayayong ang ilang kompanya uban sa UC-METC sa pagprodyus ug daghang de kalidad nga mga seafarers sa Sugbu tungod sa ilang pagtuo nga ang mga Pilipino mga maayong trabahante ug determinado sa ilang mga trabaho.

Lakip sa mga maangkon sa mga scholar mao ang allowance atol sa ilang pagpahigayon sa ilang intership uban ang sigurong trabaho human sa upat ka tuig nga pagtuon.(PIA-7/mbcn/Maryknoll B. Lague)

=========

110 ka mga Sugbuanon nakaangkon ug scholarship sa maritime studies

CEBU CITY, June 28 (PIA) --- Kapin sa 100 ka mga estudyante gikan sa Sugbu ang mamahimo nang ipadayon ang ilang damgo nga mahilakip sa indistriya sa panagat human sila mapili isip kabahin sa mga estudyanteng gihatagan ug full scholarship gikan sa International Maritime Employers’ Committee Ltd,(IMEC).

Matud sa Secretary general sa IMEC nga si Giles Heimann, ang ilang kompanya dako ug pagtuo sa katakos sa mga Cebuano ilabi na sa Universoty of Cebu Maritime Education and Training center (UC-METC) sa pagprodyus  ug mga de kalidad nga mga Pilipinong seafarers.

Atol sa usa ka frum nga gipahigayon sa nahisgutang unibersidad niadtong Huwebes, sa 10,000 ka mga aplikante, 110 ka mga maritime cadets sa UC METC alang sa tuig 2011 hangtod 2015 ang nakadawat ug full scholarship sa IMEC kung diin kining maong mga estudyante gisaaran ug maayong trabahi human sa ilang graduation.

Ang IMEC usa ka maritime organization nga gipondohan sa Maritime Training Trust (IMTT) nga naglangkob sa 130 ka mga kompanya gikan sa 40 ka nasud sa kalibutan. Aduna kini 7,500 ka mga dagkong barko nga nag-operate sa lain-laing lugar sa kalibutan.

Matud ni Heimann, ang ilang kompanya mohatag ug dagkong tabang sa mga swerteng scholars sama sa 100% libreng tuition fee, board and lodging, mga seminars, libro, uniporme ug uban pa.

Gisaad usab ni Heimann nga padayong makigtambayayong ang ilang kompanya uban sa UC-METC sa pagprodyus ug daghang de kalidad nga mga seafarers sa Sugbu tungod sa ilang pagtuo nga ang mga Pilipino mga maayong trabahante ug determinado sa ilang mga trabaho.

Lakip sa mga maangkon sa mga scholar mao ang allowance atol sa ilang pagpahigayon sa ilang intership uban ang sigurong trabaho human sa upat ka tuig nga pagtuon.(PIA-7/mbcn/Maryknoll B. Lague)

===========

Ang gobernador sa probinsiya sa NegOr nakadayeg pag-ayo sa programa sa subsidiya sa humay

by Rachelle M. Nessia

DUMAGUETE CITY, June 28 (PIA) --- Ang gobernador sa probinsiya sa Negros Oriental midayeg sa programang subsidiya sa humay nga gi-implementar sa nasyunal nga pangagamhanan alang sa mga pinili nga mag-uuma ug mangingisda sa probinsiya. 

Sa iyang pakighinabi dungan sa pagpanghatag sa mga cash nga kwarta ngadto sa mga piniling benepisyaryo niining programaha diha sa lungsod sa Dauin, si gobernandor Roel Degamo miingon nga kining lihok sa gobiyerno sa pagpanghatag sa subdiya nga cash ngadto sa mga mag-uuma ug sa mga mangingisda usa ka dako'ng pagpa-tukpaw (boost) sa sektor sa agrikultura taliwala niining mga panahon sa kalisud.

Ang nasyunal nga panggobiyerno, pinaagi sa  Department of Social Welfare and Development (DSWD) sa kasamtangan mi-implementar sa Rice Subsidy Program, usa kini ka hamubo ug temporaryo'ng "cash tugbang sa pagbansay-bansay" ug "cash tugbang s pagtrabaho" nga asistans ngadto sa mga gagmay'ng mag-uuma ug mga mangingisda aron makalabang sila sa mga panahon nga hagip-ot ang ilang mga kinita-an. 

Ang DSWD nagsugod sa pag-implementar sa maong programa dinhi sa Negros Oriental niini lamang sa bulan sa Hunyo, kung diin ang Dauin maoy unang naka-benpisyaryo niini ug nakadawat kini ug cash grants alang sa programa.  

Adunay mga 18 ka mga lokal nga mga pangagamhanan sulod sa probinsiya sa Negros Oriental nga gilista nga maka benepisyo sa maong programa. 

Matud pa sa Capitol Information Officer nga si Adrian Sedillo, sa iyang mensahe, ang gobernador mipahimangno sa mga benepisyaryo sa Dauin nga ayohon sa pag-gamit ang Cash subsidy nga nagagikan sa nasyunal nga pangagamhanan. 

Ang gobernandor miingon nga "Dili unta ninyo usik-usikan ang tabang nga inyong nakuha sa gobiyerno.  Ayaw intawon ninyo'g gastoha alang sa inyong mga bisyo."

Si Sedillo midugang nga si gobernandor Degamo uyon ug dako ang iyang pag-supota sa programa kay matud pa niya, kini usa ka dakong pagpa-aghat sa mga lihok sa gobiyerno sa pagpa-usbaw sa sektor sa agrikultura  dinhi sa probinsiya. 

Sa sayo pa niining tuiga, ang gobernador migahin ug pundo nga mikabat ngadto sa P5M alang sa pagpalit sa mga "seed inoculant"  nga makapa-us-os sa pag-gamit sa mga abuno, sa ingon pakapakunhod kini sa gastusan sa mga mag-uuma. 

Sa lain pang bahin, ang gobernandor nibubo usab kini ug P4.6M alang sa pagpalit ug mga trucks nga mao'y modala sa mga produkto nga agrikultural nga walay bayad gikan sa mga umahan ngato sa mga merkado sa probinsiya.

Usa usab ka milyon ka pisos ang gigahin alang sa pagpamalit sa mga certified seeds;  P.5M usab alang sa pagpa-liwat ug mga nitibong mga animal ug laing P.5M nga alang sa pagpatukod sa bagsakan centers alang sa mga organikong produkto sa probinsiya, si Sedillo miingong. (PIA-Negros Oriental/mbcn/rmn)

==========

Army mipahimutang sa ika-duhang dagan alang sa kalinaw 
by: Jennifer Catan-Tilos

DUMAGUETE CITY, June 28 (PIA) --- Ang ika-duhang hugna sa Dagan alang sa Kalinaw (Run for Peace) nga gihimo sa   11th Infantry Battalion sa Philippine Army niadtong Domingo alang sa mga skolars niining Lapu-lapu Educational Assistance Program (LEAP) didto sa Negros Oriental State University sa Guihulngan, Negros Oriental.

Gitawag kini nga "Bayanihan: Lakad at Takbo para sa Kapayapaan, Tungo sa Kaunlaran,” ug gisalmutan kini sa mga representante sa Dumaguete Press Club (DPC); React Group-Guihulngan City Chapter; Tau Gamma Phi Fraternity; DepEd; PNP; ug mga residente sa siyudad sa Guihulngan.  

Ang napulo (10) ka mga LEAP skolars nga mga estufyante sa NORSU miapil usab niining Lapu-lapu Run for Peace and Fun Walk.

Mga lima ka kilometro nga ‘bayanihan walk’ nagsugod sa mga  5:30 sa buntag nga nagagikan sa 11IB’s headquarters sa Brgy. Mckinley, ug kini natapos  didto sa  Public Plaza sa siyudad sa Guihulngan.  

Kini nga kalihokan inubanan sa tulo ka mga events: ang 3km nga dagan alang sa mga lalaki ug babaye nga nag-edad gikan sa 12 ug paubos;  5km nga dagan alang sa mga lalaki ug babaye nga nag-edad sa 17 ug pa-ubos; ug ang 10km nga alang sa tanan (open category).

Anga mga manana-og sa kategoya A ( 3km male and female ages 12 years old and below) mao si Jay-r Pionela nga taga Dumaguete City; ug si Reyshel Queding nga taga Valencia nga nakakuha sa 1st place.

Si Jonel Dumaplin nga taga Guihulngan City, 2nd place; ug Ian Lagahit ,Valencia ang nakakuha sa ika-tulong dapit ( 3rd place).

Sa kategorya B (5Km category) sila si Erlicito Pionela- Dumaguete City ug Ronalyn Jeligan -Calatrava maoy nakakuha sa 1st place.  Sila usab si Shalni Fe Antosada-Dumaguete City ug Jun Rey Salde-Canlaon City, 2nd place; ug John Quintana-Calatrava, 3rd place.

Sa kategorya C (10km open) Greg Canumay- Guihulngan, Mark John Calimot-Guihulngan ug Arwin Jabunod-Calatrava nakakuha sa 1st, 2nd and 3rd places sa kada-usa kanila. 

1LT Von Ryan Gomez sa 11thIB sa Army miingon nga aduna usab mga special awards nga gipanghatag ngadto sa usa ka singko-anyos nga bata nga si Joash Canumay nga maoy pinaka-bata sa tanang mga niapil sa dagan ug ang  60 anyos nga si Lita General nga maoy usab pinaka-tigulang sa mga mi-apil nga mga 110 ka runners.

Ang first placer nakadawat ug P 3,000 nga cash ug medal samtang ang ikaduha ug ika-tulo nga mga mananaog nakadawat ug P2,000 ug P1,000 ug mga medalya sa matag-usa kanila.

Ang mga special awardees ug ang pito nga pinaka-kusog modagan gihatagan usab ug P 500 kada-usa kanila nga consolacion prize, matud pa ni Gomez.

Si Gomez miingon nga ang Dagan alang sa Kalinaw maoy usa sa kalihokan sa pag-promot dili lang sa pisikal nga kaayohan sa mga katawhan kung dili pag-dani usab kanila sa paghatag ug suporta ngadto sa Armed Forces of the Philippines ug sa kampanya sa gobiyerno aron makab-ot ang kalinaw,  seguridad ug pagpalambo sa mga komunidad. (PIA-NegOr/mbcn/JCT)