Probinsiya sa Sugbo andam mopirma ug usa ka  kasabotan sa pagmugna ug plano batok sa katalagman

CEBU, June 26 (PIA) --- Ang probinsiya sa Sugbo andam nga mopirma ug usa ka kasabotan tali sa National Economic and Development Authority (NEDA) aron sa pagmugna ug usa ka plano kabahin sa Disaster Risk Reduction and Climate Change Adaptation.

Ang miembro sa hunta probinsiyal sa Sugbo mipasa na ug usa ka resolusyon nga giduso ni board member Thadeo Ouano nga ilang gi-hatagan si gobernador Gwen Garcia sa usa ka otoridad nga maoy mopirma sa kasabotan.

Si Garcia ug ang NEDA nangita pa ug igong panahon nga magpinirmahay sila sa kasabotan.

Ang NEDA, pinaagi sa Regional Development Council (RDC) ubos sa pakig-alayon sa United Nations Development Program ug ang Australian Agency for International Development mo-implementar sa usa ka proyektong gitawag “Integrating Disaster Risk Reduction and Climate Change Adaptation sa Local development Planning and decision-making processes.

Sigun sa usa ka administrative order nga gi-isyu niadtong September 17, 2010 nga nagdirekta sa tanang mga lokal nga mga pangagamhanan ilabina na ang mga probinsiya sa pagpahaom ug pag-gamit sa mga sumbanan ug ang NEDA  maoy  mopahigayon sa mga actibidades alang sa mga pagbansay-bansay o (capability building) alang sa pagplano, gikan sa lebel nga lokal, rehiyonal ug nasyunal.

Usa sa mga proyekto  nga ikahatag mao ang teknikal nga pagbulig ngadto sa mga probinsiya  sa pagmugna sa usa ka DRR/CCA enhanced plans.

Ang probinsiya sa Sugbu nagkinahanglan sa maong teknikal nga panabang aron sa pagpa-uswag sa ilang kapabilidad sa pagmugna sa ilang mga mauswagong mga plano . (PIA-7/mbcn/Leandria P. Pagunsan)

==========

Dumaguete, Fort San Pedro apil sa Lakbay Jose Rizal heritage trail sites

NEGROS ORIENTAL,  June 26 (PIA) --- Ang Departmento sa Turismo (DOT) miila sa Dumaguete City sa Negros Oriental ug and Fort San Pedro sa Cebu City nga mahi-apil sa mga dapit nga bisitahan kabahin sa Lakbay Jose Rizal @ 150 Heritage Trail dinhi sa Central Visayas .

Sigun sa ika-150 birthday ni Jose P. Rizal, ang gobiyerno sa Dumaguete City mi-imbita sa mga langyaw ug mga lokal  nga mga turista sa pagbisita ug pagdiskubre sa mga dapit nga nahimong kabahin sa kinabuhi ni Rizal.

Ang City Tourism officer nga si Andrey Tumulak  miingon nga si Rizal nakabisita sa Dumaguete City nga sakay sa iyang barko nga SS Espana.

Si Rizal nakigmiting dayon sa gobernador regal sa Negros Island ug iyang klasmayt nga si Herrero Regidor.

Si Tumulak mi-agni sa mga langyaw ug mga lokal nga mga turista sa pag biyahe nga sama sa mga perigreno alang sa Lakbay Jose Rizal @ 150 ug pag bisita sa mga kabilin nga mga dapit o heritage sites nga maoy gi-promot sa mga tour brochure.

Ang unang usa ka gatos ka mga perigreno nga nakabisita na sa tanang mga gi-promot sa travel brochure nga mga kabilin nga dapit makadawat ug token ug usa ka certipikit nga “Kalakbay ni Gat Jose Rizal” apan gikinahanglan nga makapakita kini ug mga stamps  ngadto sa nacional Historical Comissión of the Philippines nga usa ka  pagmatuod nga ila Nang nabisita ang maong lugar.

Ang pag stampa sa brochure nagsugod gikan sa June 19, 2011 hangtud sa June 19, 2012. (PIA-7/mbcn/Leandria P. Pagunsan)

============

UNESCO na-alarma kabahin sa padayong pagtubo sa gidaghanon sa kaso sa HIV sa mga kabatan-onan sa nasud

CEBU CITY, June 26 (PIA) --- Usa ka research group gikan sa United Nations Educational, Scientific and Cultural Organization (UNESCO) ang mianunsyo kagahapon nga ang sector sa kabatan-onan gawas sa sex workers ug migrant workers lakip sa gikonsiderar nga adunay “high risk” sa Human Imuunodeficiency Virus (HIV) dinhi sa nasud.

Ang pagtuon nga gitawag ug “Philippine Education Sectors’ Response to HIV, Drugs and Sexuality” mipakita nga ang mga kaso sa HIV sa nasud misaka pag-ayo ug nag-unang apektado mao ang mga kabatan-onan nga nag-edad ug 15 hangtod 29.

Ang maong pagtuon gipahigayon sa lima ka mga eksperto nga gipanguluhan ni Dr. Evalina Vicencio gikan sa University of the East-College of Educaion Dean.

Base usab sa pamahayag sa UNESCO HIV-Acquired Immune Deficiency Syndrome (AIDS) ug School Health consultant Ahmed Afzal, 40 porsiyento sa mga bag-ong kaso sa HIV sa kalibotan nanglangkob sa mga kabatan-onan ubos sa pangidaron nga 29 ka tuig.

Gitudlo nga posebleng hinungdan sa pagdaghan sa kaso sa HIV sa mga kabatan-onan mao ang kahuyang ug impluwensya sa mga barkada, media sama sa internet ug mismo ilang kaugalingong pamilya.

Nagtuo sa Azfal nga bisan sa bata pa nga pangidaron kinahanglang mahibalo ang mga kabatan-onan sa mga risgo nga atubangon sa pag-angkon ug HIV aron usab sila mismo makahibalo sa paglikay niini.

Gihangyo usab sa UNESCO ang mga sakop sa media sa pagpadayon sa pagpakatap ug satong impormasyon kabahin sa paglikay sa HIV ilabi ngadto sa mga kabatan-onan nga mao nay sagad biktima niini.(PIA-7/mbcn/Maryknoll B. Lague) 

==========

DENR Chief nanguna sa paglunsad sa NGP dinhi sa Sugbu

CEBU CITY, June 26 (PIA) --- Ang Department of Environment and Natural Resources sa Rehiyon 7 (DENR 7) maoy mipahigayon sa Mine Tour 2011 bag-ohay lng didto sa buhatan sa APO Cement Corporation sa Barangay Tina-an siyudad sa Naga sa probinsya sa Sugbu isip kabahin sa pagselebrar sa Environment Month.

Dul-an sa 20 ka mga lokal nga media ang milangkob sa maong kalihokan nga adunay tema nga “Responsible Mining through Environmental Protection and Social Responsibility”.

Matud kang Engr. Jeneyy Patalinghug ang Environment Health and Safety Engineer sa APO Cement Corporation (ACC), ang pinakaunang planta sa semento dinhi sa nasud napatukod niadtong tuig 1921.

Aduna matud pa kini duha ka mga production facilities nga makaprodyus ug mokabat sa 8,000 ka metric tons o 125 ka bags  nga semento matag adlaw.

Sa laing bahin, gibutyag usab ni Patalinghug ngadto sa media ang mga programa sa ilang kompanya kalabot sa pagprotihir sa kalikopan u gang mga pamaagi alang sa pagkab-ot sa limpyo ug luwas nga palibot.

Matud pa, ang ilang kompanya nagtuo nga ang komunikasyon ngadto sa komunidad usa ka dakong tabang aron mahibaw-an ang mga reklamo ug mkapahigayon ug dinaliang aksyon kabahin niini.

Lakip sa mga gipresentar nga programa sa ACC mao ang mga tree planting activity, drainage system maintenanace ug dust ang noise suppression.(PIA-7/mbcn/Maryknoll B. Lague)

==========

DENR Chief nanguna sa paglunsad sa NGP dinhi sa Sugbu

CEBU CITY, June 26 (PIA) --- Si Environment Secretary Ramon J.P Paje maong nanguna sa paglunsad sa National Greening Porgran (NGP) kagahapong adlawa Hunyo 25 didto sa Baranagy Jaclupan siyudad sa Talisay dinhi sa probinsya sa Sugbu.

Target sa programa ang pagpananom ug kahoy sa 1.5 ka milyon nga ektarya nga yuta sa mga kabukiran sa probinsya nga inanay nang nangaopaw tungod sa grabeng illegal nga pagpamutol ug kahoy.

Tumong sa NGP ang pagpanindot sa kalikopan ug pagpausbaw sa gidaghanon sa mga kahoy tibuok nasud isip subay sa kampanya sa pakigbatok sa climate change.

Dili lamang kutob sa pagpananom ug kahoy, tumong usab sa NGP ang pagdebelop sa ekonomiya ug pagpausbaw sa panginabuhi sa mga kabos nga Pilipino nga nanimuyo sa kabukiran pinaagi sa paghatag ug daghang opotunidad sa panginabuhi sa dul-an 6 milyones nga pamilya sulod sa unom ka mga tuig sugod 2011 hangtod 2016.

Matud sa DENR 7 Regional Executive Dorector Maximo Dichoso, ang NGP naghinaot usab sa pagpausbaw sa kalidad sa tubig gikan sa mga sapa, irigasyon sa mga umahan, pagpaubos sa risgo sa dagkong mga pagbaha, pagwagtang sa grabeng carbon dioxide ug pagpausbaw sa industriya sa wood products sa nasud.

Target sa DENR 7 nga makapananom ug 2.816 k milyon nga mga seedlings sa 5,632 ka ektaarya nga yuta dinhi sa probinsya sa Sugbu.

 

Ang paglunsad sa programa gisugdan sa alas otso sa buntag pinaagi sa pagpirma sa NGP memorandum of Agreement tali sa DENR 7, DA 7, DAR 7 ug lain pang 25 ka mga ahensya sa gobyerno ug pribado.(PIA-7/mbcn/Maryknoll B. Lague)

===========

SB San Juan nipahimangno sa publiko sa ordinansa nga nagdili sa pagpanakop ug aquatic life

SIQUIJOR, June 25 (PIA)---Determinado nga makab-ot ang katuyoan nga maila isip Tourism Capital sa probinsya sa Siquijor ug pagbaton ug ikasarang nga bintaha sa mga maanindot nga mga baybayon, marine waters, abunda nga tubig, ug maanindot nga mga talan-awon ug natural nga mga tinubdan, ang munisipyo sa San Juan nagpahimangno sa publiko sa ordinansa nga nagdili sa pagpanakop ug aquatic life.

Pinaagi sa regular nga sesyon sa Sangguniang Bayan niadtong Pebrero 11, 2011, sila nisagop sa Ordinance No. 3, s. 1988, nga striktong nagdil sa pagpanakop, pagpanguha ug mga isda ug tanang aquatic life nga makit-an sa natural spring, natural swimming pool, blind canal ug embankment sa Poblacion, San Juan, Siquijor,ug pagpatong ug multa sa kalapasan niini.

Gideklara usab ang palisiya niini nga pagpromot ug turismo nga adunay tumong nga pagpreserba, pagprotihir ug pagpalambo sa tourist attractions nga makit-an sulod sa ilang hurisdiksyon.

Bisan kinsa nga indibidwal o grupo nga makit-an o masakpan nga nanguha, nanakop, ug nagtransport ug mga isda bisan unsa man ang motibo ug tumong patungan ug multa nga P2,500 matag indibidwal ug pagkapriso kung hukman sa korte.

Sa kasamtangan, matud ni Information Officer Jacinto V. Maata, kadaghanan sa mga nigamit sa mga pool nidalibad sa pagbayad sa gipatuman nga multa. (PIA 7/mbcn/Angie P. Amodia)

==========

PAF magsaulog sa ilang ika-64 nga Founding Anniversary sa Hunyo

CEBU CITY, June 25 (PIA)---Ang The Philippine Air Force (PAF) magsaulog sa ilang ika-64 nga anibersaryo sa pagkatukod sa ilang ahensiya nga adunay tema nga “Ang Inyong Hukbong Himpapawid: Kaakibat sa Kaunlaran at Kaisa sa Kapayapaan.”

Aron sa pagpunting sa pagsaulog sa ilang anibersaryo, ang PAF sa Mactan ug Cebu gikatakda nga mopahigayon ug mga pasiunang kalihokan nga subay sa ilang pasalig nga pagserbisyo sa kabos nga mga katawhan, pagluwas sa kinabuhi ug pagprotektar sa kalikopan.

Gani niadtong bag-ohay lang Hunyo 18 sila nagpahigayon ug Advocacy Biking nga magpromot ug malinawon ug maayong panggobiyerno nga giapilan sa nagkalain-laing ahensya sa gobyerno ug pribadong sektor.

Aduna usab silay ipahigayon nga medical mission sa  Brgy. Alegria, Cordova karong Hunyo 28 ug tree planting activity sa Mt. Pul-ong, Sibugay, Cebu sa Hunyo 30. (PIA 7/mbcn/Angie P. Amodia)