Opisyal sa DAP mipadayag sa kalahian sa DBP sa ubang GOCCs

CEBU CITY, June 17 (PIA) --- Usa ka opisyal sa Development Academy of the Philippines (DAP) sa miaging Martes mipadayag sa mga rason nga nakalahi sa ilahang institusyon kumpara sa ubang government-owned and controlled corporations (GOCCs).

Matud pa sa bise-presidente sa DAP Dr. Elizabeth Manugue, ang mga programa nga ilang gibuhat uban ang laing ahensya dili lamang mitabang sa ahensya sa pagbuhat ug maayo kundi ang mas pagpalig-on sa ilang paghiniusa sa mga stakeholder.

Aron pagtabang sa uban niining ahensya sa pagbuhat ug mas epektibong katungdanan, si Manugue miingon nga ang DAP miaghat ug mga synergistic nga mga ideya ug aktibong pakigpares sa ahensya diin misiguro nga anaa kini mahinungdanong papel sa pagmugna ug unay niining mga programa nga ipatuman.

"Yun po siguro ang isa sa mga uniqueness ng DAP, hindi po kami gumagawa ng programa na kami lang ang gagawa pagkatapos ibibigay sa agency, but rather, kasali po yung agency sa aming pag-design ng programa for capacitating the agency and to deliver their mandates better," matud niya sa usa ka panaghinabi sa Talking Points nga madunong sa NBN Channel 4 ug dzRB Radyo ng Bayan 738 kHz AM.

Dugang niya nga ang DAP nakigpares sa ahensya sa pangagamhanan, pribadong sektor, civil society, akademya, ug bisan ang mga international nga organisasyon aron pagpaantigo sa pagpatarung sa mga programa.

Sa pagkakaron, matud pa ni Manugue nga ang DAP nagtanyag ug mga nagkalain-laing programa alang niining capacity bulding ug debelopment.

Kalabot niini nga programa mao ang pagdumala, quality competitiveness, knowledge management, ug sustainable human development nga mitanyag ug development strategies ug solutions.

Si Manugue miingon nga katong mga interesado mamahimong mutawag sa numero sa DAP nga(02) 631-2131 ug 631-2169 o e-mail at cshd@dap.edu.ph.

Ang DAP namugna sa tuig 1973, ug sa upat ka dekada niini nagpabiling nagbuhat ug mga ideya, nagpalambo sa mga kapasidad, institusyon ug pakigpares alang niining debelopmental nga kusaban, ug performance execellence, kini matud sa heading sa website niini. (PIA-7/mbcn/Ailene G. Limutan)

==========

U.S. mi-congratulate sa PHL sa ika-113 nga adlaw’ng kagawasan niini

CEBU CITY, June 17 PIA) --- Sa usa ka saysay nga gihatag sa Pilipinas gikan sa Estado Unidos, US secretary of State, Hilary Clinton mi-congratulate sa mga katawhan sa Pilipinas sa ika-113 nga anibersaryo sa deklarasyon sa kagawasan niadtong Hunyo 12.

Matud pa sa saysay ang Estados Unidos ug ang Pilipinas dugay nang managhigala. Nagpabiling lig-on ang duha sa nahitabong World War II aron pagdepensa niining liberal democratic values. Ug sa pagkakaron, nagtambayayong tungod sa daghang rason, kini matud sa saysay.

Si Clinton miingon nga bisan sa pagtambayayong aron sa pagpangita ug pamaagi nga musaka ang ekonomiya, tabangan ang mga biktima sa mga natural nga kalamidad, o bisan pa man sa dakong pagpanalipud sa tawhanong katungod, ang duha ka nasud susamang nag-ambit ug panglantaw sa usa ka maayong kalibutan.

Matud pa niya, ang Amerika misuporta sa pangagamhanan sa Pilipinas sa tumong niining pagsugpo sa korupsyon, pagpausbaw sa judicial reform, pagpagamay niining kapobrehon, ug paghatag ug oportunidad sa mga katawhan.

Ang duha ka nasud naghiusa sa mga bag-ong pamaagi sa tanan gikan sa pakigtambayayong alang sa kauswagan sa Pilipinas ngadto sa Open Government Partnership aron pagpatarung sa pangagamhanan, dugang nga saysay ni Clinton.

Dawata ninyo ang akong matinuurong pasalamat sa atuang panaghigalaay ug naghinaut ko sa inyong padayong kalampusan ug kausbawan sa inyung adlaw nga kagawasan, ang hinapos nga saysay ni Clinton. (PIA-7/mbcn/Ailene G. Limutan)