DOH mi-isyu ug flu season alert sa tibuok nasud

CEBU CITY, June 20 (PIA) --- Isip kabahin sa pagpangandam sa panahon sa ting-uwan, ang Department of Health (DOH) kagahapon mipahimangno sa publiko batok sa Flu Virus ug gipahibalo nga kinahanglang hatagan ug proteksyon ang mga kabataan nga matag adlaw anaa sa tagsa-tagsa ka mga tunghaan.

Matud ni DOH Assistant Secretary Eric Tayag, matag panahon sa ting-uwan kasagarang daghang mga sakit nga motakboy ilabi na sa mga kabataan sama sa flu ug lain pang mga sakit sakit.

Ang sintomas sa flu naglangkob sa pagpangluya, panakit sa kalawasan, labad sa ulo , hilanat ug sip-on.

Lakip sa pahimangno sa DOH ngadto sa mga ginikanan mao ang perming pagcheck sa temperature sa mga bata usa kini mogikan padulong sa mga tunghaan aron masiguro nga dili mokatap ang flu.

Gihangyo usab ni Tayag ang mga ginikanan sa pagpadala ug payong, rain coat, boots o jacket ang mga tinun-an aron dili kini mabasa sa uwan.

Mipahimangno usab ang DOH sa paglikay mga baha aron malikayan ang sakit nga leptospirosis, usa ka sakit resulta sa ihi sa ilaga.

Ang mga sintomas niini mao ang pagpanakit sa tiyan, diarrhea, grabeng labad sa ulo, hilanat, pagsuka ugpagpamuwa sa mata.

Laing mga sakit nga kasagarang motakboy panahon s atung-uban naglangkob sa diarrhea, ubo ug sip-on ug hilanat.(PIA-7/mbcn/Maryknoll B. Lague)

=========

Kapulisan sa probinsya gipaubos sa usa ka writing seminar didto sa Capitol

CEBU CITY, June 20 (PIA) ---  Dili momenus sa 80 ka mga police investigators gikan sa lain-laing police stations sa probinsya ang mipaubos sa usa ka writing seminar niadtong Biyernes sa tumong nga mas ayuhon ang  pagsuwat sa mga blotter, spot reports ug investigation reports sa kapulisan.

Ang maong Police Investigator Report and Writing System Seminar gipahigayon sa buhatan sa Cebu Provincial Capitol.

Si Police Superintendent Teofilo Siclot, deputy provincial director for operation, namahayag nga desisyon sa kagamhanan sa kapuisan ang pagpatuman sa seminar tungod aduna gihapoy mga police investigators nga makasugat ug mga problema kalabot sa pagsuwat ug mga reports.

"Some dili pa kahibalo mosuwat, kahibalo man gani pero lisod pud sabton,” matud pa ni Siclot.

Kahinumdoman nga bag-o lang usab mipahigayon ug seminar ang mga kapulisan sa probinsya kalabot sa photography ug planong sundan pa kini ug laing seminar kalabot sa proper turnover sa mga kaso ngadto sa lain nga mga imbestigador.(PIA-7/mbcn/Maryknoll B. Lague )

=========

CPPO mipagawas sa lista sa 'most wanted' sa Sugbo

CEBU CITY, June 18 (PIA)--- Ang Cebu Provincial Police Office intelligence branch ipagawas kagahapon sa lista sa top 10 most wanted nga mga kriminal sa probinsiya.

Si Senior Superintendent Teofilo Siclot, deputy provincial director for operations, miingon nga ang lista base sa gihiusang mga taho sa intelligence branch ug sa investigation and detection management branch sa pakigtambayayong sa Cebu Provincial Anti-Criminality Task Force.

Matod ni Siclot nga kini usa sa mga pamaagi sa pagpakita nga ang panggamhanan sa probinisya ug ang Cebu Provincial Police Office nangusog sa ilang kampanya sa pagmintinir sa kalinaw ug kahusay sa probinsiya.

Ang anaa sa lista sa most wanted persons sa Sugbo mao silang Federito Regalado, Sonny Macapaz, Roger Deloy, Bryan Repuela, Jerson Cohitmingaw, Jay Mark Cuizon, Manolito Aleonar, Eliser Benoya, Melchor Batiller ug Paulino Rosales.

Gawas kang Rosales nga nag-atubang ug kaso sa pagpanglugos, tanang ubang wanted nga mga kriminal nag-atubang ug kaso sa pagpatay.

Sigon ni Siclot nga siya mitanyag na ngadto sa panggamhanan sa probinisya ug P50mil nga reward alang sa pagdakop sa kada usa kanila.

Matod ni Siclot nga ang mga tipsters wala gi-require sa pag-uban sa mga operatiba sa kapolisan atol sa pag-aresto basta ang impormasyon nga gihatag kanila maoy mo-lead kanila sa malampusong operasyon.

Ang gitanyag nga reward kinahanglan pa ug pagaproba ni Cebu Governor Gwendolyn Garcia sanglit ang panggamhanan sa probinsiya maoy mohatag sa kantidad.

Ang maong cash reward makadasig sa mga tipsters sa paghatag ug impormasyon ngadto sa mga tigpatuman sa balaod.

Giklaro usab ni Siclot nga ang mga kawani sa kapolisan dili titulado sa pagdawat sa maong reward.

Ang mga kopya sa lista sa mga wanted nga mga kriminal ipangapud-apud ngadto sa nagkalain-laing mga estasyon sa kapolisan sa probinisya ug adunay usab mga tarpaulins nga adunay litrato sa mga kriminal ang i-display sa mga pampublikong mga lugar.

Ang publiko gidasig sa pagtawag sa kining mga numero 09189795607 alang sa PIB, (032) 414-7030 CPPO operations ug (032) 414-7122 alang sa CPPO hotline kon adunay impormasyon kabahin sa mga nalistang mga kriminal. (PIA-7/mbcn/Chrisley Ann C. Hinayas)

==========

CPPO mipagawas sa lista sa 'most wanted' sa Sugbo

CEBU CITY, June 18 (PIA)--- Ang Cebu Provincial Police Office intelligence branch ipagawas kagahapon sa lista sa top 10 most wanted nga mga kriminal sa probinsiya.

Si Senior Superintendent Teofilo Siclot, deputy provincial director for operations, miingon nga ang lista base sa gihiusang mga taho sa intelligence branch ug sa investigation and detection management branch sa pakigtambayayong sa Cebu Provincial Anti-Criminality Task Force.

Matod ni Siclot nga kini usa sa mga pamaagi sa pagpakita nga ang panggamhanan sa probinisya ug ang Cebu Provincial Police Office nangusog sa ilang kampanya sa pagmintinir sa kalinaw ug kahusay sa probinsiya.

Ang anaa sa lista sa most wanted persons sa Sugbo mao silang Federito Regalado, Sonny Macapaz, Roger Deloy, Bryan Repuela, Jerson Cohitmingaw, Jay Mark Cuizon, Manolito Aleonar, Eliser Benoya, Melchor Batiller ug Paulino Rosales.

Gawas kang Rosales nga nag-atubang ug kaso sa pagpanglugos, tanang ubang wanted nga mga kriminal nag-atubang ug kaso sa pagpatay.

Sigon ni Siclot nga siya mitanyag na ngadto sa panggamhanan sa probinisya ug P50mil nga reward alang sa pagdakop sa kada usa kanila.

Matod ni Siclot nga ang mga tipsters wala gi-require sa pag-uban sa mga operatiba sa kapolisan atol sa pag-aresto basta ang impormasyon nga gihatag kanila maoy mo-lead kanila sa malampusong operasyon.

Ang gitanyag nga reward kinahanglan pa ug pagaproba ni Cebu Governor Gwendolyn Garcia sanglit ang panggamhanan sa probinsiya maoy mohatag sa kantidad.

Ang maong cash reward makadasig sa mga tipsters sa paghatag ug impormasyon ngadto sa mga tigpatuman sa balaod.

Giklaro usab ni Siclot nga ang mga kawani sa kapolisan dili titulado sa pagdawat sa maong reward.

Ang mga kopya sa lista sa mga wanted nga mga kriminal ipangapud-apud ngadto sa nagkalain-laing mga estasyon sa kapolisan sa probinisya ug adunay usab mga tarpaulins nga adunay litrato sa mga kriminal ang i-display sa mga pampublikong mga lugar.

Ang publiko gidasig sa pagtawag sa kining mga numero 09189795607 alang sa PIB, (032) 414-7030 CPPO operations ug (032) 414-7122 alang sa CPPO hotline kon adunay impormasyon kabahin sa mga nalistang mga kriminal. (PIA-7/mbcn/Chrisley Ann C. Hinayas)

=========

Rizal exhibit abli kutob Hunyo 20

CEBU CITY, June 18 (PIA) --- Si Executive Secretary Paquito N. Ochoa kagahapong adlawa mi-isyu ug mga memorandum sa   pagpatuman sa extension sa gipahigayong Rizal Exhibit didto sa mga buhatan sa National Library, Bangko Sentral ng Pilipinas ug Cental Post Office subay sa elebrasyon sa ika 150nga adlawng natawhan sa nasudnong bayani sa Pilipinas Jose Rizal.

Ang orihinal nga kopya sa Noli Me Tangere gikatakdang ipakita sa publiko ngadto sa national Library gikan sa Hunyo 4 ngadto sa 18 samtang ang Rizal@150 Photo Exhibit gipahigayon sugod niadtong Mayo 23 hangtod karong Hunyo 30.

Isip pag-ila sa mga nahimo ni Rizal alang sa nasud, ang kagamhanan miisyu sa Proclamation No.154 nga nagdeklara sa adlawng Lunes Hunyo 20,2011 isip usa ka special non-working holiday.

Matud ni Ochoa nga ang maong extension sa mga exhibit gipatuman aron hatagan ug dugang panahon ang publiko sa pagbisita ug paghibalo sa mga nabuhat ug sakripisyo ni Rizal alang sa nasud.

Buot usab sa exhibit ang paghatag ug inspirasyon ilabi na sa mga kabataan pinaagi sa paghibalo sa mga pagtuo, prisipyo ug kinabuhi sa Jose Rizal

Si Rizal natawo niadtong Hunyo 9, 1861 sa Calamba Laguna kung diin si Presidente Aquino mismo ang mangulo sa selebrasyon sa lungsod pinaagi sa usa ka speech karong Dominggo Hunyo 19, aduna usa’y lain-laing mga programa ang ipahigayon kalabot sa selebrasyon sa lain-laing ahensya sa nasud atol sa samang adlaw.(PIA-7/mbcn/Maryknoll B. Lague )

=========

Paje mihangyo sa pag-audit ang greening program sa gobyerno

CENTRAL VISAYAS, June 18 (PIA)--- Si Environment and Natural Resources Secretary Ramon Paje miawhag sa Commission on Audit (COA) sa pag-audit sa mga gastoan sa National Greening Program (NGP) sa gobyerno alang sa tuig 2011 hangtod 2016.

Sa usa ka suwat, si Paje mihangyo ni COA chair Ma. Gracia Pulido Tan sa paghatag ug prayoridad sa pag-audit sa NGP ilabi na ang 1.5 ka bilyon nga mga liso sa kahoy nga na-prodyus ug itanom sa 1.5 ka milyon nga ektarya ubos sa programa.

Si Paje mihangyo nga ang regular nga pag-audit himoong prayoridad aron pagmatuod sa katukma sa mga field reports nga adunay pagtutok kabahin sa financial statement sa produksiyon ug pangapud-apud sa mga liso.

Ang maong hangyo gipirmahan usab ni Agriculture Secretary Prospero Alcala ug Virgilio de Los Reyes sa Department of Agrarian Reform, kinsa co-implementors sa NGP ubos sa Convergence Initiative.

Ang kantidad sa NGP anaa sa P12,500 kada ektarya kon diin P6,000 gialokar alang sa produksiyon sa mga liso nga adunay average nga 500 ka mga liso kada ektarya o ang unit nagkantidad ug P12 kada liso.

Kini gawas sa paggamit sa fungus-based fertilizer nga gitawag nga Mykovam kon diin, sigon pa ni Paje mo-triple sa surface ug motabang sa pagkabuhi sa mga liso batok sa mga impeksiyon. (PIA-7/mbcn/Chrisley Ann C. Hinayas)

=========

30mil ka mga senior citizens sa siyudad sa Sugbo makadawat ug insentibo karong Hulyo

CEBU CITY, June 18 (PIA)--- Gibana-banang 30 mil ka mga senior citizens sa siyudad sa Sugbo ang makadawat sa ilang pinansiyal nga hinabang gikan sa panggamhanan sa siyudad sa Sugbo sunod buwan nga adunay gialokar nga badyet nga P100 ka milyon karong tuiga.

Si Cathy Yso, ang chief head sa Department of Social Welfare and Services, miingon nga sila nagpahigayon na ug balidasyon ug beripikasyon aron tinoon ang ilang eligibility sa paghimulos sa insentibo gikan sa siyudad. 

Matod ni Yso nga ang proseso sa balidasyon ug beripikasyon migamit sa gisumadang lista sa payrolls ug sa baseline data gikan sa Office of Senior Citizen’s Affairs

Bag-ohay lang, ang OSCA nakadiskobre ug kapin sa 100 ka ngalan sa lista sa mga benepsiyaryo kinsa nitaliwan na apan ang ilang mga kaliwat padayon gihapon sa pagkuha sa ilang tuigan nga pinansiyal nga hinabang.

Human niini, ang DSWS nagpahigayon ug balidasyon sa tanang mga senior citizens ID ug beripikasyon sa lista sa mga benepisyaryo aron i-check kon sila buhi pa.

Ang ilang prayoridad sa beripikasyon mao ang mga benepisyaryo nga mga senior citizen kinsa, base sa rekord sa DSWS, mihatag ug power of attorney sa ilang mga kaliwat sa pagkuha sa ilang hinabang.

Ang P4mil ka pinansiyal nga hinabang kada tuig ihatag atol sa payroll sa kada barangay sa siyudad sa Sugbo.

Apan sa sunod buwan, miingon si Yso nga ang mga senior citizens makadawat ug P2 mil.

Sigon ni Yso nga ang probisyon sa paghatag ug pinansiyal nga hinabang alang sa mga senior citizens subay sa pagtuman sa katungdanan sa gobyerno sa pagproteher sa 'most vulnerable sector' ug kini pinaagi sa social protection ug implementasyon sa Republic Act 9994 o ang Expanded Senior Citizens Act of 2010.

Sigon ni Yso nga ang pinansiyal nga hinabang nagtinguha usab sa pagtabang sa mga pamilya nga madungagan ang ilang taga-adlaw nga kinitaan ug matubag ang mga kinahanglang pang-medikal sa mga kabus nga mga senior citizens ilabi na kadtong masakiton ug bedridden.

Matod ni OSCA president George Villamor nga adunay 12mil ka mga membro nga mga senior citizen gikan sa tanang mga barangay sa siyudad. (PIA-7/mbcn/Chrisley Ann C. Hinayas)

==========

NegOr naggahin ug dakong kantidad alang sa pagpanindot sa  kadalanan sa siyudad sa Dumaguete

DUMAGUETE CITY, June 18 (PIA) --- Ang kagamhanan sa probinsya sa Negros Oriental naggahin ug kantidad nga mokabat sa P4.5 ka milyon ka pesos alang sa pagpatuman sa upat ka mga gipahigayon nga road improvement projects sa siyudad sa Dumaguete.

Base sa datos gikan sa Engineer’s Office sa probinsya ug sa impormasyon gikan sa Degamo Information Center, labing dakong kantidad ang gigahin sa probisya alang  sa pagpalig-on ug pagpanindpt sa Colon Extension kung diin gigahinan kini ug P2.5 ka miyol ka pesos.

Ang proyekto gisugdan niadtong Abril 30, 2001 ug gikatakdang makompleto atol sa ikaduhang semana sa buwan sa Agosto.

Sa laing bahin, ang usa ka milyon  gitagana sa pagpasemento sa kadalanan sa Sto. Rosario ug Barangay Junob kung diin gikatakda kining mahuman sa sunod buwan.

Laing duh aka mga proyekto ang gipatuman sa kadalanan duol sa Clay town, Barangay Danao nga adunay budget nga P678,000 ug sulod sa parke ug dulaanansa Upper Daro nga adunay gigahin nga kantidad nga P300,000.(PIA-7/mbcn/Maryknoll B. Lague )

==========

Escudero mikondena sa pagpatay sa mediaman sa  Camarines Sur

CEBU, June 18 (PIA) --- Si Senador Francis ‘Chiz’ Escudero mikondena sa bag-ohay lang nga pagpatay sa laing meadiaman sa Camarines Sur dungan sa  pagmando niini sa lokal nga kapolisan sa pagdakop sa mga suspetsado sa krimen.

Romeo Olea, 49, usa ka komentarista sa DWEB-FM, lokal nga estasyon sa radyo sa Nabua, Camarines Sur ang gipusil kaduha sa buko-buko sa duha ka mga gunmen nga nagsakay ug motor samtang ang biktima padulong sa estasyon niadtong Hunyo 13.

Matod ni Escudero nga ang gobyerno kinahanglan buhaton tanang mga pamaagi sa paghunong niini nga krimen batok sa mga tigbalita nga moreport ug mga anomaliya nagdto sa publiko.

Sigon pa niya nga ang mga tigbalita sama ni Romeo dako ang tabang sa pakigbatok sa korupsiyon dili lang sa gobyerno kon di lakip na usab sa komunidad.

Dugang pa niya nga ang gobyerno kinahanglang dakpon ang mga responsable sa krimen ug pasakaan ug tukmang mga kaso.

Nanawagan usab kini sa lokal nga kapolisan sa pagimbestigar sa posibleng motibo sa pagpatay ni Oleas ug dili lang mohunong sa mga bag-ong mga taho nga ang mga New People’s Army maoy luyo sa maong pagpatay.

Base sa International Press Institute,  adunay 98 ka mga tigbalita ang namatay dinhi sa Pilipinas sukad niadtong tuig 2000 tungod sa klase sa ilang trabaho ug lakip na niini ang di mominos  33 sa Ampatuan massacre  niadtong Nobyembre tuig 2009. (PIA-7//mbcnChrisley Ann C. Hinayas)

=========

PNP hingusgan ang kampanya batok sa mga loose firearms

DUMAGUETE CITY, June 18 (PIA) -- Si Philippine National Police (PNP) Provincial Director Col. Rey Lyndon Lawas miabiso sa 2,538 sa mga naghupot ug armas nga adunay mga expired nga mga lisensiya sa Negros Oriental sa pagkuha ug mga angay nga mga permits.

Si Col Lawas nagkanayon nga ang PNP mihatag sa mga loose firearms owners ug kahigayonan sa paglegalize sa ilang pagpanag-iya sa mga dili rehistradong mga armas.

Kon sila mapakyas sa pagtuman niini, usa ka arrest warrant ang i-isyu batok kanila.

Sigon ni Lawas nga ang PNP mipadala na ug mga pahibalo ngadto sa mga naghupot ug mga armas karong buwana, apan aduna lamang 58 ang miresponde niini pinaagi sa pagproseso sa ilang mga lisensiya. 

Dugang pa niya nga ang mga lisensiya sa armas kinahanglang i-renew kon dili, kini ikonsiderar nga mga loose firearms.

Ang mga sibilyan nga naghupot ug dili lisensiyadong mga armas kinahanglang himoong legal ang ilang pagpanag-iya aron dili mahatagan ug mga silot ug mga tukmang mga kaso kon sila masakpan, kini matod sa usa ka opisyal sa PNP.

Miingon si Col. Lawas nga ang kampanya nagtinguha sa pagpaminos sa mga loose firearms sa mga kadalanan kon diin iyang gipananglitan ang mga nahitabong insidente sa pagpamusil niadtong miaging mga semana.

Ang mga expired number sa lisensiya sa mga armas lakip sa total nga 8,135 nga mga naghupot ug mga lisensiyadong mga armas nga narekord sa PNP.(PIA-7/MBCN/Chrisley Ann C. Hinayas)

=========

DA adunay alternatibong panginabuhian alang sa mga mag-uuma sa tabako

CEBU CITY, June 18 (PIA)--- Tungod sa pagkunhod sa produksiyon sa tabako tungod sa implementasyon sa Anti-Smoking Law, ang Department of Agriculture (DA) mipalaom sa mga tobacco farmers ug alternatibong panginabuhian aron madungagan ang ilang kinitaan ug mapakunhod ang mga epekto sa tobacco control measures nga gipatuman sa giingong balaod.

Atol sa usa ka forum, si DA Undersecretary Bernadette Romulo-Puyat nagkanayon nga ang mga tobacco farmers nga maoy labing naapektaran sa pagkaubos sa industriya sa tobacco, hatagan ug mga proyekto sa panginabuhian pinaagi sa DA, Department of Agrarian Reform (DAR), ug Department of Environment and Natural Resources (DENR) national convergence initiative.

Ang National Convergence Initiative (NCI), nga gimugna pinaagi sa Joint DA-DAR-DENR Memorandum Circular 01, series of 1999, gimandoan sa pagpalambo ug pag-operationalize ug komon nga framework alang sa sustainable rural development (SRD) nga maoy modumala sa paghiusa sa mga kahinguhaan sa tulo ka mga ahenisya aron mapahalapdan pa ang epekto niini sa pagpalambo sa kabaryohan.

Matod ni DENR Secretary Ramon Paje nga ang paghiusa gimugna aron tubagon ang mga tinguha sa gobyerno sa pagpaminos sa kawad-on.

Si Usec Puyat miingon nga ang industriya sa tabako maapektaran gayod sa anti-smoking law, apan, adunay mga programa alang sa alternatibong panginabuhian aron matabangan ang mga tobacco farmers nga maoy labing naapektohan sa pagkunhod sa produksiyon sa tabako. (PIA-7/mbcn/Chrisley Ann C. Hinayas)

==========

P-Noy mitudlo ug bag-ong chairman sa PARCCOM sa Siquijor

SIQUIJOR, June 18 (PIA) -- Ang Department of Agrarian Reform (DAR) nagkanayon nga adunay bag-ong chairman sa Provincial Agrarian Reform Coordinating Committee (PARCCOM) sa probinsiya sa Siquijor nga gitudlo ni Presidente Benigno S. Aquino III.

Si Ruben R. Villasis mipuli ni Pacifico P. Suan kinsa miserbisyo isip chairman sukad pa sa administrasyon ni Presidente Fidel Ramos.

Si Villasis mibuhat sa iyang oath of office niadtong Hunyo 10, 2011 sa Malacañang Palace, gipanumpaan ni Presidente Aquino kauban ang ubang 14 ka mga bag-ong gitudlong mga PARCCOM chairpersons gikan sa nagkalain-laing mga probinsiya.

Si Villasis mao ang bag-ong gitudlo nga chairman sa Rehiyon 7.

Ang PARCCOM usa ka multi-sectoral body nga nagrepresentar sa Presidential Agrarian Reform Council (PARC) nga ubos sa Office of the President.

Kini naglangkob sa mga representante gikan sa mga benepisyaryo sa mga mag-uuma, agricultural cooperatives, NGOs ug mga agricultural landowners.

Kini nakig-alayon sa Department of Agrarian Reform ug nakigtambayayong sa provincial CARP implementing team (PCIT) sa pagpaimplementar sa mga agrarian reform programs.

Si Villasis, usa ka retiradong master sergeant sa Philippine Army ug kaniadto aktibong membro sa PARCCOM sukad naidtong tuig 2005 nga nagrepresentar sa sektor sa organisasyon sa mga mag-uuma.

Siya luamd nga taga-Bugasong sa Antique, kasado ni Visitation Ogao-ogao sa Maria, Siquijor, ug residente sa Barangay Lico-an, Maria.

Isip bag-ong gitudlong chairman, si Villasis makig-alayon sa Provincial Agrarian Reform Office.

Sigon niya nga siya komitir sa pakighilabot sa PCIT sa implementasyon sa mga programa alang sa mga benepisyaryo sa agrarian reform. (PIA-7/mbcn/Chrisley Ann C. Hinayas)

=========

PNRC gipasigung-gan ang mga dedicated blood donors sa NegOr

DUMAGUETE CITY, June 16 (PIA) --- Ang Philippine Red Cross (PRC) Negros Oriental Chapter bag-ohay lang mipasidungog sa mga outstanding blood donors sa probinisya.

Adunay total nga 65 ka mga donors- mga indibidwal ug mga organisasyon sa probinsiya nga napasidunggan atol sa usa ka seremonya nga gipahigayon niadtong Hunyo 14, 2011 sa siyudad sa Dumaguete aron pagsaulog sa World Blood Donors Day dinhi.

Sa total niini, naglakip kini sa 22 ka mga lokal nga panggamhananan ug mga organisasyon samtang 32 ka mga “blood galloners” ug 11 ka mga membro sa "Pledge 25" group, kini base sa lista nga gihatag sa PRC office dinhi.

Ang mga blood galloners kay kadtong mga donors nga nakahimo di mominos walo ka donasyon nga 450 cc nga dugo ngadto sa PRC samtang ang Pledge 25 group naglangkob sa mga magtutungha sa narsing kinsa misaad sa regular nga pag-donate ug dugo ngadto sa Red Cross hangtod sila mag-edad ug 25 anyos.

Ang mga nahatagan ug award nga mga lokal nga panggamhanan mao ang Amlan, Bacong, siyudad sa Bais, siyudad sa Bayawan, Bindoy, siyudad sa Canalon, Dauin, siyudad sa Dumaguete, La Libertad, Mabinay, Manjuyod, Pamplona, San Jose, siyudad sa Tanjay ug Valencia.

Ang mga organisasyon nga nahisgotan naglakip sa Armed Forces of the Philippines, Energy Development Corporation, Negros Oriental State University, Our Mother of Perpetual Help Parish ug Philippine National Police. 

Duha ka mga barangay usab ang napasidunggan alang sa ilang pag-donate ug dugo nga mao ang Brgy. Camanjac sa siyudad sa Dumaguete ug Brgy. Inapoy sa lunsod sa Mabinay.

Sa susamang kalihokan, ang panggamhanan sa siyudad miawhag sa mga residente nga mahimong mga donors ug dugo aron matabangan ang mga tawo nga kinsang “mga kinabuhi nagdepende sa blood donors”.

Si Dumaguete City Councilor JV Imbo mipunting sa importansiya sa pag-donate ug dugo atol sa iyang pagbasa sa mensahe ni City Mayor Manuel Sagarbarria. 

Ang konsehal mi-quote sa mensahe sa mayor nga kada Dumagueteño kinahanglang mopakita sa ilang paghilabot ug gugma kadto sa iyang kaigsuonan pinaagi nga mahimong mga blood donors.

Siya usab bilib sa mga pagkugi sa local chapter sa Philippine Red Cross (PRC) alang sa “pag-ila niini sa mga pagkugi ug mga inisyatibo sa siyudad sa pagpahigayon ug mga kalihokan sa blood donation. (PIA-7/mbcn/Chrisley Ann C. Hinayas)

=========

PNP mipahugot sa kampanya batok sa illegal nga sugal

NEGROS ORIENTAL, June 18 (PIA) --- Ang Philippine National Police (PNP) sa siyudad sa Dumaguete mipahugot sa kampanya batok sa mga illegal nga sugal ilabi na ang sugal nga “swertres” pinaagi sa 62 ka gipahigayon nga operasyon sa tibuok probinsya.

Atol sa regular nga panagtigum nga gipahigayon sa Provincial Peace and Order Council (PPOC), si PNP Provincial Director Sr. Superintendent Rey Lyndon Lawas mibutyag nga sa 24 ka mga operasyon sa ilang buhatan, 51 ka mga runners og users ang nangadakpan.

Subay sa gihingusgang kampanya sa PNP, si Col Lawas misaad nga ang iyang yunit uban sa lain pang mga ahensya makahimo sa pagsiko sa mga pinansir ug tigpadagan sa mga illegal nga sugal ug mapasakaan kini ug kaso sa korte.

Gisaad usab ni Lawas nga doblehon sa PNP ang ilang pagpaningkamot sa pagpahigayon ug regular nga mga operasyon aron maminusan ang mga operasyon sa sugal sa tibuok probinsya.

Apan bisan pa man sa giingong hugot nga kampanya sa PNP, ang Parish Pastoral Council(PPC) sa Diocese sa Dumaguete mi-isyu ug usa ka resolusyon nga nag-aghat sa gobernador sa probinsya, mga mayor ug kapitan sa pagputol sa mga illegal nga kalihokan.

Gawas sa PPC, ang Diocesan council of the Laity ug Diocesan Organization mipaabot sa ilang panghinaot nga masulbad sa PNP kining nagkadakong problema.(PIA-7/mbcn/Maryknoll B. Lague)

=========

Disaster risk management gihingusgan sa kagamhanan sa probinsya

SIQUIJOR, June1 18 (PIA) --- Ang Siquijor Provincial Government mipahugot sa pagpatuman sa ilang Provincial Disaster Risk Reduction Management Council (PDRRMC) isip usa sa mga pamaagi sa pagpangandam batok sa mga kalamidad nga gidala sa climate change.

Matud ni Civil Defense Office 7 Assistant Regional Director, Welino Gubuan ang desisyon sa probinsya sa pagbalik pagpatuman sa PDRRMC usa ka dakong tabang sa pagtubag sa mga dinaliang askyon ug sitwasyon.

Gitino usab ni Gubuan ang dakong panginahanglan sa matag munisipalidad sa pag-angkon ug lig-on ug hapsay nga municipal disaster risk reduction council.

Isip kabahin sa pangpangandam, adunay gipahigayon nga strategic planning workshop ang kagamhanan alang ngadto sa mga opisyales ug miyembro sa konseho.(PIA-7/mbcn/Maryknoll B. Lague)

=========

Negros Oriental makabenepisyo sa PAMANA peace & dev’t fund

DUMAGUETE CITY, June 17 (PIA) -- Ang Department of Interior and Local Government (DILG) kauban ang Office of the Presidential Adviser on Peace Process nakasuta ug 12 ka mga conflict-affected nga mga barangay sa Negros Oriental nga makabenipisyo gikan sa Payapa at Masaganang Pamayanan (PAMANA) program. Ang PAMANA nagtinguha sa pag-empower sa mga komunidad pinaagi sa pagpakunhod sa kawad-on, pagpausbaw sa panggobyerno ug pag-empower sa mga komunidad sa pagkab-ot sa kalinaw pinaagi sa economic integration and development. Si DILG Provincial Director Jofralito Lorico nagkanayon nga kada usa sa 12 ka mga barangay makadawat ug P250 mil ubos sa peace and development fund nga gamiton alang sa mga lokal nga mga proyekto.  Ang OPAPP misuta ug unom ka mga lokal nga panggamhanan nga nalakip sa 12 ka mga barangay nga 'special zones' sa kalinaw sa Negros Oriental ubos sa PAMANA program. Ang mga nasutang mga baranagay naglakip sa Janayjanay, Malaiba ug Siapo sa San Jose; Jantianon, Silab ug Tambujangin sa Amlan; Abante ug Magsusunog sa Pamplona; Azagra ug San Miguel sa siyudad sa Tanjay; Mayabob, Zamboanguita; ug Datag, Siaton.

Tulo ka milyon ang total nga alokasyon nga ipangapud-apud ngadto sa mga barangay isip hinabang sa mga conflict-affected nga mga lugar. (PIA-7/mbcn/Chrisley Ann C. Hinayas)

==========

DA mipasalig ug laing panginabuhian sa mga mag-uuma sa tabako isip tubag sa gipatuman nga balaud nga Anti-Smoking

CENTRAL VISAYAS, June 17 (PIA) --- Tungod sa pag-ubos niining produksyon sa tobacco tungod sa gipatuman nga Anti-Smoking nga balaud, ang Department of Agriculture (DA) mipasalig sa mga mag-uuma niining tobacco ug laing panginabuhian aron anaa gihapon silay kita ug aron usab pagpaminus sa epekto niining pagkontra sa tobako diin nakabutang sa giingon sa balaud. Sa Communication and News Exchange (CNEX) Forum nga nahitabo sa Philippine Information Agency (PIA) auditorium, DA Undersecretary Bernadette Romulo-Puyat miingon nga ang mga mag-uuma nining tobacco diin maoy dakong naapektuhan sa pagpaubos niining industriya sa tobacco mahatagan ug mga panginabuhian nga proyekto nga mamahimong posible pinaagi sa DA, Department of Agrarian Reform (DAR), ug Department of Environment and Natural Resources (DENR) national convergence initiative. Ang National Convergence Initiative (NCI) nahimo tungod sa hinusa sa DA-DAR-DENR Memorandum Circular 01, series of 1999, ang mohimo sa pagpatarong alang sa usa ka sustainable rural development (SRD) nga maoy muhupot sa hiniusa nga mga resources sa tulo ka ahensya aron pagpahalapad niining resulta sa countryside development. “Ang maong pakighiusa nalusad isip tubag sa pagpahimaba niining kapobrehon nga tumong sa pangagamhanan,” kini maoy sulti ni DENR Secretary Ramon Paje. Si Usec Puyat miingon nga ang industriya sa tobacco klaro nga maapektuhan niining balaud nga gipatuman, apan sila nangita ug pamaagi nga mahatagan ug programa sa laing panginabuhian aron pagtabang sa mga mag-uuma nga maoy direktang naapektuhan niini. “Through the DA, DAR and DENR convergence, livelihood programs are created to help affected farmers. In one of our sites in Ilocos, nabigyan namin ng alternatibong pangkabuhayan ang mga farmers, tulad ng pagtatanim ng ibang produkto maliban sa tabako, ” kini dugang ni Puyat. Ang mitunga usab sa maong forum mao sila si Presidential Communications Operations Office (PCOO) Secretary Sonny Colorna, DAR Secretary Virgilio de los Reyes, ug PIA Director-General Atty. Jose A. Fabia. (PIA-7//mbcnAilene G. Limutan)

==========

San Juan mipahimangno sa publko niining ordinansa nga mupugong sa pagkuha niining mga aquatic life

SIQUIJOR, June 17 (PIA) --- Ang munisipalidad sa San Juan miuyon niining Odinance No. 3, s. 1998 nga magpugong sa pagsikup, pagkuha, pagsakmit, pagdakop sa mga isda ug bisan unsang matang ug sa tanang mga may kinabuhi sa tubig ug mga namuyo sa mga sapa, natural nga swimming pool, blind canal, ug paril sa Poblacion, San Juan, Siquijor, diin mupahamtang ug silot sa bisan kinsa ang mokontra sa maong ordinansa. Ang maong ordinansa naaprubahan sa nahitabong Sangguniang Bayan sa regular niini nga sesyon sa Pebrero 11, 2011. Gideklara ang maong ordinansa aron pagpalambo sa turismo ug pagprotektar ug pagpatarung niining mga sakop sa katubigan diin maoy dakong pandani sa industriya sa turismo. Si bisan kinsa nga masakpang mokuha, mosikup, mokolekta, mosakmit, modala o bisan unsa nga pamaagi sa pagbalhin sa mga isda ug ubang mga kinabuhi nga anaa sa tubig sa bisan unsa nga rason mapahamtangan ug bayad nga P2,500.00 kada taw o pagkapriso kini matud pa sa saysay sa ordinansa. (PIA-7/mbcn/Ailene G. Limutan)

==========

"Lasang, ang inyong natural nga alagad"

CEBU CITY, June 16 (PIA) --- "Forests: Nature at your Service," kini maoy deskripsiyon sa Department of Environment and Natural Resources (DENR-7) sa mga kalasangan sa tibook kalibotan nga buyon usab sa pagsaulog sa Environment Monthkarong buwan sa Hunyo nga haom gamiton nga tema karong tuiga. 

Gikaingon na nga ang mga kalasangan nag-cover sa land mass sa kalibotan, nga adunay importanteng papel ug mga serbisyo nga ikatanyag sa tibook kalibotan ug maoy naghimo sa kalibotan nga mapuy-an.

Base sa datos sa DENR, 1.6 ka bilyon ka mga tawo ang nagdepende sa mga kalasangan alang sa ilang panginabuhian.
 

Ang mga kalasangan adunay papel sa pagkigbatok sa climate change, mopagawas ug oxygen ngadto sa atmosphere samtang nagpondo sa carbon dioxide.

Ang mga kalasangan nag-feed sa mga kasubaan nga importante usab aron magsuplay ug tubig ngadto sa dul-an 50 ka porsyento sa mga dagkong mga siyudad.

Sila nagggama ug nagmintir sa soil fertility, motabang sa pagkontrolar sa grabeng epekto sa mga bagyo, baha ug mga sunog.

Lakip sa i-feature sa pagsaulog sa environment month karong tuiga, ang DENR-7 adunay mga serye nga mga kalihokan nga sugdan sa Mangrove tree planting ug coastal clean-up karong Hunyo 21 sa Olango Island sa siyudad sa Lapu-Lapu.

Ang buhatan sa kalikopan moorganisar ug mine tour kauban ang Apo Cement Corporation sa siyudad sa Naga, habagatang bahin sa Sugbo karong Hunyo 23 aron ang katawhan ug media ma-familiarize sa sa mga detalye sa industriya sa mina.

Karong Hunyo 25, ang DENR-7 molunsad sa National Greening Program (NGP) nga adunay Run to Plant and Greenin Philippines sa barangay Jaclupan, City.  

Kini sa pakigtambayayong kauban ang Ramon Aboitiz Foundation Inc., Metro Cebu Water District ug nagkalain-laing mga ahensiya sa nasyunal nga panggamhanan. (PIA-7/mbcn/Chrisley Ann C. Hinayas)

=========

PNP mipalig-on sa kampanya kontra niining iligal nga paghupot ug armas CENTRAL VISAYAS, June 17 (PIA) --- Philippine National Police (PNP) Provincial Director Col. Rey Lyndon Lawas mipahimangno sa 2,538 nga naghupot ug armas diin expired na ang lisensya sa Negros Oriental nga mubaton ug legal nga pagtugot. Si Col. Lawas miingon nga ang PNP muhatag ug higayon sa mga tag-iya niining mga armas sa pagpalegal niining pag-angkon nila sa ilang dili rehistrado nga mga pusil. Kung sila mapakyas, moisyu ang kapulisan ug arrest warrant ngadto nila. Ang PNP mipadala na ug pahimangno ngadto sa tag-iya niining mga armas karong buwana, apan sa pagkakaron singkwentay-otso ra ang nitubag pinaagi sa pagproseso sa ilang mga lisensya, sigon ni Lawas. Dugang ni Lawas nga ang mga lisensya niining pusil kinahanglang bag-uhon. Kay kung dili gane, ang maong mga armas mamahimong “loose firearms”. Ang mga sibilyan nga naghupot ug mga dili lisensyado nga mga armas kinahanglang mosubay sa balaud aron dili sila pahamtangan ug mga silot ug kaso kung masakpan. Si Col. Lawas miingon nga ang maong kampanya tinguha aron pagpahimaba sa mga loose firearms sa mga kadalanan diin ang mga insidente niining mga pagpamusil kadaghanang nahitabo sa miaging mga semana. Ang expired nga numero sa mga lisensya niining mga armas apil sa 8,135 nga firearms nga lisensayado diin natala sa PNP. (PIA-7//mbcnAilene G. Limutan)

=========

5-Mil ka mga PhilHealth cards ang nahatag sa kabos nga mga pamilya sa Dumaguete

  

CEBU CITY, June 17 (PIA) --- Kapin sa 5 mil ka mga kabus nga mga benepisyaryo sa siyudad sa Dumaguete, Negros Oriental ang bag-uhay lang nakadawat ug PhilHealth cards ubos sa PhilHealth’s Sponsored Program.

Ang maong mga cards gihatag sa mga benepisyaryo pinaagi sa lokal nga ginsakupan sa PhilHealth uban ang Mayor sa siyudad sa Dumaguete nga si Manuel Sagabarria sa treynta ka mga baryo sa siyudad sa miaging Hunyo 15 tuig 2011.

Ang mga benepisyaryo sa siyudad napamatud-an pinaagi sa Department of Social Welfare and Development, matud sa usa ka saysay sa Public Information Office sa siyudad sa Dumaguete.

Ang pangagamahanan sa siyudad sa Dumaguete usa sa mga baynte-tres ka mga local government units (LGUs) sa probinsiya nga mipabag-o sa ilahang sponsorship enrollment sa PhilHealth karong tuiga, kini matud sa PhilHealth Officer In Charge Marites Que sa usa ka panaghinabi.

Si Que mipasabot nga ubos niini nga programa, ang LGUs ug PhilHealth hiusa sa bayrunon nga P1,200 total premium cost kada taw sa kada tuig.

“Ang paghiusa nga pamaagi base sa amuang 2010 nga pagpatuman niini nga programa nga midepende sa kita sa LGU ug ang enrollment nga bag-uhon kada tuig,” kini matud ni Que.

Ang mga tala gikan sa PhilHealth mipakita sa miaging tuig nga anaay 58,732 ka mga nagpalista sa probinsiya nga ubos niini nga gisponsor nga programa sa mga LGUs, kini dugang sa 6,621 ka mga nagpalista nga gisponsoran sa Department of Health (DOH) sa nahitabong National PhilHealth Registration Day sa Oktubre sa miaging tuig. (PIA-7/mbcn/Ailene G. Limutan)

===========

PWDs nakadawat ug P32K atol sa selebrasyon sa 113^th Independence Day

DUMAGUETE CITY, June 18 (PIA) --- Kapin sa P32,000 nga kantidad ang natigum karong tuiga isip pahalipay ngadto sa Federation of Persons With Disabilities (PWDs) subay sa selebrasyon sa 113^thIndependence Day nga gipahigayon didto sa Quezon Park, siyudad sa Dumaguete.

Ang maong kantidad naggikan sa lain-laing buhatan sa gobyerno ug pribado isip abag ngadto sa grupo sa mga PWD atol sa selebrasyon niadtong Hunyo 12 sa maong siyudad.

Sa alas 7:15 sa buntag, ang mga opisyales sa siyudad sa Dumaguete ug Negros Oriental nga naglangkob sa 302 Brigade mao ang nangulo sa wreath laying human sa flag raising ceremony.

Ang brigade mipahigayon usab ug usa ka static dispaky sa mga armas ug sakyanan sa army didto sa Capitol Area uban sa pakig-alayong sa gobyerno sa probinsya.

Sa ikaduhang bahin sa kalihokan, liboan ka mga pertisipante gikan sa lain-laing lokal nga kagamhanan ug ahensya nga gianguluhan ni Gov. Roel R. Degamo mihugop sa Freedom Park sa siyudad ug miapil sa candle lighting ceremony.

Naglangkob usab sa kalihokan mao ang mga ROTC Cadets gikan sa lain-laing tunghaan ug unibersidad sa siyudad uban ang mga religious groups ug uban pang mga dagko ug gagmayng patigayon.

Ang maong 113^th Independence Day celebration nagmalapuson uban sa hugot nga pakigtambayayong sa lain-laing buhatan nga naglangkob sa 302 Brigade Army, Negros Oriental Provincial government, Dumaguete Press Club, Order of Demolay ug Red hseild Fraternity lakip na usab ang mga magpapatigayon sa probinsya.(PIA-7/mbcn/Maryknoll B. Lague)