DepEd nihatag ug ayuda sa 700 kapin estudyante sa CV aron makatungha sa pribadong eskuylahan

by:Juju S. Manubag

CEBU CITY, June 6 (PIA) --- Kapin sa siyete siyentos ka mga estudyante sa CV ang gitagaan ug ayuda sa Department of Education (DepEd) aron makatungha sa pribadong eskwelahan karong abli sa klase.

Mao kini ang gipakasayod ni Dr. Marcial Degamo, hepe sa Quality Assurance andAccountability Division sa DepEd.

Si Degamo niingon nga ang programa sa DepEd nga Government Assistance to Students and Teachers in Private Education (GASTPE) nagahatag ug ayuda nga singko mil kinyentos pesos (5,500) matag bulan ngadto sa mga pobre pero takus nga estudyante nga gradwado sa elementarya sa publikong tunghaan aron mopadayon sa paghayskol sa pribadong tunghaan.

Ang GASTPE adunay dul-an sa sais bilyones ka pesos (P6B) nga badyet nga makabenepisyo sa nuybe siyentos mil (900,000) ka mga tinun-an sa tibuok nasod, dugang ni Degamo.

Misulti si Degamo nga gimugna ang GASTPE niadto pang tuig 1994 sa tinguha nga maluagan ang mga publikong tunghaan sa hayskol pinaagi sa paghatag ug ayuda sa ubang tinun-an nga mabalhin sa pribadong tunghaan.

Ang GASTPE adunay kapin katorse mil (14,000) na ka mga tinun-an nga mga beneficiary sa hayskol dinhi sa CV sa pag-abli sa klase karong Lunes.

Kapin kwatro siyentos (400) ang madungag gikan sa probinsiya sa Sugbo ug laing saysentay dos (62) gikan sa dakbayan sa Sugbo.

Suma total, kapin sa kwatro mil (4,000) ang taga-probinsiya sa Sugbo ug laing kapin mil kwatro siyentos (1,400)  ang taga-dakbayan sa Sugbo na ang mga GASTPE beneficiaries, si Degamo mipahibalo.

Sa pagpanapos, si Degamo miingon nga ang mga magtutudlo sa mga pribadong tunghaan nga nasakop sa GASTPE nga programa sa DepEd, dunay usa ka libo ka pesos (P1,000) matag bulan nga dugang gawas sa ginadawat nilang sweldo. (PIA-Cebu/JSM)

=========

Ang mosunod sa balaod, mapremyohan

By: Juju S. Manubag

CEBU CITY, Hunyo 5, 2011.(PIA)--- Ang mosunod sa balaod, mapremyohan, mao kini ang gilitok ni Director Zenaida sa Oil Industry Mangement Burea (OIMB) sa Department of Energy (DOE) sa iyang inspirational message atol sa ceremonial turn-over sa Pantawid Pasada cards sa Sugbo, ang kina-unhan sa Bisayas nga gipahigayon kagahapon sa SM old terminal, dakbayan sa Sugbo.

Ang mga PUJ nga na-rehistro sa Land Transportation Office (LTO) gikan sa bulan sa Abril 2010 hangtod sa Marso 2011 mao lamang ang nahiapil sa lista sa DOE nga mahatagan sa Pantawid Pasada cards, sumala ni Monsada.

Ang mga PUJ nga ang rehistro mi-expire sa Abril 2010 ug nagparehistro sa sunod na nga bulan, dili na takus nga modawat sa Pantawid Pasada cards, si Monsada mipahibalo.

Dinhing dapita, ang mosunod sa balaod, mapremyohan gayod.

Si Monsada mipaambit kagahapon, nga ang mga lideres sa mga publikong sakyanan sa kaulohan makig-dayalogo sa DOE matag-Lunes matag semana tungod kasagaran molihok ang presyo sa petrolyo matag-Martes man anang semanaha. Ilang ipahibalo sa mga lideres ang dagan sa presyo sa petrolyo ug pilay isaka niini.

Dinhi namugna ang Pantawid Pasada Program sa gobyerno tungod dili kini buta ug bungol sa mga yangogngo sa mga drayber kinsay kinagrabehang naapektohan sa sigeng pagsaka sa presyo sa petrolyo sa kalibutan-ong merkado, si Monsada misulti.

Otsenta porsiyento (80%) sa petrolyo sa nasud adto paliton sa Middle East ug sais bilyones (6B) litros nga krudo matag tuig o kinyentos milyones (500M) litros kada bulan sa krudo ang kunsomo sa nasod.

Ang transport sektor maoy kinadaghanan nga mkakunsomo niini, si Labios mipadayag.

Ang Pantawid Pasada card gihatag sa gobyerno sa mga lehitimong pasaherong jeep aron maabagan ilang kita tungod sa kasamtangang kalisod sa panahon.

Ang maong card adunay sulod nga mil singkwenta pesos (P1,050) nga gamiton sa pagpalit ug gasoline o krudo sa piniling gasolinahan nga adunay paskil nga “Pantawid Patawad Card Accepted Here”.

Ang mga sakyanang narehistro ang prangkisa sa Land Transportation Franchising and Regulatory Board (LTFRB) ang takus nga makadawat sa Pantawid Pasada cards.

Kadtong mga sakyanan nga gipamaligya ang prangkisa ug wala marehistro ang pagbaligya ug pagbalhin sa bag-ong tag-iya sa sakyanan ngadto sa LTFRB, dili makadawat sa ayuda nga P1,050 sa kagamhanan ang bag-ong tag-iya sa prangkisa tungod adto kini sa orihinal nga tag-iya mopadulong ang ayuda, si LTFRB Director Ahmed Cuizon miingon.

Ang mosunod sa balaod, mapremyohan gayud!(PIA-Cebu/JSM)

=========

Gipahigayon ang labing-unang pag-apodpod sa Pantawid Pasada cards sa Kabisay-an

By Juju S. Manubag

CEBU CITY, June 5 (PIA) --- Napahigayon na ang labing-una nga pag-apodapod sa Pantawid Pasada cards sa Kabisay-an niadtong Biernes, Hunyo 3 sa. SM City old terminal, dakbayan sa Sugbo

 

Ang ceremonial turn-over sa pag-apodapod sa Pantawid Pasada cards gipangulohan sa mga opisyales sa Department of Energy (DOE) nga sila Director Zenaida Monsada sa Oil Industry Management Bureau (OIMB) ug Director Antonio Labios sa Visayas Field Office (VFO).

 

Si Monsada ug Labios mitunol sa onse mil nuybe siyentos setentay otso (11,978) ka mga Pantawid Pasada cards nga alang sa rehiyon ngadto nila Land Transportation Office (LTO)-7 Regional Director Raul Aguilos ug Land Transportation and Franchising Regulatory Board (LTFRB) Regional Director Ahmed G. Cuizon nga maoy modumala sa pag-apodapod niini sa beneficiaries nga mga drayber ug operators ug mga public utility jeep (PUJ).

 

Ang mga dagkong kooperatiba sa mga PUJ sa dakbayan sa Sugbo nga Cebu Integrated Transport Service Cooperative (CITRASCO) ug Visayas United Drivers Transport Cooperative (VUDTRASCO) nga adunay daghang mga miyembrong mga PUJ drayber diin gipresentaran kini sa ilang tsirman nga si Ryan Yu ug general manager nga si Dandy Aparicio ang unang nakadawat sa Sugbo sa mga Pantawid Pasada cards gikan nilang Aguilos ug Cuizon sa gipahigayong ceremonial turn-over.

 

Ang ubang beneficiaries sa Metro Cebu nga mga operator ug mga drayber sa PUJ sa Pantawid Pasada cards mahimong makuha ang ilaha sugod ugma, Lunes Hunyo 6 hangtod Biernes Hunyo 10 ngadto sa SM Jeepney Bay, dakbayan sa Sugbo, si Aguilos mipahibalo.

 

Ang pag-apodapod sa Pantawid Pasada cards buhaton segun sa awahing numero sa plaka sa sakyanan. Segun ni Aguilos, magbutang sila ug 5 ka lamesa diin kada lamesa markahan nila sa mga numerong 0 hangtod 9.

Aduna usab lamesa nga ‘Help Desk’ nga pagadumalaon sa taga-DOE 7 kinsa maoy modawat ug motala sa tanang masugatan nga mga suliran kabahin sa pag-apodapod sa Pantawid Pasada cards sunod semana.

 

Gipahinumdoman usab ni Aguilos ang mga operator ug mga drayber sa pagdala sa ilang orihinal ug xerox nga kopya sa ilang mga dokumento sama sa OR/CR, prangkisa, ID ug uban pa nga magmatood nga sila ang tinood nga beneficiary sa P1,050 nga ayuda sa gobyerno.

 

Si Monsada mipasidaan sa mga drayber nga dili paggamiton dayon sa pagpalit ug krudo ug gasoline inig madawat na nila ang ilang card.

Naangayo si Monsada ug lugway nga 2 ka semana tungod ang DOE maaghulat pa sa asoy nga ihatag sa LTO ug LTFRB una kini i-adto sa bangko para mapondohan sa P1,050.

Dugang ni Monsada ang P1,050 nga ayuda, usa lamang ka higayon nga gihatag sa kagamhanan ngadto sa transport sektor.

Gipahimangnoan usab ni Monsada ang mga drayber sa dili paglabay sa card human kini mahurot ang pundong 1,050 sa pagpatubil tungod may higayon pa nga madungagan ang ayuda ug dunay masobra sa tres siyentos milyones pesos (P300M) nga budget alang niining programa.

 

Ang card balido ug 5 ka tuig ug magamit lamang sa pagtubil ug krudo ug gasolina sa sakyanan nga ang kansang plaka parehos sa numero nga napatik sa likod nga bahin sa card, matod pa ni Monsada. (PIA-Cebu/JSM)

==========

126 publikong tunghaan sa CV makadawat ug computers

By: Juju S. Manubag

CEBU CITY, June 4 (PIA)--- Usa ka libo tres siyentos otsentay sais (1,386) ka mga computers ang ipang-apod sa siyento baynte sais (126) ka mga publikong tunghaan sa hayskol sa Central Visayas isip parte sa ika-4 nga hugna sa proyekto sa Department of Trade and Industry (DTI) nga ‘PCs for Public High Schools (PCPS)’.

Mao kini ang gipakasayod  ni DTI Regional Director Asteria Caberte nga gipadala sa Philippine Information Agency (PIA)- Cebu .

Si Caberte nagkanayon nga ang ‘PCPS 4’ usa ka proyekto sa DTI nga naglukup sa tibuok nasod diin manghatag sila ug onse (11) ka mga computer ug uban pa nga ‘peripherals’ niini sa matag publikong tunghaan sa hayskol nga beneficiary. 

Si Caberte midugang sa pagsulti nga sa mga publikong tunghaang hayskol nga makadawat ug mga computer kay trayntay nuybe (39) ka buok sa Bohol, maingon usab sa Negros Oriental, duha (2) sa Siquijor ug  kwarentay sais (46)  ka buok sa Sugbo.

Gipahibalo ni Caberte nga ang DTI ang nag-una sa implementasyon sa proyekto nga PCPS sukad pa niadtong tuig 2001.

Ang una, ikaduha, ikatulo ug ang ika-upat nga hugna sa proyekto nakahatag nga ug mga computer sa upat ka libo siyento trayntay nuybe (4,139) ka mga publikong tunghaan hayskol tibuok nasod nga nakapakunhod sa kakulang sa computer sa hayskol nga publikong tunghaan ngadto sa setentay singko porsiyento (75%) sa tuig 2001, sa trayntay siyete porsiyento (37%) na lang pagkakaron., sumala pa.

Matod pa ni Caberte nga ang ihatag nilang 11 ka buok nga mga computer sa kada tunghaan nga publikong hayskol kay naglakip na kini sa 1 ka printer, UPS, mga computer softwares sa Windows 7, Office 2010 ug AntiVirus, ug WiFi na usab kini.

Tagaan usab ug pagbansaybansay ang mga tunghaan kabahin sa basic computer operation, troubleshooting ug preventive maintenance, sumala ni Caberte.

Ang PCPS nga proyekto mitino sa pagtubag sa nagsaka nga hagit sa teknolohiya diha sa mga pulikong tunghaan hayskol sa Pilipinas.

Si Caberte nagsulti nga aron makaapil nga mga tunghaan sa programa, gikinahanglan nga wala kini makadawat ug lain pa nga mga computer nga proyekto, ni mopulos sa laing tag’amot ug mga computer.

Mahimo usab makadawat ug mga computer ang mga bag-ong tukod nga mga tunghaan na wala pay mga computers, mga dagkong tunghaan nga may dadhang tinun-an ug mga tunghaan nga makatagbaw sa rekisito sama makanunayon nga supply sa kuryente, adunay laboratoryo sa computer ug pahisayon sama sa lamesa ug silya ug IT/Lab nga maestra, panapos ni Caberte. (PIA-Cebu/JSM)