Cebuano News:  DSWD ug siyudad sa Talisay mopahimutang ug plano sa pagpaka-on sa mga bata nga anaa sa day-care

TALISAY CITY, Cebu June 22 (PIA) --- Ang pangagamhanan sa siyudad saTalisay ug ang Department of Social Welfare and Development (DSWD-7) dinhi sa rehiyon 7 magkurambos sa ilang mga tagsa-tagsa ka mga pundo aron sa pagpahalapad sa ‘mass feeding’ alang sa mga kabata-an sa daycare nga kulang ang gikaon.

Sa usa ka regular nga sesyon sa Sanggunian Panglungsod, kini mipasa sa usa ka resolusyon sa paghatag ug otoridad kang mayor Sócrates Fernandez nga mosulod ug usa ka memorandum of agreement ngadto sa DSWD alang niining supplemental feeding program.

Si councilor Celiapo Cabuenas, ang nipasa sa maong resolusyon miingon nga kining supplementary feeding program maka-abag sa regular nga pagkaon sa mga kabata-an diha sa daycare.

Si Cabuenas miingon nga mao kini ang kontribusyon sa DSWD ngadto sa Early Childhood Care and Development program (ECCD) sa gobiyerno.

Kini nga feeding program nahimo human ang Food and Nutrition Research Institute (FNRI) sa Department of Science and Technology (DOST) mipagawas sa usa ka report nga taas kayo ang tinago’ng ubos ug sobra usab nga nutrisyon sa mga kabata-ang Pilipino.

Si Cabuenas mikutlo sa usa ka kinaulahian nga resulta sa surbe sa family income and expenditures gikan sa NSO nga nag-ingon nga 11 posiyento sa mga pamilyang Filipino dili makapalit ug pagkaon alang sa inadlaw nga pag sustinir sa mga miembro sa ilang pamilya.

Siya midugang nga kini nakada-ot sa kahimsug sa ilang mga panglawas ug nutrisyon.

Ang DSWD pinaagi niining kasabotan, mohatag ug mga serbisyo alang sa kaayohan sa panglawas sa mga “malnourished” nga mga bata sa pakig-alayon usab sa mga local nga pangagamhanan ug mga NGOs, si Cabuenas midugang sa pag-ingon.

“Makatabang gayud kini sa atong mga gagmay’ng mga kabata-an sa pagprotihir kanila sa pagka-malnourished,” si Cabuenas miingon. (PIA-7/mbcn & DSWD-7) 

=========

Cebuano News:  DSWD ug siyudad sa Talisay mopahimutang ug plano sa pagpaka-on sa mga bata nga anaa sa day-care

TALISAY CITY, Cebu June 22 (PIA) --- Ang pangagamhanan sa siyudad saTalisay ug ang Department of Social Welfare and Development (DSWD-7) dinhi sa rehiyon 7 magkurambos sa ilang mga tagsa-tagsa ka mga pundo aron sa pagpahalapad sa ‘mass feeding’ alang sa mga kabata-an sa daycare nga kulang ang gikaon.

Sa usa ka regular nga sesyon sa Sanggunian Panglungsod, kini mipasa sa usa ka resolusyon sa paghatag ug otoridad kang mayor Sócrates Fernandez nga mosulod ug usa ka memorandum of agreement ngadto sa DSWD alang niining supplemental feeding program.

Si councilor Celiapo Cabuenas, ang nipasa sa maong resolusyon miingon nga kining supplementary feeding program maka-abag sa regular nga pagkaon sa mga kabata-an diha sa daycare.

Si Cabuenas miingon nga mao kini ang kontribusyon sa DSWD ngadto sa Early Childhood Care and Development program (ECCD) sa gobiyerno.

Kini nga feeding program nahimo human ang Food and Nutrition Research Institute (FNRI) sa Department of Science and Technology (DOST) mipagawas sa usa ka report nga taas kayo ang tinago’ng ubos ug sobra usab nga nutrisyon sa mga kabata-ang Pilipino.

Si Cabuenas mikutlo sa usa ka kinaulahian nga resulta sa surbe sa family income and expenditures gikan sa NSO nga nag-ingon nga 11 posiyento sa mga pamilyang Filipino dili makapalit ug pagkaon alang sa inadlaw nga pag sustinir sa mga miembro sa ilang pamilya.

Siya midugang nga kini nakada-ot sa kahimsug sa ilang mga panglawas ug nutrisyon.

Ang DSWD pinaagi niining kasabotan, mohatag ug mga serbisyo alang sa kaayohan sa panglawas sa mga “malnourished” nga mga bata sa pakig-alayon usab sa mga local nga pangagamhanan ug mga NGOs, si Cabuenas midugang sa pag-ingon.

“Makatabang gayud kini sa atong mga gagmay’ng mga kabata-an sa pagprotihir kanila sa pagka-malnourished,” si Cabuenas miingon. (PIA-7/mbcn & DSWD-7) 

==========

2,156 ka mga yanong mag-uuma ug mananagat sa Siquijor gikatakdang makabenepisyo sa “Rice for Work Program” sa kagamahanan

SIQUIJOR, June 22 (PIA) --- Sulod karong buwan sa Hunyo, mokabat sa 1,156 ka mga yanong mag-uuma ug mananagat sa Siquijor ang makabenipisyo sa programang “Rice for Work” sa kagamhanan, kini matud sa Municipal Agricultural Officer sa probinsya Cecille G. Hora.

Gibutyag ni Hora nga kining mga yanong mag-uuma ug mananagat naggikan sa lain-laing lungsod sa Siuijor sama sa lungsod sa Enrique Villanueva kung diin adunay 136 nga mga benepisyaryo, Maria nga adunay 434, Larena 70, Lazi 824, San Juan 400 ug lungsod sa Siquijor 291.

Ang maong sabsidiya magamit isip bayad o sweldo sa mga mag-uuma ug mananagat sulod sa 14 ka adlaw nga pagpaubos sa mga training sessions ug pagsilbi sa mga proyekto sa komunidad.

Tumong usab sa programa ang paghatag ug dugang kinitaan sa mga benepisyaryo ilabi na sa wala pa ang panahon sa ting-ani.

Lakip sa mga kalihokan sa mga mag-uuma ug mananagat mao ang upat ka adlaw nga pagbansay-bansay kalabot sa food production, pagpananom, isyu sa climate change, environment protection ug mga fishing methods.

Ang laing napulo ka adlaw igahin ngadto sa mga kalihokan kalabot sa pagpanglimpyo sa mga umahan isip preparasyon alang sa umaabot nga planting season.

Base sa gipagawas nga press release sa DSWD bag-ohay lang, kining “Rice for Work” nga programa kabahin sa pagpaningkamot sa kagamhanan sa pagtubag sa problema sa padayong pag-usbaw sa presyo sa lana ug paghatag ug dugang kinitaan ngadto sa mga yanong miyembro sa katilingban.(PIA-7/mbcn/Maryknoll B. Lague)

=========

Philhealth ug DOH, mopahigayon ug usa ka adlaw nga pagpangrehistro karong Sabado, Hunyo 25

ni Juju S.Manubag

CEBU CITY, Hunyo 23 (PIA) -– Ang Philippine Health Insurance Corporation (PHIC) -7 ug Department of Health (DOH)-7 mopahigayon ug usa ka adlaw nga pagpangrehistro karong Sabado Hunyo 25 alang niadtong mga dili pa miyembro sa Philhealth.

Ang maong kalihukan gitawag kini ug “PhilHealth Sabado, Magseguro, Magparehistro” nga paga-saulogon sa tibuok nasod, segun sa tigpamaba sa PHIC-7 nga si Atty Karisma Agraviador sa usa ka pahinabi sa Philippine Information Agency (PIA)- Cebu.

Sumala ni Agraviador nga nga ang maong pagpalista gitumong alang lamang niadtong mga individual paying members nga dili pa miyembro pero gustong makatapon sa ilang buhatan  ug may katakus sa pagbayad sa binulan nga tagaon sa PHIC isip kontribusyon nga tres siyentos pesos (P300).

Ang mao nga kalihukan pagahimoon sa Zapatera Elementary School karong umaabot nga Sabado gikan sa alas 8 sa buntag hangtod alas 5 sa hapon.

Si Agraviador mipahibalo nga full service ilang buhatan diri sa Sugbo.

Mogpahigayon sila ug orientation alang sa magpasakop sa PHIC sama sa mga benebisyo nga makuha niini ug mga katungdanan nila isip miyembro sa ilang buhatan, si Agrabiador miingon.

Manghatag usab sila ug Member Data Records kon MDR ug Philhealth cards nga ipang-printa diha-diha dayon, dugang ni Agraviador.

Sa uban nga service offices sa PHIC sa probinsiya sa Bohol, Negros Oriental ugSiquijor, ang Philhealth Sabado adto pagabuhaton sa ilang buhatan ug ang serbisyohan niini mao lamang ang impormal nga sector nga magpasakop diha nila, si Agraviador mipahibalo.

Kining kalihukan gipahigayon inabagan sa mga buhatan sa DOH, DepEd,Department of Social Welfare and Development (DSWD), Department of the Interior and Local Government (DILG), National Anti-Poverty Commission (NAPC), League of Governors, League of Municipalities, League of Cities ug League of Barangays segun sa taho. (PIA7-Cebu/JSM)

==========

DOE tinguhang triplehon ang kapasidad sa renewable energy sa tuig 2030

By Eli C.Dalumpines

CEBU CITY, June 22 (PIA) -- Gitinguha sa Department of Energy (DOE) nga triplehon 
ang kapasidad sa renewable energy sa nasud sa tuig 2030 basi sa gilatid sa Renewable Energy Program nga gilunsad sa milabay’ng Hunyo 14.

Si Atty. Marissa Cerezo, Director sa Renewable Energy Management Bureau sa DOE, atol sa PIA Kapihan karong buntag, mitaho nga naa pa lang sa 5,400 megawatts ang kasamtangang kapasidad sa renewable energy sa nasud, kasagarang tinubdan niini gikan sa geothermal ug hydro-electric.

Matud niya nga dunay dakung potential ang nasud sa solar energy tungod kay naa man kini mahimutang dapit sa equator diin abunda kayo sa sidlak sa adlaw apan iyang giangkon nga  mahal ang teknolohiya alang niini.

Iya hinuong gipahibawo nga naghimo na ug lakang ang gobyerno aron maka-enganyo ug mga kumpanya nga mobubo ug puhunan aron palambuon ang maong teknolohiya dinhi sa nasud sama sa paghatag ug tax incentives ug pagtabang nga mapadali ang proseso alang sa pagtukod ug mga planta.

Dinhi sa lalawigan sa Sugbo dunay mga dapit nga naggamit ug solar energy sama sa Isla sa Camotes ug pipila ka mga lugar sa Mactan.

Dugang pa ni Cerezo nga dunay mayo nga tinubdan sa enerhiya gikan sa hangin ang Sugbo tungod sa pwesto niini. 

Sa pagkakaron, suma pa niya, dunay duha ka mga grupo ang misang-at ug aplikasyon sa DOE aron motukod ug planta sa kuryente gamit ang hangin sa lungsod sa Argao ug sa Dakbayan sa Toledo.

Apan kasamtangan pang gitan-aw sa ilang buhatan ang mga dokumento sa maong mga grupo. Hinoon iyang gipasabot nga hatagan ug higayon pagsang-at ug aplikasyon ang bisan kinsang interesado kabahin niini.

Iya usab nga gitataw nga mipadayag na ug tinguha ang mga local nga mga pangagamhanan sa Sugbo diin mihinay-hinay na ug ugmad sa nagkalain-laing tinubdan sa renewable energy sama pananglit sa Isla sa Bantayan diin mihimo ang ug 30 kilowatt nga biomass gamit ang hugaw sa manok. (PIA-Cebu/ECD)