Pulis sa CV aduna nay Facebook Account

CEBU CITY, May 27 (PIA) --- Tungod sa panghinaot nga mas ma-abot ang mga katawhan sa komunidad, ang Police Regional Office sa Central Visayas (PRO-7) naghimo ug ilang kaugalingong account sa Facebook kung diin imantala ang mga kalihokan ug mga kampanya sa mga kapolisan lakip na ang mga balita nga naglangkob sa interes sa publiko, kini matud ni Senior Superintendent Mariano Natuel, ang hepe sa Police Community Relations (PCR).

Gidugang usab ni Senior Supt. Josephus Angan, ang chief of staff sa PRO-7 nga ang paghimo sa maong account makatabang sa pagdala sa ilang opisina mas duol sa katawhan.

Nahibaw-an nga ang Cebu City Police Office aduna na usa'y  Facebook account alang usab sa mas dali ug mas epektibong pagpaabot ug mga impormasyon ngadto sa katawhan.(PIA-7/mbcn/Maryknoll B. Lague CTU)

=========

Monitoring system, makatabang sa mga kanhing scholars sa TESDA nga makakita ug trabaho

CEBU CITY, May 27 (PIA)---Ang mga scholars sa Technical Education and Skills Development Authority (TESDA) makadawat ug dugang nga hinabang pinaagi sa Unique Learning Indentification (ULI) system sa TESDA.

Ang maong monitoring system nagtinguha sa pagsuta sa kahimtang sa  panarbaho sa mga indibidwal nga natagaan ug scholarship gikan sa TESDA, kini matod ni TESDA director-general Joel J. Villanueva atol sa Communication and News Exchange Forum (CnEX) nga gipahigayon sa Philippine Information Agency Conference Room kagahapon.

Ang ULI nagtinguha sa pagtan-aw sa kahimtang sa  panrabaho  sa mga scholars human nakahuman sa ilang technical  o vocational courses nga ilang nakuha pinaagi sa pag-sponsor sa opisina.

Matod ni Director Villanueva nga human sa tulo ka buwan nga migradwar ang mga scholars, susihon sa opisina kon ang ilang mga scholars nakakita na ba ug trabaho.

Human sa umom ka buwan, susamang monitoring ang buhaton sa TESDA aron susihon pagbalik kon kining mga scholars nakakaplag na ug trabaho ug kon wala pa, ang TESDA motabang sa pagproseso sa pagpangita ug trabaho sa ilang mga scholars.

Dugang pa ni Villanueva nga ang masakop sa monitoring system sa TESDA mao kadtong mga scholars niini ug kadtong mga indibidwal nga gitagaan ug Training for Work Scholarship Program (TWSP) sa TESDA.

Ang TSWP nagtinguha sa paghatag ug dugang kahanas ug kabatid aron daling makakita ug trabaho pinaagi sa mga programa sa pagbansay-bansay nga konektado sa gustong trabaho sa tinon-an aron dali kini makasulod sa trabaho.

Kini usab nagdasig sa mga pribadong tunghaan ug mga training instutions sa pagtanyag ug susamang mga programa sa pagbansaybansay  nga kinahanglan sa mga industriya sama sa business process outsourcing. (PIA-7/mbcn/Chrisley Ann C. Hinayas, CTU)

=========

LGUs can now use 20 percent of IRA for DRRM programs

CENTRAL VISAYAS, May 27 (PIA)---The various local government units (LGUs) in Central Visayas can now heave a sigh of relief for funding their disaster-related projects.

This is due to the issuance of the new guidelines of the Department of Interior and Local Government (DILG) and the Department of Budget and Management (DBM) to all LGUs in the country that approves the use of 20 percent of their Internal Revenue Allocation (IRA) for their development projects including those that are related to disaster risk reduction management (DRRM).

In a joint DILG-DBM Memorandum Circular 2011-1 that was issued to all governors, mayors of cities and municipalities, barangay captains, sanggunians and other concerned officials, Secretary Jesse Robredo of DILG and Florencio Abad of DBM mentioned the projects that will be included under the 20 percent development fund that the LGUs can use for DRRM and climate change adaptation.

These include projects that will address and respond to man-made and natural disasters and calamities.

Under the new guidelines, the 20percent  of IRA can now be used for rehabilitation or construction of evacuation centers; purchase or repair of area-wide calamity related alarm or warning system; purchase or repair of appropriate calamity-related rescue operations equipment like fire extinguishers, inflatable boats, breathing apparatus, extraction tools, chainsaws, 2-way handheld radios and others.

LGUs all over the country can also use the development fund for the purchase and development of land for relocation of victims of calamities; implementation of flood and erosion control projects; reforestaion and urban greening; and other environmental projects.

However, DILG Secretary said that  items that are not covered and should not be paid by the 20 percent development fund are food allowance, cash gifts, bonuses, petroleum products, uniform, medical assistance, water and light, communication, meetings and supplies.

Robredo said that every local chief executive (LCE) should ensure that the fund is used for development projects as he warned about the administrative sanctions prescribed by the law under Local Gvernment Code and other applicable laws.

He added that provinces, cities and municipalities should provide copies of their annual investment program containing the projects to be funded out of the 20 percent fund to the DILG regional offices. (PIA 7/mbcn/Angie P. Amodia-CTU with reports from DILG)

==========

Kagamhanan naglantaw sa PPP ug boluntarismo isip paagi sa pagkab-ot sa housing target--VP Binay

CENTRAL VISAYAS, May 27 (PIA)---Si Bise Presidente ug Housing and Urban Development Coordinating Council (HUDCC) Chair Jejomar C. Binay nagkanayon nga ang kagamhanan mosagop sa Public Private Partnerships (PPP) sa housing sector ug modasig ug boluntarismo isip pamaagi sa pagtubag sa housing situation sa nasud.

Si Binay nibutyag sa iyang pamahayag atol sa 1st Philippine Urbanization Forum sa University of the Philippines-Diliman nga tungod kay ang katigayunan sa kagamhanan limitado, sila mopadali sa pagpatuman sa ilang sustainable communities lakip na ang dinaliang pagpalambo sa ubang proclaimed sites alang sa housing ubos sa plano sa PPP. 

Ang Bise Presidente nidasig usab sa civil society organizations nga makigtambayayong sa HUDCC sa pagduso sa mga kinahanglanon nga reporma sa housing sector.

Siya nagkanayon nga ang key shelter agencies sa nasud kasamtangang nagpanday ug palisiya alang sa housing nga gidisenyo aron pagpaubos sa 3.6M housing gap sa nasud ngadto sa katunga sa tuig 2016.

Sumala ni Binay, ang Pilipinas usa sa labing paspas nga urbanizing countries sa East Asia. Apan samatang ang mga siyudad nagsilbi nga makina sa paglambo, sila usab nag-antos gikan sa mga isyu sama sa taas nga pagkatap sa kakabos, environmental degradation, ug kakuwang sa disente nga panimalay nga moresulta sa pagkatap sa mga illegal nga lumolupyo.

Sa pakigbatok niini, si Binay niingon nga ang HUDCC nagtrabaho na uban sa Local Government Units aron pagpahingusog sa ilang kahanas sa pagpatuman sa ilang kaugalingon nga mga housing programs. (PIA 7/mbcn/Angie P. Amodia-CTU)

==========

DBM mipagawas ug P5 ka bilyon alang sa health insurance program

CENTRAL VISAYAS, May 27 (PIA)--- Ang Department of Budget and Management (DBM) mipagawas ug P5B aron pag-abaga sa counterpart sa nasyunal nga pangagamhanan kabahin sa health insurance premiums alang sa mga kabus gikan sa tuig 2007 hangtod 2010 nga nagpabiling wala mabayri sa miaging administrasyon.

Si Budget and Management Secretary Florencio B. Abad miingon nga ang gipagawas nga kantidad magtuman sa P6.5B nga wala mabayri nga katungdanan sa miaging gobyerno ngadto sa Philippine Health Insurance Corporation (PHIC).

Dugang niya nga ang nahibiling balanse nga P1.5B gi-eskedyul pa nga ipagawas sa dili na madugay. 

Matod niya nga ang universal healthcare coverage alang sa tanan, ilabi na sa mga kabus ug mga masakiton, mao ang prayoridad ni Presidente Aquino. 

Kini aron pagsigurado nga ang pondo alang sa panglawas mapunta gayud sa mga kabos nga mga Pilipino ug tungod niini kinahanglan isulbad ang mga katungdanan nga nagpabiling wala mabayri sa miaging administrasyon.

Sigon niya nga sa ubos sa administrasyon ni Aquino, ilang siguradohon nga ang programa gamiton lang alang sa healthcare sa mga kabus ug dili sa unsang tulamanon mahitungod sa politika.

Matod niya nga ipang-apud-apud sa PhilHealth cards, ang National Household Targeting System nga maoy gigamit sa Department of Social Welfare and Development sa pagtino sa mga kabus nga mga panimalay- maoy gamiton.

Alang sa tuig 2011, ang gobyerno nigahin ug P3.5B alang sa National Health Insurance Program (NHIP) kon diin gituohang ipagawas karong Septiyembre ug human matapos ang bag-ong guidelines nga  gi-isyu sa DBM, PhilHealth ug Department of Health.

Gikan sa maong kantidad, dul-an sa 4.7M nga mga kabus nga mga pamilya ang makadawat ug health protection gikan sa PhilHealth karong tuiga.

Laing 1.4M nga mga informal households ang malakip sa programa ug ang mga benepisyaryo nini pilion gikan sa natinong mga kabus nga mga panimalay ubos sa National Household Targeting System. (PIA-7/mbcn/Chrisley Ann C. Hinayas, CTU)

=========

CNN ihulagway ang kusganong pakigbatok sa Sugbo sa human trafficking

CEBU CITY, May 27 (PIA)--- Tungod sa maayong nabuhat sa pakigbatok sa human trafficking dinhi sa Sugbo, hatagan ang probinsiya ug kalibotanhon nga pagpadayag pinaagi sa usa ka dokumentaryo nga himoon sa CNN International ubos sa ilang Freedom Project.

Ang maong dokumentaryo nagtinguha  sa pagpaila sa kalibotanhong mananan-aw sa pakigbatok sa Sugbo sa sex trafficking nga makita sa resulta sa gibuhat nga casework sa Project Lantern sa pakigtambayayong sa gobyerno sa Pilipinas, Visayan Forum Foundation ug International Justice Mission.

Si Cebu Governor Gwen Garcia mahinabi karong adlawa kauban ang mga kawani sa CNN aron hisgotan ang papel niini sa anti-human trafficking dinhi sa Pilipinas.

Si CNN International editorial director Leif Coorlim, mihatag ug usa ka sulat ngadto kang Garcia, nga nagkanayon nga gusto nila mahinabi kini tungod siya ang gobernador ug usa sa mga hawod kabahin sa mga katungod sa kababayen-an, nga aduna kini alamag sa kalamposan sa pagkigbatok sa human trafficking ug ang iyang pagpangusog sa pagpatuman sa mga balaod aron makigbatok sa problema, maoy mga bililhon nga ikapuno sa proyekto. 

Usa sa mga katungdanan sa Cebu Provincial Anti-Criminality Task Force kon diin gimugna ni Garcia, mao pagpahingusgan pa sa mga tigpatuman sa balaod ug sa mga ahensiya sa gobyerno ang pakigbatok niini sa human trafficking.

Ang task force usab naglambigit sa Sangguniang Kabataan sa mga barangay kon diin sagad sa mga mabiktima niini mga minor de edad.

Dako ang pagtuo ni Garcia nga tungod sa ilang pagpangusog kabahin niini, kini nakapakuha sa atensyon sa CNN International.

Matod sa gobernador nga siya mohisgot  sa mga nahiagom sa Sugbo sa pakigbatok niini atol sa iyang on-camera interview karong adlawa.

Sigon ni Coorlim nga natino nila nga ang Pilipinas usa sa mga nasud nga nagbuhat sa tanang pamaagi aron pakigbatok sa maong problema.

Matod ni Coorlim sa iyang suwat kang Garcia nga gusto nilang tagaan ug dakong pagtagad ang mga paningkanot sa Sugbo ilabi sa Project Lantern sa Sugbo isip maayong sundanan sa tibook kalibotan.

Niadtong Marso tuig 2007, ang IJM nilunsad sa Project Lantern sa Metro Cebu nga nagtinguha sa pagpakita sa kaepektibo sa stratehiya sa pagpatuman sa balaod aron maminusan ang pagkatap sa sex trafficking ug komersyal nga sekswal nga eksploytasyon sa mga kabataan.

Ang grupo nakigalayon sa lokal ug rehiyonal nga mga ahensiya sa gobyerno ug  sa mga non-government organizations aron maminusan ang mga kababayen-an nga mabiktima sa trafficking ug mapalayo ang mga kabataan nga magamit alang sa sekswal nga eksploytasyon sa mga commercial sex establishments. 

Human nakigtambayayong sa lokal nga kapolisan, kapin sa 220 ka mga biktima sa trafficking ang naluwas ug kapin sa 100 ka mga gidudahang mga traffickers ang gipasakahan ug kaso sa korte sa Metro Cebu. (PIA-7/mbcn/Chrisley Ann C. Hinayas, CTU)

=========

Rama misugyot ngadto sa Probinsiya sa hini-usang programang Pambalay alang sa mga informal settlers dinhi sa Sugbo

CEBU CITY, May 27 (PIA) --- Ang mayor sa siyudad sa Sugbo nga si Michael Rama misugyot ngadto kang Cebu Gov. Gwendolyn Garcia ug usa ka panaghiusa niining programang pambalay alang sa mga informal settlers sa siyudad. Si Rama miingon nga mas mamahimo pa ang kini nga programa kumpara sa “Balik Lungsod”, usa ka programa nga gianunsiyo sa gobernador bag-ohay pa niining tuiga nga nagdani sa mga langyaw nga mga Pilipino sa pagbalik sa lugar nga natawhan. Dugang pa ni Rama nga ang mga informal settlers labot na ang katong anaa sa Mahiga Creek nakakita na ug trabaho sa siyudad ug kinahanglang hatagan na ug puloy-anan. Ang tigpamababa sa Capitol nga si Atty. Jon Sepulveda miingon nga si Garcia interesado sa laraw ni Rama apan maghuwat pa ug mas klarong plano kabahin niini nga programa. (PIA-7/Ailene G. Limutan, CTU)

=========

Mga lokal nga pangagamhanan mamahimong mogamit sa 20 porsyento sa IRA sa mga proyekto nga adunay kalabotan sa katalagman

CENTRAL VISAYAS, May 27 (PIA)---Ang Department of the Interior and Local Government (DILG) nibutyag nga ubos sa bag-ong tamdanan, ang lokal nga pangagamhanan mamahimo na nga mogamit sa 20 porsyento sa Internal Revenue Allotment (IRA) alang sa mga proyekto nga adunay kalabotan sa mga katalagman.

Ang DILG nagkanayon nga ubos sa bag-ong lagda, ang 20 porsyento sa IRA mamahimo na nga magamit sa pagpatukod o pag-ayo sa mga evacuation centers; pagpalit o pag-ayo sa area-wide calamity related alarm o warning system; pagpalit ug tukma nga ekipo nga gamiton sa pagluwas sama sa inflatable boats, breathing apparatus, extraction tools, fire extinguishers, chainsaws, two-way handheld radios ug uban pa.

Nagkanayon nga ang lokal nga pangagamhanan makagamit usab sa pundo alang sa pagpalit ug pagpalambo sa lugar alang sa relokasyon sa mga biktima sa kalamidad; reforestation ug urban greening; pagpatuman sa flood and erosion control projects; ug ubang proyekto nga alang sa pangkalikopan.

Kini nigawas human ang DILG ug ang Department of Budget and Management (DBM) ni-isyu sa bag-ong lagda sa niaging semana alang sa tanan nga lokal nga pangagamhanan sa tibuok nasud sa paggamit sa ilang internal revenues alang sa mga proyekto sa pagpalambo.

Sa hiniusang DILG-DBM Memorandum Circular 2011-1 nga gi-isyu sa tanang gobernador, mayor sa siyudad ug munisipyo, sanggunian, punong barangay ug ubang hingtungdan nga opisyales, si Secretary Jesse Robredo sa DILG ug Secretary Florencio Abad sa DBM nibutyag sa mga proyekto nga sakop sa 20 porsyento nga pundo alang sa pagpalambo diin maglakip na sa mga proyekto nga motubag sa natural ug man-made nga katalagman ug kalamidad. (PIA 7/mbcn/Angie P. Amodia-CTU)

=========

Siyudad sa Sugbu mobayad sa mga botika alang sa programa nga libreng tambal

CEBU CITY, May 27 (PIA) --- Ang mga benipisyaryo sa City Hospitalization Assistance and Medicine Program (Champ) sa siyudad sa Sugbu mamahimo nang makaangkon sa ilang mga libreng tambal gikan sa mga Pro-Poor ug Pro-Pinay nga mga botika human nakahukom ang kagamhanan sa siyudad sa pagbayad sa mga balayranan nga nagkantidad ug P11 ka milyon karong sunod semana.

Si Marivic Alolod, ang naglingkod isip administrative officer sa Champ namahayag nga nahuman nga sila pagkolekta sa mga gikinahanglang reseta sa tambal nga maoy gipangayo sa Commission on Audit (COA) una sila makapagawas sa gipangayong kantidad alang sa maong bayranan.

Matud pa, wala mipagawas ang siyudad sa maong kawarta human gisuspende sa COA ang kantidad nga P2.3M  tungod sa kakuwang sa mga dokumento. 

Kahinumduman nga ang duha ka mga botika mihunong sa pagpang-apod-apod sa mga tambal ngadto sa mga benipisyaryo human wala sila mabayran sa siyudad.

Gipasabot usab ni Alolod nga ang hinungdan nganong wala dayon gipagawas sa siyudad ang maong kantidad aron usab sa pagsegurado nga ilang makuha ang kompletong listahan sa mga reseta sa tambal.

Si Assistant accountant Diwa Cuevas namahayag usab nga sila kasamtanagan nang nagpahigayon sa pag-awdit sa kinatibuk-ang bayranan nga gi-isyu sa duha ka mga botika ug human niini mamahimo nang mopagawas ug tseke ang City Treasurer’s Office aron ibayad kini ngadto sa mga botika.(PIA-7/mbcn/Maryknoll B. Lague CTU)

===========

Air Force nipahigayon ug feeding program alang sa mga biniyaang mga bata

MACTAN, Cebu, May 26 (PIA)--- Ang Philippine Air Force (PAF) 220^th Airlift Wing sa Mactan nga gipangulohan ni Col. Gerardo Jamorado nagpahigayon ug feeding program alang sa mga gibiyaan, gipasagdan ug gipahimuslang mga bata nga anaa sa Albert Schweitzer Familienwerk Foundation Phils. Inc. (ASFFPI).

Ang maong feeding program gipahigayon sa Mactan Benito Ebuen Air Base sa siyudad sa Lapu-Lapu nga tipik sa ilang pagselebrar sa ilang 38^th founding anniversary.

Si Jamorado ug iyang mga kawani mihatag ug mga galamiton sa eskwelahan sa kada usa sa 53 ka mga bata.

Ila usab gi-treat ang mga bata sa usa ka tour sa mini zoo sa PAF compound.

Nihatag usab sa iyang inspirational message si Jamorado ngadto sa mga bata ug ang plano nini sa padayong pakigalayon sa ASFFPI alang sa kaayohan ug pagpalambo sa mga bata. (PIA-7/mbcn/Chrisley Ann C. Hinayas, CTU)

==========

Customs chief nisaad nga himoon ang smuggling nga dili mapuslan nga negosyo

 

CENTRAL VISAYAS, May 26 (PIA)---Si Bureau of Customs Commissioner Angelito Alvarez nideklara nga iyang himoon ang smuggling nga walay ginansya nga negosyo ingon sa ang ahensya nipadayon sa ilang pakigbatok sa smuggling activities nga nikawat sa binilyon nga kinitaan sa nasud.

Sa gipahigayon nga Communications New Exchange sa Philippine Information Agency, si Alvarez nagkanayon nga samtang dili siya makasiguro nga mawagtang sa dayon ang korapsyon sa BOC, siya nagtinguha nga sigurohon nga ang mga smugglers dili na makahimo ug negosyo pag-usab o kon dili, ilang makita nga hugot ang lagda sa customs nga ang smuggling dili na maginansyahon.

Iyang giingon nga iyang siguraduhon nga apil ang puhunan sa mga smugglers mahurot ug ilang gukdon ug pasakaan kutob sa gilapdon sa balaod.

Si Alvarez nibutyag nga aduna nay 35 ka kaso sa smuggling ang nasang-at, ug 25 nini paibabaw pa sa resolusyon ug usa ka kaso ang nakonbikto. Mokabat ug P25M ang mabuhisan niini nga mga kaso.

Ang smuggling mahitabo sa daghang porma pinaagi sa under declaration, undervaluation ug misclassification.

Sa niaging duha ka semana, ang opisyales sa custom nakasakmit ug 161 ka ulo sa gipreserba nga hawksbill ug green turtles, mokabat sa 21,000 ka piraso nga black corals, kapin sa 7,300 nga piraso sa seashells ug 196 ka kilo sa seawhips.

Sumala ni Alvarez, ang wildlife contraband adunay gibana-bana nga kantidad nga di momenes P35M.

Siya nagtinguha ug pakigtambayayong sa publiko sa pagdakop sa maong mga kriminal. (PIA 7/mbcn/Angie P. Amodia-CTU)

==========

Rama napiling co-chairman sa MCDCB

CEBU CITY, May 26 (PIA)--- Ang pangulo sa Regional Development Council (RDC) 7 ug Cebu City Mayor Michael Rama maoy  napiling co-chairman ni Cebu Governor Gwendolyn Garcia alang sa lokal nga pangagamhanan sa Metro Cebu Development Coordinating Board (MCDCB), kini atol sa unang panagtigom sa organisasyon niadtong miaging adlaw.

Si Rama miingon nga siya makigalayon sa board alang pagpaimplementar sa mga proyekto  nini tungod sa iyang position sa RDC.

Siya hiniusang gipili kauban ni Roberto “Bobby” Aboitiz sa Ramon Aboitiz Foundation Inc. (Rafi) isip co-chairman alang representante sa pribadong sektor.

Ang RAFI usab maoy mangulo sa Research, Program and Organizational Development (RPOD) unit.

Matod ni Garcia ug Rama nga ang problema sama sa baha, trapik ug ilegal nga pagpuyo mamahimong tubagon kon adunay pakigtambayayong sa mga lokal nga pangagamhanan ug pribadong sektor.

Sigon ni Cordova Mayor Adelino Sitoy nga ang problema sa iligal nga pagpuyo kinahanglan ilakip sa areas of cooperation sa board.

Sigon ni Rama nga ang maong sugyot lakip sa urban renewal plan.

Dugang niya nga ang MCDCB mahinungdanon sa iyang mga tulumanon kabahin sa mga ilegal nga mga lumulupyo sa siyudad.

Usa ka resolusyon ang gipasar nga nag-ilis sa ngalan sa Metro Cebu Development Council ngadto sa MCDCB nga buyon sa pagusab sa RDC Resolution 117 niadtong tuig 1997 aron pormal nang ilhon ang MCDCB.

Tungod si Garcia gustong adunay unified traffic system, ang mga representante sa IBM, usa ka American multinational technology and consulting firm, mitambong usab sa maong panagtigom.

Matod ni Falk Nieder, ang managing consultant sa IBM-Germany nga sila nakigalayon na sa Rafi aron pagtukod ug usa ka plano kabahin sa information management nga dili lang limitado sa trapiko kon di lakip na usab ang pagambit sa ilang alamag ngadto sa mga lokal nga panggamhanan ug mga NGUs.

Kanayon niya nga ang pagtukod sa MRT Smart system sa Sugbo usa ka posibilidad sa traffic management nga matod niya nga ang ilang kompanya maoy nimugna sa Smart system sa MRT didto sa Singapore. (PIA-7/mbcn/Chrisley Ann C. Hinayas, CTU)

==========

BOC mo-isyu ug warrant aron pagkuha sa “hot vehicles” ni Bigcas

CENTRAL VISAYAS, May 26 (PIA) --- Ang Bureau of Customs (BoC) moisyu ug warrant aron pagsakmit ug paghawid sa mga mahalong mga sakyanan ug dagkong bikes nga narekober sa awtoridad gikan sa balay ni Lynard Allan Bigcas sa Bukidnon ug Cagayan De Oro.

BoC Chief Angelito A. Alvarez miingon nga si Bigcas kinahanglang magpamatuod nga iya ang mga “hot vehicles”, kung dili gane kuhaon kini.

Ang maong mga sakyanan ipa-auction aron makatabang sa pag-generate ug pundo alang sa pangagamhanan, matud ni Alvarez.

Lain pa usab niini, si Alvarez mibutyag nga si Bigcas muatubang usab ug smuggling charges sa paglapas sa balaud sa Custom’s sa Pilipinas.

Sa usa ka Congressional hearing, si Bigcas mitug-an sa pagdismantle niining mga dagkong bikes ug pagdala diri sa Pilipinas gamit ang balikbayan boxes. Dugang usab niya nga ang mga hot cars nga nakit-an sa iyang garahe dili rehistrado sa Land Transportation Office (LTO).

Ang BoC mitabang usab sa National Bureau of Investigation (NBI) sa pakigsusi pinaagi sa pag-atubang niining mga kinahanglanong papel hinlabot sa mga gikwestiyon nga mga butang.

Bag-uhay lang, ang NBI mimando sa BoC sa pagsulti kang Bigcas sa pagsumiti sa tanang mga dokumento, kalabot na ang buhis, bill of lading, deklarasyon sa customs ug ang katungod sa pagpadala gikan sa gawas sa nasud.

Sa Mayo 3, mikabat sa 25 ka mga mahalong sakyanan ug 15 ka dagkong mga motorcycles ang nakuha gikan sa abangan nga warehouse ni Bigcas sa Talakag, Bukidnon ug Kauswagan, siyudad sa Cagayan De Oro sa National Bureau of Investigation (NBI), ang Provincial Police Office ug ang US Fereal Bureau of Investigation (FBI).

Kalabot niini, si Alvarez miingon nga iyang gikuha si Noah Dimaporo sa iyang post sa Mindanao Container Terminal (MTC) sa Villanueva, Misamis Oriental, ug gibalhin siya sa BoC main office ug gibutang sa “floating status” samtang nagpadayun pa ang imbestigasyon.

Ang ngalan ni Dimaporo’s usa sa mga nahisgutan sa “black book” nga gipanag-iya ni Bigcas sa nahitabong hearing mahitungod sa smuggling.

Dugang usab ni Alvarez nga iyang gipangutana si Mr. Luel Medina, ang Custom’s collector sa MCT, nga mo-leave usa samtang ang kaso gisusi pagmaayo.

Si Medina uyon nga mag Leave of Absence (LOA) hangtud mahuman ni nga kaso, kini matud sa chief sa BoC.

Si Alvarez ang guest of honor sa Communication and News Exchange (CNEX) forum kagahapon sa Philippine Information Agency. (PIA-7mbcn//Ailene G. Limutan, CTU)

= =========

Probinsya sa Sugbu uban ang mga dagkong NGO’s mipaluyo sa programa sa DILG

CEBU, May 26 (PIA) --- Ang gobyerno sa Probinsiya sa Sugbu uban ang Ramon Aboitiz Foundation Inc. misuporta sa pagpatuman sa Department of Interior and Local Government(DILG) sa National Greening Program nga naglaom pagpananom ug usa ka bilyon nga mga punuan sa kahoy tibuok nasud.

Ang programa sa RAFI GREENIN Philippines motabang usab sa nasyonal ug lokal nga gobyerno alang sa pagpatukod ug mga native tree nurseries lakip na ang produksyon sa mga seedlings nga maoy ipananum sa mga nagkadaiyang barangay sa Sugbu.

Ang GREENIN Philippines nagpasabot ug Generation Redemption and Expansion of Natural resources INitiatives.

Buot usab sa programa nga malangkob ang tibuok nasud sunod tuig pinaagi sa Run 2 Plant 4 Greenin Philippines.

Ang maong kalihokan ipahigayon karong June 25, kung diin plano sa mga miyembro nga magtanom ug kapin sa 100,000 ka mga native tree seedlings ngadto sa probinsya.

Naglangkob usab sa maong kalihokan ang usa ka fun run ug tree planting activity sa 51 ka mga siyudad ug municipalidad sa Sugbu kung diin ang main event ipahigayon sa Jaclupan sa siyudad sa Talisay.

Usa ka memorandum ang gipirmahan sa DILG Secretary Jesse Robredo, Gobernador Gwen Garcia ug RAFI Chairman Robert “Bobby” Aboitiz naidtong niaging adlaw atol sa dialogue sa DILG kabahin sa “Full Disclosure Policy” didto sa Radisson Blu Hotel.

Ang maong programa sa DILG nagmando sa matag barangay sa nasud sa pagpananom ug 25,000 ka mga seedlings ug nag-aghat sa mga LGU pagpatuman ug mga ordinansa ug resolusyon sa pagpatukod ug ilang kaugalingon nga native tree nurseries.

Si Gov. Gracia miisyu usab ug usa ka executive order nga nagmando sa mga siyudad ug municipalidad sa probinsya sa pagsuporta sa maong programa.(PIA-7/mbcn/Maryknoll B. Lague CTU)

==========

DENR ug LGUs mopasalmot sa homeowners’ association sa adbokasiya sa maayong pagdumala sa basura

CENTRAL VISAYAS, May 26 (PIA)---Ang Department of Environment and Natural Resources (DENR) nipanglantawan ang homeowners' association nga mopauswag sa kampanya sa pagpromot sa maayong pagpalakat sa mga basura dinhi sa nasud.

Kini sigon ni Environment Management Bureau Director Atty. Juan Miguel Cuna atol sa Communication and News Exchange Program (CNEX) nga bag-ohay lang gipahigayon sa Philippine Information Agency (PIA) Conference Room.

Si DENR chief Ramon Paje nakatakda nga mopirma ug memorandum of agreement (MOA) uban sa lokal nga pangagamhanan sa Metro Manila aron pagtabang pag-edukar sa homeowners' association sa rehiyon kalabot sa epektibong pagdumala sa mga basura.

Kini subay sa giduso sa kagamhanan sa pagpalambo sa kalikopan ug ekolohiyang sitwasyon sa nasud pinaagi sa lain-laing programa ug kining tanan pangulohan sa DENR.

Pinaagi sa pagpasalmot sa homeowner associations, ilabi na sa mga miyembro sa panimalay, ang adbokasiya alang sa mas limpyo nga kalikopan mamahimong sayon ra nga makab-ot, diin daghang mga basura ang naggikan sa mga panimalay.

Si Atty. Cuna nipatigbabaw sa kakinahanglanon sa tukmang pagdumala sa mga basura aron paghunong sa polusyon ug sa hingpit nga environment degradation sa nasud.

Ang pakigtambayayong sa lokal nga pangagamhanan usa ka pamaagi sa pagpatuman sa epektibong pagdumala sa mga basura sa mga panimalay pinaagi sa tabang pangkalikopan, edukasyon ug adbokasiya—tahas nga gipatuman sa Environment Management Bureau (EMB).

Ang Homeowners Association usa lamang sa gipanglantawan sa EMB ug DENR sa ilang kampanya alang sa mas limpyo nga kalikopan. Ang mga barangay ang laing grupo nga ilang gitan-aw karon alang sa ilang adbokasiya.

Ang mga barangay ubos sa Republic Act 9003 diin nagmando sa tanang barangay sa nasud sa pagmugna ug ilang kaugalingon nga solid wates management plan. (PIA 7/mbcn/Angie P. Amodia-CTU)

==========

4,500 nga mga trabahante biktima sa di makiangayon nga binuhatan sa ilang mga employer

CEBU CITY, May 26 (PIA)---Establisimento gi-awhag sa paghusto sa ilang kalapasan o mag-atubang ug silot.

Pipila ka 3,000 ka kalapasan sa labor standards ug wala pagtuman sa social welfare benefits ang natala sa labor department human nasusi ang 915 ka establisimento sa Central Visayas.

Ang tala sa Department of Labor and Employment (Dole) 7 nagpakita ug makalolooy nga binuhatan sa pipila ka business establishment sa paghatag sa ilang mga trabahante sa minimum nga suholan ug ubang benipisyo nga gimando sa balaod.

Ang naapektohan niabot sa 4,500 ka mga trabahante.

Si Dole 7 Director Exequiel Sarcauga nitambag sa mga tag-iya ug negosyo nga korehian ang ilang kakuwang aron paglikay sa bisag unsang imbestigasyon ug multa nga ipahamtang sa matag kalapasan.

Sa 915 nga establisimento nga giinspeksyon sukad niadtong Enero 1, ang DOLE-7 naka-diskubre ug 272 ka establisimento sa Sugbo nga nagbayad sa ilang mga trabahante ug ubos sa P285 nga minimum nga suholan.

Mokabat sa 175 ang wala nibayad sa ilang ubang trabahante sa ilang holiday pay, 75 ang wala nihatag sa ilang trabahante ug service incentive leave, 30 ang pakyas sa paghatag ug night shift differential pay ug 80 ang wala nihatag sa overtime pay sa uban nilang mga trabahante.

Aduna usab mga 1,684 ka establisimento ang wala nipalista sa ilang mga trabahante sa Social Security System, PhilHealth ug Pag-Ibig, samtang ang uban wala niremit sa membership contribution sa ilang mga trabahante.

Si Sarcauga ni-awhag sa mga establisimento sa paghusto sa ilang kalapasan sa plant-level sulod sa lima ka adlaw human ang inspeksyon.

Siya nidugang nga kon ang tagi-iya dili mosumite sa ilang kaugalingon ngadto sa usa ka imbestigasyon, sila pakaingnon nga nisalikway sa ilang katungod sa pagpresentar ug ebidensiya nga mosupak sa hukom sa labor inspector ug moduso ug motion for reconsideration.

Ang DOLE-7 adunay katuyoan nga mo-inspeksyon ug 6,000 nga mga negosyo sa rehiyon niining tuiga.

Lakip sa mga establisimento nga giinspeksyon mao ang manpower services, security agencies, manufacturing companies, food establishment ug service providers. (PIA 7/mbcn/Angie P. Amodia-CTU)

  

==========

Publiko gimandoan sa pagbutang sa national colors sa Philippine Flag Days

CEBU CITY, May 26 (PIA) --- Ang presidential spokesperson Edwin Lacierda miawhag sa publiko sa pagbutang sa mga national colors sa Philippine Flag days sugod Mayo 28 hangtud Hunyo 12. Dinhi sa siyudad sa Sugbo, ang lokal nga pangagamhanan mipagawas ug usa ka memorandum nga nag-awhag sa tanang mga publikong lugar, bilding, eskwelahan, mga sakyanan, kabalayan ug mga establisamento sa pagbutang o pagpakayab sa Philippine flag. Matud pa ni Cebu City mayor Michael Rama, ang pagpakayab sa atong bandila, usa ka mahinungdanon nga kalihokan aron atong mapakita ang atong pagtahod sa atong kagawasan ug pag-ila nga kita Filipino.  Kini usab kabahin sa pagsaulog sa Battle of Alapan sa Mayo 28, 1898 diin ang national flag unang nabalik pinaagi sa pagsukol nga gipanguluhan ni General Emilio Aguinaldo sa Imus, Cavite ug diin nahuman sa June 12 diin ang Philippine flag unang giwagayway nga gisundan ug proklamasyon sa independence sa Kawit, Cavite. Ang tanang katawhan sa Pilipinas gidani sa pagbutang sa national colors sa ilang mga kabalayan, trabahoan, eskwelahan, mga publikong edepisiyo ug mga plaza apil na usab ang mga embahada. Dugang ni Lacierda nga unta magsilbi ang atuang bandila isip simbolo sa pakighiusa natong tanan paingon sa kauswagan. Panahon na aron ato kining ilhon ug magbuhat kita ug nasud nga bililhon alang sa tanang Pilipino.(PIA-7/mbcn/Ailene G. Limutan, CTU)

=========

City hall mipasalig nga walay raw garbage nga gilabay didto sa Barangay Guba

CEBU CITY, May 27 (PIA) --- Ang mga opisyales sa siyudad sa Sugbu mipasalig ngadto sa mga residente sa Barangay Guba nga ang ilang mga tinubdan sa tubig dili maapektohan sa paglabay ngadto sa ilang lugar sa mga 'preprocessed wastes' nga giandam alang sa composting didto sa gipanag-iya nga yuta sa siyudad nga nahimutang sa Sitio Cabites.

Si Engr. Randy Navarro, ang nangulo sa Inayawan Sanitary Landfill miingon nga ang Department of Environment and Natural Resources (DENR) mihatag sa kagamhanan ug “go signal” sa pagpadayon sa plano nga composting ngadto sa mga pre-processed wastes.

Si Regional Solid Waste Management Coordinator Amancio S. Dongcoy sa Environment Management Bureau miangkon nga iyang gitugotan ang siyudad apan iyang giklaro nga kadto lamang mga hapit na malata nga mga basura ang mamahimong ibutang didto aron dili kini makadaot sa kalikopan.

Matud ni Dongcoy, ang mga hapit na malata nga mga basura lamang unta ang angayang ibutang ngdto sa lugar ug dili maglakip sa mga wala pa nalata nga maoy nakapagrabe sa reklamo sa mga residente.

Gibutyag usab ni Dongcoy nga adunay nahitabong dili-maayong pagpakighinabi tali kaniya ug sa gobyerno sa siyudad.

Gihimakak hinuon sa mayor sa siyudad sa Sugbu Micheal Rama ang pamahayag ni Dongcoy ug miingon nga walay gilakip nga mga wala pa malata nga mga basura nga gibutang didto sa Barangay Guba ug mga pre-processed waste lamang ang gidala sa lugar aron andamon alang sa pagproseso niini.

Gibarogan usab ni Dongcoy ang una niyang pamahayag human miingon nga ang mga partially decomposed waste dili mobaho ug dili makaapekto sa tinubdan sa tubig nga maoy nag-unang hinungdan sa mga reklamo sa mga residente.

Ang 18 ka ektarya gikan sa kinatibuk-ang 27 ka ektarya nga gipanag-iya sa siyudad sa Sugbu didito sa Barangay Guba maoy girekomenda isip compost site tungod kay dili kini mapahiluna ngadto sa landfill sa siyudad.(PIA-7/mbcn/Maryknoll B. Lague CTU)

=========

Balaod nga mokunsidera sa mga elected execs sa pag-resign kung modagan sa eleksyon

CEBU CITY, May 27 (PIA) --- Ang House committee sa suffrage ug electoral reforms miaproba ug balaodnon mahitungod sa pagkonsidera sa mga napili nga opisyales sa publiko labot na ang presidente ug bise-presidente sa pagbiya sa opisina diha sa pag-file sa ilang certificates of candidacy (CoCs) alang sa eleksyon. Ang San Juan Rep. JV Ejercito, awtor sa House Bill No. 2877, o An Act Declaring An Elective Official IPSO Facto Resigned From His Office Upon The Filing of His Certificate of Candidacy, miingon nga giaprubahan kini sa committee niadtong Mayo 24. Ang report nga wala pa napagawas isumiti ngadto sa committee sa iskedyul alang sa plenary deliberations. Ang kini nga pagsukod planong pagwagtang sa ubang mga seksyon sa Republic Act no. 9006 o ilado sa laing tawag nga Fair Elections Practices Act, aron bisan kinsa sa mga elective official nga mudagan sa bisan unsa nga public office ikonsidera isip ipso facto sa pag-undang sa iyang opisina sa pag-file sa CoCs. Dugang ni Ejercito, sa pagpatuman niini, ang konstitusyonal nga pagproklamar sa tanang mga publikong opisyales sa pag-alagad sa tanang taw nga anaay dakong salig ug ang doktrina nga ang public office kasaligan ug preserved ug katahuran. (PIA-7/mbcn/Ailene G. Limutan, CTU)

=========

Palasyo miangkon nga kinahanglan pa ug dugang seguridad alang sa kadagatan sa nasud

CENTRAL VISAYAS, May 26 (PIA) --- Ang Malacañang miangkon nga ang nasud adunay dakong problema kabahin sa pagprotihir sa mga kadagatan ug sa mga rekurso sa  nasud batok sa mga iligal nga mananagat nga buot moguba sa mga nilalang ilawom sa kadagatan.

Si Edwin Lacierda, ang tigpamaba sa presidente ang mihimo sa pamahayag kabahin niini niadtong Miyerkules sa hapon, usa ka adlaw human ang Bureau of Fisheries and Aquatic Resources(BFAR) namahayag nga ang mga coral reefs nga gikaduha ang gidak-on sa Manila ang napukan tungod sa iligal nga mga binuhatan.

“We have a problem in protecting our archipelagic waters. That is a concern of us”. (Aduna kita'y dakong problema sa pag-protihir sa kadagatan sa kapulo-an.  Mao kini atong gi-atubang.) Kini matud ni Lacierda atol sa news briefing nga gipahigayon didto sa palasyo.

Gisaad hinuon ni Lacierda nga ang gobyerno nangita na ug pamaagi alang sa pagpatuman ug mas hugot nga seguridad nga itagana sa kinatibuk-ang kadagatan sa nasud.(PIA-7/mbcn/Maryknoll B. Lague CTU)