Kongreso miuyon sa balaodnon nga moprotekta sa mga kabataan nga anaa sulod sa armadong kagubot

MANILA,  May 30 (PIA) --- Ang House of Representatives miaprubar na sa ikatulo ug katapusang pagbasa sa usa ka balaodnon "criminalizing" sa paggamit sa mga kabataan nga mga protagonista sulod sa mga lugar nga adunay kagubot.

Marikina Rep. Marcelino Teodor, awtor sa Bill 4480 miingon nga ang kining pag-recruit ug paggamit sa mga kabataan sa kagubot nagdili ubos niini nga balaudnon.

 Miingon usab si Teodoro nga ang kini nga balaodnon modakup sa  mga responsable sa paglapas sa katungod sa mga kabataan.

Ang mga binuhatan nga dili tugotan maglangkub sa pagpatay, pagpasakit, intentional or casual maiming, lugos, pagdagit, paggamit sa kabataan isip human sheild, pagdagmal, dili makatawhon ug ubos nga pagtrato o pagsilot sa mga kabataan.

Ang ubang mga molapas sa balaodnon mao ang pag-recruit sa mga bata sa mga military, kapulisan ug ubang armed groups.

Si Teodoro miingon nga ang maong balaodnon mopugong sa mga operasyon sa military duol sa eskwelahan, mga lugar susama sa simbahan, ug ubang mga publikong mga lugar diin ang mga kabataan kanunay'ng makit-an.

Gidili usab ang hamleting, food bloackade, tinuyo nga pagdugay sa pagbalita sa kustodiya sa bata, sayop nga pagbalita ug false branding sa mga bata.

Ang kini nga balaodnon mopahamtang ug silot nga pagkapriso sulod sa unom ka tuig ug labaw ug pagbayad ug tunga sa milyon hangtud P2 million sa mga mulapas sa balaodnon.

Si Teodoro miingon nga ang pagpanalipod sa mga bata sa dautang buhat usa sa importante nga aspeto sa bisan unsa nga pamaagi sa pagsulbad sa kagubot.

Si Deputy Speaker Maria Isabelle Climaco, co-author sa Bill 4480 miingon nga ang Pilipinas anaay kaagi niining kagubot sa mga armado ug ang kinabuhi sa mga batang Pilipino ang dakong maapektuhan.

Ang katungod niining mga kabataan nalapas gayud ug wala napanumbalingi. Daghan sa mga bata ang nagpadayung biktima sa pagpatay, maiming, lugos ug uban pang mga bayolente nga binuhatan.

Ang ubang co-authors ubos niini nga balaudnon maglabut nila ni Representatives Josephine Veronique Lacson-Noel sa Malabon, Lani Mercado-Revilla sa Cavite, ug Leopoldo Bataoil sa Pangasinan. (PIA-7/mbcn/Ailene G. Limutan)

============

PNP miduso ug fiscal reforms nga makabenepisyo sa mga moretirong pulis

MANILA, May 30 (PIA) --- Sa average nga 2,500 ka mga ginsakupan sa mga kapulisan nga moetiro sa serbisyo kada tuig, ang Philippine National Police (PNP) miduso ug fiscal reforms aron pagsiguro nga ang mga kapulisan nga moretiro makadawat sa ilang mga benepisyo sa igong panahon sa pag-undang nila sa serbisyo.

PNP chief Raul M. Bacalzo sa miaging Biyernes, personal nga gihatag ang mga tseke nga mikantidad ug P18.82M nga nagpakita sa commutation of accrued leave ug lump sum retirement pay sa disi-sais (16) ka mga miretirong mga pulis.

Ang fiscal reform sa PNP apil sa Integrated Transformation Program and Performance Government System sa organisasyon.

Bag-ohay niining tuiga, si Bacalzo mi-isyu ug PNP Memorandum Circular No. 2011-007 nga mipakita sa “Guidelines and Procedures in the Retirment Claims and Benefits due to PNP Uniformed Personel and other Retirement Activities”.

Ang chief PNP miingon nga kini nga palisiya resulta sa dali nga pagpagawas sa mga benepisyo sa PNP uniformed personnel.

PNP spokesman Agrimero Cruz, Jr. midugang nga ang fiscal reforms sa epektibo ug klaro nga paggamit sa mga financial resources migiya sa PNP sa mas dakong financial flexibility sa paghupot sa mga resources ug mga obligasyon nga moabot sa prior claims, salaries ug allowances ug retirement benefits.

Sa kasamtangan, si PNP Director sa Comptrollership Rey Lañada miingon ang iyang opisina midawat ug 49 disbursement vouchers gikan sa mga miretiro.

Si Lañada hinuon miingon nga maghuwat pa sila sa pagpagawas sa pundo gikan sa Department of Budget and Management (DBM) aron pagbayad sa mga retirement benefits sa ubang mga kapulisan nga muretiro usab sa serbisyo karong buwana.

Aside sa fiscal reforms, ang PNP mipatuman usab ug Project “Kalinga” alang sa mga miretiro ug mihawa nga mgs ginsakupan.

Ang maong proyekto maglangkub ug “Salamat Kapatid Program” aron paghatag ug honor sa mga angayang miretiro nga mga pulis. (PIA-7/mbcn/Ailene G. Limutan)

===========

Palasyo miisyu ug bag-ong mga lagda kabahin sa pagpamalit ug mga sakyanan sa gobyerno

MANILA, May 30 (PIA)--- Si Presidente Benigno Aquino III mitugyan sa awtoridad kabahin sa pag-aproba sa pagbaton ug mga sakyanan sa gobyerno ngadto sa mga kalihim sa Gabinete ug sa Department of the Interior and Local Government (DILG) alang sa pag-aproba sa pagpalit sa mga lokal nga pangagamhanan.

Kini ubos sa bag-ong lagda nga nagtinguha sa pagreporma sa mga operasyon sagobyerno samtang nagpromot ug katungdanan sa publiko.

Matod ni Executive Secretary Paquito N. Ochoa Jr. nga ang Presidente mipirma sa Administrative Order No.15 niadtong Mayo 25, 2011 aron pagbalhin sa maong awtoridad gikan sa Office of the President (OP) ngadto sa espisipik nga ahensiya sa gobyerno ug ang pagbalik sa mga polisiya kabahin sa pagdili sa pagbaton ug mga mamahalong mga sakyanan.

Patin-aw pa ni Ochoa nga ang ilang tinguha sa paghatag sa maong awtoridad mao ang pagbalhin niini ngadto sa saktong posisyon sa pagsuta kon ang hangyo sa mga ahensiya sa pagpalit ug mga sakyanan makataronganon ba.

Dugang pa niya nga sa sulod sa napulo ka buwan, sila nakasuta nga kinahanglan decentralize ang mga pamaagi tungod adunay daghang mga papeles nga kinahanglang aprobahan sa Malacanang bisan pa man ang opisina dili ang saktong opisina nga maoy moproseso sa maong mga hangyo.

Matod ni Ochoa nga ang AO 15 nagmando usab sa tanang mga opisina sa gobyerno sa pagtaho sa tanan nilang mga yunit sa sakyanan ug buyon sa pagmugna ug diposal program sa tanang mga mamahalong mga sakyanan, kon diin kini isumitir ngadto sa Department of Budget and Management (DMB) sulod sa unom ka buwan.

Ubos sa bag-ong lagda, ang DBM adunay awtoridad sa pag-evaluate sa mga hangyo ug ang girekomendar nga pagbaton ug mga sakyanan sa mga departamento ug mga ahensiya, lakip na niini ang mga gipanag-iya sa gobyerno ug gikontrolar nga mga korporasyon ug mga pinansyal nga institusyon sa gobyerno.

Ang mga plano sa mga lokal nga pangagamhanan kabahin sa paghupot ug mga sakyanan kinahanglang aprobahan sa DILG imbes sa Office of the President.

Alang sa mga “specific-purpose vehicles” sama sa mga ambulansiya, pangmilitar ug kapolisan nga mga patrol, fire trucks ug cargo equipment, ang mga local executives mamahimong aprobahan ang pagpalit sa mga matang nga mga sakyanan kon ang pondo magagikan sa ilang kaugalingong panudlanan.

Ang mga lokal nga pangagamhanan nga gustong mopalit ug mga sakyanan gamit ang pondo sa nasyunal nga pangagamhanan,  kinahanglang maaprobahan pa gikan sa DBM.

Alang sa mga motor vehicles sa ubang mga opisina ug mga ahensiya sa gobyerno nga wala malabot sa AO, ebalwasyon ug rekomendasyon ang buhaton sa DBM ug ang pagaproba niini sa OP.

Ang AO 15 nag-amenda sa AO 233 niadtong Agosto 1, 2008 nga nagmando sa pagpamalit ug ang paggamit sa mga mahalong mga sakyanan sa mga ahensiya sa gobyerno alang sa ilang mga operasyon.

Kini gipangusgan pa ubos sa Memorandum Order No. 9 nga giisyu niadtong Desyembre 2010 nga dili sa pagbaton ug high-end nga mga sakyanan ug sports utility vehicles (SUVs). (PIA-7mbcn/Chrisley Ann C. Hinayas)

============

Senate leader nitawag ug national policy alang sa mga out-of-school youth

CENTRAL VISAYAS, May 30 (PIA)---Si Senate Minority Leader Alan Peter Cayetano nitawag ug national strategy aron pagtubag sa problema sa liboan ka mga bata nga wala maka-eskwela. 

Ang senador nagkanayon nga duha nalang ka semana gikan sa pagbukas sa klase ug adunay dul-an usa ka milyon nga mga school-age nga mga kabataan nga dili makakuha ug primary nga edukasyon tungod sa grabe nga kakabus o sila natanggong sa mga mga lugar  nga adunay giyera o kagubot.

Siya nibutyag nga ang mga schoolchildren sa mga lugar nga adunay giyera gikinahanglan nga mobiya sa pag-eskwela tungod kay ang ilang tunghaan gihimo nga mga kampo alang sa mga katawhan nga nahisalaag tungod sa giyera (internally-displaced persons). 

Siya niingon nga ang ilang panginahanglan sa edukasyon angayan nga iprayoridad sa kagamhanan gawas sa peace talks sa Moro Islamic Liberation Front.

Siya nipunting sa tala sa United Nations Educational, Scientific and Cultural Organization (Unesco) nga niila sa Pilipinas nga adunay mokabat ug usa ka milyon nga out-of-school-youths.

Si Cayetano nibutyag nga ang report sa UNESCO tipik lamang sa tinuod nga sitwasyon sa nasud. Wala kini naglakip sa mga tinun-an nga nidrop-out sa high school ug college ug 2.4M nga mga child laborers sa nasud kinsa natanggong sa inabusong sitwasyon.

Ang senador nagkanayon nga ang libreng elementarya ug high school dili paigo. Iyang gibutyag nga katungdanan sa kagamhanan mga momugna ug palisiya sa pagsiguro nga nga mga kabos nga mga kabataan maka eskewela ug makahuman sa ilang pagtuon ngadto na sa college level.(PIA 7/mbcn/Angie P. Amodia)

Sekretarya sa edukasyon nidayeg sa NegOr state university sa pagprodyus sa exam topnotcher

DUMAGUETE CITY, May 30 (PIA)---Si Education Secretary Armin A. Luistro nidayeg sa Negros Oriental State University sa Dumaguete City, Negros Oriental sa pagprodyus sa topnotcher sa 2010 National Qualifying Examination for Principals (NQEP).

Si Luistro, sa Department of Education (DepEd) memorandum, ni-congratulate ni Bemar D. Torres kinsa nanguna sa NQEP nga adunay 99.99% nga rating.

Si NORSU Information Officer Joy Perez nagkanayon nga si Torres gradwado sa NORSU Bais City Campus sa 2001.

Si Perez nibutyag nga adunay 9,778 nga examinees ang nikuha sa NQEP apan 994 lamang ang nipasar sa eksam o 9.5 porsyento sa tanang examinees.

Ang 2010 NQEP gipahgayon niadtong Enero 23, 2011 sa tibuok nasud. (PIA 7/mbcn/Angie P. Amodia)

===========

Mga langyaw kinahanglan mokuha ug visa aron makatungha sa Pinas- Immigration Bureau

MANILA, May 4 (PIA)---Ang Bureau of Immigration mipahimangno sa mga langyaw nga gustong moeskwela sa Pilipinas nga mokuha ug visa o study permit gikan sa buhatan sa dili pa mo-enrol sa bisan asa nga tunghaan sa nasud.

Si Immigration Commissioner Ricardo David Jr. miisyu ug usa ka pamahayag nga nagkanayon nga pipila sa mga tunghaan mo-abli na sa klase karong Hunyo 6.

Gidahuman sa buhatan nga adunay gatosan ka mga langyaw nga mga magtutungha ang moadto sa main office sa BI aron mokuha sa ilang mg student visas. 

Gipahimangnoan usab ni David ang mga tunghaan sa di pagtugot sa mga langyaw sa pag-enrol  kon dili kini makakuha ug mga kinahanglang mga visas o mga study permits gikan sa BI student desk.

Dugang pa ni BI chief nga kinahanglan akreditado o awtorisado ang mga tunghaan sa BI sa dili pa kini modawat ug mga langyaw nga mga tinun-an, kon dili, ang tunghaan makamulta tungod sa paglapas sa mga regulasyon sa buhatan.

Ang mga balaod sa buhatan nag-require sa mga langyaw sa pagkuha ug student visa aron sila makaenrol sa mga kolehiyo ug unibersidad sa Pilipinas. 

Si Lawyer Grace Lara, ang chief of the student desk, miingon nga kadtong gustong moenrol sa elementarya ug mga sekondaryang tunghaan o kadto gusto mokuha ug mga special courses sama sa language tutorials kinahanglan mo-aplay ug special study permit (SSP).

  

Ang BI student desks nagproseso ug nagbalido sa mga aplikasyon alang sa mga student visas ug mga SSP ug ipasa kini sa office of the commissioner alang sa iyang pagaproba.

Ang aplikante sa student visa kinahanglan 18 anyos ug kinahanglan mosumitir ug notice of acceptance gikan sa iyang tunghaan kinsa moisyu usab ug written endorsement aron pag-ilis sa status sa aplikante nga pinirmahan sa registrar sa tunghaan. 

  

Ang aplikante kinahanglan mosumitir ug medical certificate gikan sa medical institution sa gobyerno nga moasoy nga ang aplikante walay bisan unsa nga peligroso, makatakod nga sakit ug maayo ang pangutok niini.

Kinahanglan kini mosumitir ug mga clearances gikan sa National Intelligence Coordinating Agency (NICA) ug BI.

Ang aplikante sa SSP kinahanglan mosumitir ug certificate of acceptance nga giisyu sa iyang tunghaan nga giubanan sa mga clearance gikan sa NICA ug BI.

Sa susamang kaso, ang mga aplikante kinahanglan mopresentar sa ilang pasaporte nga mopakita nga ang ilang pagpuyo sa nasud 'updated'.

  

Gipahimangnoan ni David ang mga aplikante alang sa student permit sa pagsusi sa mga bayranan ngadto sa mga kahira sa BI ug ang pagbayad sa SSP application ngadto aron paglikay sa mga manlimbongay ug mga pikser. (PIA-7/mbcn/Chrisley Ann C. Hinayas)

===========

Birth Certificate dili himoon nga requirement alang sa pagpa-enrol

(Mahimo ra kining i-sumite sa laing higayon)

CEBU CITY, May 30 (PIA)---Ang Department of Education (DepEd) nipahibawo nga ang National Statistics Office (NSO)-authenticated birth certificate dili himoon nga requirement alang sa pagpa-enrol sa mga preschool ug elementarya nga mga tinun-an.

 

Sumala sa DepEd-7 Assistant Director nga si Carmelita Dulangon, ang NSO-authenticated birth certificate sa mga tinun-an mamahimo ra nga isumite sa tung-tunga na sa tuig.

Ang DepEd usab nipabug-at sa “No Collection Policy”. Si Dulangon nagkanayon nga walay gimando nga pagpangolekta ug mga bayranan.

Mga bayranan alang Boy Scout of the Philippines ug Girl Scout of the Philippines, Red Cross, Anti-Tuberculosis (TB) Fund ug Parents-Teacher Association kolektahon unya pa sa tunga-tunga sa klase.

Matud ni Dulangon nga sa DepEd Order No. 65, walay bayranan nga kolektahon gikan sa mga tinun-an sa preschool hangtod sa Grade 6 atol sa enrolment period.

Base sa maong mando, ang pagkolekta sa mga bayranan sa mga tinun-an lapas sa Grade 6 magsugod sa ikaduhang buwan sa school year ug “only on a voluntary basis”. (PIA 7/mbcn/Angie P. Amodia)

===========

BoI morekomenda ug mas taas nga termino sa IPP

CEBU CITY, May 30 (PIA) --- Ang Board of Investments (BoI) morekomenda nga ang Investment Priorities Plan (IPP), ang lista sa prayoridad sa mga kalihokan sa ekonomiya nga kuhaan ug buhis sa pangagamhanan ug fiscal incentives, kinahanglang anaay mas taas nga termino susama sa duha ka tuig kaysa sa usa ka tuig lamang diin giingong ang mga lista sa prayoridad dili man mausab sulod sa usa ka tuig.

BoI managing head Cristino l. Panlilio miingon sa mga tigbalita nga nangandam siya ug memorandum request aron karong tuiga nga IPP epektibo hangtud 2012.

                     

Dugang ni Panlilio, wala kitay nakit-ang kausaban sa mga prayoridad sa ekonomiya sulod sa usa ka tuig. Hinuon pud, anaa nata sa tunga-tunga sa 2012.

Matud ni Panlilio, ang Cabinet miaprubar na sa 2011 IPP apan si Presidente Aquino wala pa mopirma sa Executive Order.

Ang IPP makumpleto na unta sayosa Marso.

Ang IPP karong tuiga milista ug onse (11) ka mga prayoridad sa sektor nga maghinlabot sa agrikultura/agribusiness ug fishery, creative nga industriya, shipbuilding, mass housing, energy, imprastraktura, research ug development, mga green nga proyekto, turismo, strategic projects ug proyekto ubos sa Public-Private Partnerships nga programa.

Ang mga proyekto nga ubos niini nga mga sektor kuhaan ug buhis ug fiscal incentives, labot na ang income tax holiday incentives sa pangagamhanan base sa epekto sa domestic economy.

Sa miaging semana, si Panlilio miingon nga ang BoI miaprubar sa general guidelines sa 2011 IPP bisan pa man ang specific guidelines alang sa sektor sa mass housing wala pa mahiluna.

Si Panlilio miingon nga ang DTI, ang Department of Finance ug ang opisina sa bise-presidente si Jejomar Binay wala pa masabutan ang presyo sa ceiling per unit alang sa mass housing nga proyekto nga madawat alang sa mga insentibo.

Ang mass housing nga proyekto nga miuyon sa kriterya kuhaan ug upat ka tuig nga income tax holiday incentives katong anaa sa National Capital Region ug tulo ka tuig katong anaa sa gawas sa NCR.

Si Binay nangusog nga ang presyo sa ceiling kada unit kinahanglang P3million samtang ang posisyon sa DoF ipaubos ngadto sa P2million kada unit.

Ang BoI mipresentar ug komprimiso sa P2.5 million price cap.  (PIA-7/mbcn/Ailene G. Limutan)

===========

DepEd mihimangno sa publiko kabahin sa "no collection policy" sa mga tunghaan

CENTRAL VISAYAS, May 30 (PIA)---Ang Department of Education (DepEd) sa rehiyon 7 mibalik paghimangno sa ilang “no collection policy" sa tanang mga pampublikong mga tunghaan atol sa pag-abli sa klase karong Hunyo 6.

Si DepEd Assistant Regional Director Teresita Velasco mianunsyo nga ang “no collection policy” padayon gihapong gipatuman sa tanang pampublikong tunghaan, kini atol sa usa ka interbyu sa radyo kaniya.

Matod niya nga gikan sa preschool ngadto sa ikaupat nga grado, walay koleksyon nga pangayuon ang tunghaan alang sa tibook tuig.

Apan adunay koleksiyon na alang sa anaa sa taas nga lebel karong Hulyo nga maglakip sa boluntaryo nga kontribusyon alang sa mga organisasyon sama sa Philippine Red Cross, Boy Scouts ug Girl scouts, Anti-TB ug Parents Teachers Community Association (PTCA), dugang pa ni Velasco.

Nagkanayon si Velasco nga gusto balikon sa buhatan nga sila estriktong miimplementar sa "no collection policy" sa tanang mga pampublikong mga tunghaan sa tibook nasud ug ang koleksiyon nga nasabotan sa PTCA, bolunatryo lang kini uu ang tanang maestra ug mga opisyales sa tunghaan kinahanglan dili makiglabot sa maong koleksiyon. (PIA-7/mbcn/Chrisley Ann C. Hinayas)

============

Lima ka bilyon nga mga tinun-an motanom ug 1.5B nga mga kahoy'

CENTRAL VISAYAS, May 30 (PIA)---Ang Department of Environment and Natural Resources (DENR) dinhi sa Central Visayas mipadayag sa ilang pagsuporta sa nasyonal nga plano sa administrasyong Aquino sa pagpananum sa kahoy sa tibuok nasid.

Matud pa sa DENR kapin sa lima ka milyon nga mga magtutungha sa tibuok nasud ang motabang aron ma-implementar ang plano sa gobyerno sa paghimo sa nasud nga "greener place".

Isip tipik sa National Greening Program sa gobyerno, ang mga magtutungha, mga opisyales ug mga lider sa mga komunidad sa 42 mil ka mga kabaranggayan, gitu-ohang motanom ug 1.5B nga mga kahoy sa 1.5 ka ektarya nga upaw nga mga lugar sa tibook nasud sugod karong tuiga hangtod 2016.

Ang mga tinun-an nga anaa sa ikalima ug ikaunom nga grado ug mga tinun-an sa sekondarya mopunting sa mga upaw nga mga lugar samtang ang anaa sa elementarya mosuporta sa kalihokan sa nursery, kini matod sa DENR.

Si Environment and Natural Resources Secretary Ramon Paje miingon nga si Agriculture Secretary Proceso Alcala iorganisa usab ang mga kawani sa Bureau of Soils and Water Management sa tanang rehiyon aron mosuporta sa pagpaimplementar sa plano.

Matod ni Paje nga ang maong programa usa usab ka pangekonomiko nga programa nga buyon sa tinguha sa nasud sa pagkab-ot ug seguridad sa pagkaon ug pagpakunhod sa kawad-on. (PIA-7/mbcn/Chrisley Ann C. Hinayas)

===========

Pagdili sa Pagpanigarilyo sa pampublikong lugar, ipatuman sugod karong adlawa

CEBU CITY, May 30 (PIA) --- Pagasugdan sa mga autoridad  karong adlawa ang hugot nga pagpatuman sa Anti-Smoking Law sa mga pampublikong lugar ubos sa probisyon sa Tobacco Regulation Act of 2003, pagdili sa Land Trasportation Franchising and Regulatory Board (LTFRB) ug uban pang mga susamang lokal nga ordinansya.

Base sa lagda sa LTFRB, gidili niini ang pagpanigarilyo sa mga pampublikong sakyanan o PUJ sa mga dagko ug gagmayng mga pampublikong kalsada.

Matud sa Metro Manila Development Authority (MMDA) Chairman, aduna pay mga dili klarong probisyon sa maong regulasyon sama sa sitwasyon nga kung ang usa motorista manigarilyo sulod sa ilang pribadong sakyanan, apan giklaro nga niining maong kaso, kini mamahimong ibase sa local nga ordinansa sa lugar kung diin kini nasakpan nga nanigarilyo.

Ang mga masakpan nga nanigarilyo pamultahon ug P500 sa unang higayon, ug kung dili makabayad kinahanglang mohatag ug walo ka oras nga serbisyo sa komunidad.(PIA-7/mbcn/Maryknoll B. Lague)

===========

Kagamhanan pahingusgan ang palisiya sa seguridad sa enerhiya sa nasud

CENTRAL VISAYAS, May 30 (PIA)---Ang administrasyong Aquino manlimbasug aron pagsiguro sa energy security ug ang pag-saka sa self-sufficiency level sa nasud pinaagi sa pagbugtaw sa mga palisiya nga naglakip sa pagpauswag sa energy efficiency and conservation (EEC) sa publiko ug pribado nga sektor.

Si Department of Energy (DoE) Visayas Director Antonio Labios mipalutaw sa importansya sa katuyoan sa maong palisiya atol sa bag-ohay nga national training-workshop on energy efficiency and conservation alang sa komersiyal, industry ug pribadong nga sektor.

Si Labios nagkanayon nga si Secretary Jose Rene Almendras nipatigbabaw sa panginahanglan alang sa promosyon sa energy efficient nga mga kalihokan, diin ang DoE chief nanghinaut nga makadaginot ug energy consumption nga 20 porsyento sa mga panimalay ug 25 porsyento sa mga industriya.

Si Labios niingon nga sa pahayag sa ilang Secretary, ang DoE mopahingusug sa pagpatuman sa EEC nga programa sa nasud.

Gawas sa palisiya sa EEC, si Labios nibutyag nga ang kagamhanan mopadali sa eksplorasyon ug pagpalambo sa indigenous energy sources ug pagpahingusog sa pagpalambo ug paggamit sa renewable energy ug environment-friendly nga alternatibo nga kakuhaan ug enerhiya ug teknolohiya.

Siya nagkanayon nga ang kagamhanan mopadayon sa pagpatuman ug reporma sa mga power sector, downstream oil ug gas industries.

Ang kagamhanan nagtinguha nga isaka ang energy self-sufficiency level sa nasud gikan sa 58.9 porsyento sa 2009 ngadto sa kapin 60 porsyento niining tuiga.

Si Labios niingon sa mga nisalmot sa workshop nga nagrepresenta sa lain-laing power industry ug consumer sector nga ang ilang suporta mahinungdanon nga kapasikaran aron sa katumanan sa energy security ug sufficiency goal sa kagamhanan.

Ang training-workshop kabahin sa kinatibuk-ang EEC advocacy campaign sa DoE. (PIA 7/mbcn/Angie P. Amodia)

==========
DILG niawhag sa mga mayor sa nasud sa pagpahigayon ug inspeksyon sa mga tunghaan sa ilang lugar

CENTRAL VISAYAS, May 30 (PIA)---Si Interior and Local Government Secretary Jesse Rebrado niawhag sa mga mayor sa tibuok nasud sa pag-inspek sa mga tunghaan sa ilang tagsa-tagsa ka lugar aron pagsiguro sa seguridad sa mga tinun-an sa pagsugod sa klase sa Hunyo 6.

Kapin sa 20M ka mga tinun-an ang gituhoan nga modagsa sa 38,351 nga publikong tunghaan sa elementary ug 7,274 nga publikong tunghaan sa sekondarya sa tibuok nasud.

Si Robredo nagkanayon nga sila isip pangulo sa ilang local school board, ang mga mayor kinahanglan makigtambayayong sa lokal nga DepEd ug ubang miyembro sa Oplan Balik Eskwela (OBE) Inter-Agency Task Force aron paghimo sa mga gikinahanglan nga pagpangandam alang sa hapsay ug malinawon nga unang adlaw sa mga tinun-an.

Ang DILG Secretary niabiso sa local chief executives sa pagmobilisar sa sa pwersa aron pagtabang sa Philippine National Police sa pagmintina sa kahapsay ug kalinaw ug publikong seguridad.

Usab, iyang giawhag ang mga mayor sa pagpasiugda sa pagpahigayon ug local government-wide information drive aron pagdasig sa mga ginikanan sa pagpa-enroll sa ilang mga anak.

Si Robredo niisyu sa mando isip suporta sa OBE, usa ka proyekto nga gipangulohan sa DepEd uban sa suporta sa ubang hingtungdan nga ahensya sa kagamhanan aron pagsiguro sa hapsay nga pag-abli sa klase.

Iyang giawhag ang mga gobernador sa mga probinsya, mga mayor sa siyudad ug munisipyo, ug mga barangay captain sa pagmonitor sa presyo sa mga school supplies ug pagbuhat sa kinahanglan nga lakang sa pagtubag sa wala gikinahanglan nga pagsaka sa mga presyo. (PIA 7/mbcn/Angie P. Amodia)

============

Kagamhanan pahingusgan ang palisiya sa seguridad sa enerhiya sa nasud

CENTRAL VISAYAS, May 30 (PIA)---Ang administrasyong Aquino manlimbasug aron pagsiguro sa energy security ug ang pag-saka sa self-sufficiency level sa nasud pinaagi sa pagbugtaw sa mga palisiya nga naglakip sa pagpauswag sa energy efficiency and conservation (EEC) sa publiko ug pribado nga sektor.

Si Department of Energy (DoE) Visayas Director Antonio Labios mipalutaw sa importansya sa katuyoan sa maong palisiya atol sa bag-ohay nga national training-workshop on energy efficiency and conservation alang sa komersiyal, industry ug pribadong nga sektor.

Si Labios nagkanayon nga si Secretary Jose Rene Almendras nipatigbabaw sa panginahanglan alang sa promosyon sa energy efficient nga mga kalihokan, diin ang DoE chief nanghinaut nga makadaginot ug energy consumption nga 20 porsyento sa mga panimalay ug 25 porsyento sa mga industriya.

Si Labios niingon nga sa pahayag sa ilang Secretary, ang DoE mopahingusug sa pagpatuman sa EEC nga programa sa nasud.

Gawas sa palisiya sa EEC, si Labios nibutyag nga ang kagamhanan mopadali sa eksplorasyon ug pagpalambo sa indigenous energy sources ug pagpahingusog sa pagpalambo ug paggamit sa renewable energy ug environment-friendly nga alternatibo nga kakuhaan ug enerhiya ug teknolohiya.

Siya nagkanayon nga ang kagamhanan mopadayon sa pagpatuman ug reporma sa mga power sector, downstream oil ug gas industries.

Ang kagamhanan nagtinguha nga isaka ang energy self-sufficiency level sa nasud gikan sa 58.9 porsyento sa 2009 ngadto sa kapin 60 porsyento niining tuiga.

Si Labios niingon sa mga nisalmot sa workshop nga nagrepresenta sa lain-laing power industry ug consumer sector nga ang ilang suporta mahinungdanon nga kapasikaran aron sa katumanan sa energy security ug sufficiency goal sa kagamhanan.

Ang training-workshop kabahin sa kinatibuk-ang EEC advocacy campaign sa DoE. (PIA 7/mbcn/Angie P. Amodia)

===========

DILG niawhag sa mga mayor sa nasud sa pagpahigayon ug inspeksyon sa mga tunghaan sa ilang lugar

CENTRAL VISAYAS, May 30 (PIA)---Si Interior and Local Government Secretary Jesse Rebrado niawhag sa mga mayor sa tibuok nasud sa pag-inspek sa mga tunghaan sa ilang tagsa-tagsa ka lugar aron pagsiguro sa seguridad sa mga tinun-an sa pagsugod sa klase sa Hunyo 6.

Kapin sa 20M ka mga tinun-an ang gituhoan nga modagsa sa 38,351 nga publikong tunghaan sa elementary ug 7,274 nga publikong tunghaan sa sekondarya sa tibuok nasud.

Si Robredo nagkanayon nga sila isip pangulo sa ilang local school board, ang mga mayor kinahanglan makigtambayayong sa lokal nga DepEd ug ubang miyembro sa Oplan Balik Eskwela (OBE) Inter-Agency Task Force aron paghimo sa mga gikinahanglan nga pagpangandam alang sa hapsay ug malinawon nga unang adlaw sa mga tinun-an.

Ang DILG Secretary niabiso sa local chief executives sa pagmobilisar sa sa pwersa aron pagtabang sa Philippine National Police sa pagmintina sa kahapsay ug kalinaw ug publikong seguridad.

Usab, iyang giawhag ang mga mayor sa pagpasiugda sa pagpahigayon ug local government-wide information drive aron pagdasig sa mga ginikanan sa pagpa-enroll sa ilang mga anak.

Si Robredo niisyu sa mando isip suporta sa OBE, usa ka proyekto nga gipangulohan sa DepEd uban sa suporta sa ubang hingtungdan nga ahensya sa kagamhanan aron pagsiguro sa hapsay nga pag-abli sa klase.

Iyang giawhag ang mga gobernador sa mga probinsya, mga mayor sa siyudad ug munisipyo, ug mga barangay captain sa pagmonitor sa presyo sa mga school supplies ug pagbuhat sa kinahanglan nga lakang sa pagtubag sa wala gikinahanglan nga pagsaka sa mga presyo. (PIA 7/mbcn/Angie P. Amodia)

===========

Siyudad sa Sugbu nalakip sa laing duha ka siyudad sa Asya nga unang makabenepisyo sa Programa sa World Bank

CEBU CITY, May 30 (PIA) --- Isip sangkap sa gitanyag nga Bus Rapid Transport (BRT) nga sistema sa transportasyon sa siyudad sa Sugbu, ang World Bank motabang sa kagamhanan sa siyudad pinaagi sa pagpatuman ug mga programa kabahin sa pagpa-usbaw sa katakos sa pagprodyus ug elektrisidad alang sa pagtabang sa unom ka mga sector lakip na ang trasportasyon ug pagpasiga sa mga pampublikong suga sa mga kadalanan sa siyudad panahon sa kagabhion.

Ang siyudad sa Sugbu napili isip usa sa tulo ka mga siyudad nga anaa sa East Asia isip unang hugpong sa mga benipisyaryo sa programa sa World Bank nga ginganlan ug Sustainable Urban Energy Development (SUED).

Ang laing duha ka mga siyudad uban sa Sugbu mao ang siyudad sa Danang sa Vietnam ug Surabaya sa Indonesia.

Pinaagi sa tabang gikan sa Australian Agency for International Development (AusAid), and SUED nagtinguha sa pagpatuman ug mga malahutayon nga mga programa aron sa paghatag dugang katakos sa pagprodyus ug elektrisidad.

Ang maong programa gituohang dako ug matabang sa pagpakunhod sa mga greenhouse gas emissions sa siyudad kung diin sa pagkakaron mokabat sa 19,000 tons matag tuig.(PIA-7mbcn/Maryknoll B. Lague) 

==========

Mga LGU gi-manduan pagsusi sa mga tunghaaan
By Eli C. Dalumpines

CEBU CITY, May 30 (PIA) – Mimando si Interior and Local Government Secretary Jesse Robredo sa mga local nga mga ehekutibo sa pagsusi mga eskwelahan sa ilang tagsa-tagsa ka mga lugar aron pagsiguro nga hapsay ang pag-abli sa klase karong Hunyo 6.

Gitataw ni Robredo nga dunay gibana-banang kapin sa 20 milyones ka mga estudyante ang gilauman nga magpanon unya sa 38,351 ka mga pampublikong elementarya ug 7,274 ka mga pampublikong sekondarya sa nasud.

Mi-isyu ug direktiba ang kalihim pagsuporta sa “Oplan Balik Eskwela” nga gipasingunahan sa Department of Education (DepEd) inabagan usab sa uban pang mga ahensya sa kagamhanan.

Matud niya nga isip chairpersons sa ilang tagsa-tagsa ka mga school board, ang mga lokal nga ehikutibo kinahanglan makigtambayayong sa lokal nga DepEd ug uban pa’ng mga miyemro sa OBE Inter-Agency Task Force aron mapangandaman gyud ang unang adlaw sa klase.

Gawas sa DILG, ang Task Force gilangkoban sa Department of Trade and Industry (DTI),Department of National Defense (DND), Department of Public Works and Highways (DPWH),Philippine National Police (PNP) ug sa Philippine Atmospheric Geophysical and Astronomical Services Administration (PAGASA). 

Sa maong direktiba giaghat sa kalihim ang mga gobernador, mga mayor ug mga punong barangay pag-monitor sa presyo sa mga gamit sa eskwelahan ug sa paghimo’g mga lakang nga masulbad ang sobra nga pagpataas sa presyo.

Matud niya nga kinahanglan usab nga palihukon sa mga lokal nga ehikutibo ang mga force multipliers pag-abag sa kapulisan pagpatuman sa kahapsay ug kalinaw ug sa paghatag ug siguridad sa katawhan.

Mas maayo usab, dugang pa ni Robredo, nga butangan ug mga suga ang mga dapit diin ipahigayon ang mga night classes aron kapugngan ang mga dautang elemento nga mobiktima sa mga estudyante.

Iyang gi-manduan ang mga lokal nga ehikutibo nga mopahigayon ug halapad nga pagpahibawo pag-aghat sa mga ginikanan nga pasudlon ang ilang mga kabataan niining tuiga.

Ang edukasyon, suma pa ni Robredo, mao’y  pinakamaayong ipasunod sa mga batan-on mao nga ato gyu’ng hingusgan ang kampanya aron ma-enroll ang mga kabataan nga naa na sa hustong pangidaron. (PIA-7/ECD)

==========

Ang PIA mipahugot sa katungdanan sa kapanghimamatan sa kagamhan

by Juju S. Manubag

MANILA, May 30 (PIA) --Ang Philippine Information Agency (PIA) nga katungdanan sa kapanghimamatan sa kagamhan gipahugtan tungod sa gitahasan kini nga ‘regional coordinator’ sa Presidential Communications Operation Office (PCOO) ug mosilbing naglingkit sa pagsibya ug balita ug adbokasiya sa mga ahensiya sa kagamhan.

Sa gipagawas nga Special Order niadtong Mayo 23, 2011, si Kalihim Sonny Coloma sa PCOO mitudlo sa mga regional director ug mga officer-in-charge sa PIA isip PCOO ‘regional coordinator’ o representante.

Si Coloma mipatin-aw nga ang maong mga lakang kay pamaagi nga mahugtan ang presensiya sa PCCO sa mga rehiyon.

Ug buyon niini, si Coloma nimando sa tanang mga regional directors ug mga OIC nga ipresentar ang PCOO sa tanang ‘inter-agency’ nga katiguman ug hunta sama sa Regional Development Council (RDC), Regional Peace and Order Council (RPOC) ug Regional Disaster and Risk Reduction Management Council (RDRRMC).

==========

DTI mopakay-ag ug mga ‘Diskwento Caravan’ sa rehiyon

by Juju Manubag

CEBU CITY, May 30 (PIA) — Palapdan ang kasangkaran sa pagdala sa mga diskwentong palaliton ngadto sa mga konsumidor sa rehiyon 7 human sa malampuson nga pagpahigayon sa proyektong  ‘Diskwento Caravan’ sa Department of Trade Industry (DTI) didto sa National Capital Region.

Mao kini ang gipahibalo sa Information Officer sa DTI-7 nga si Jojesilia Villamor sa usa ka interbyu sa Philippine Information Agency (PIA)-Cebu.

Si Villamor miingon nga ang ilang buhatan naghimo ug pag-sabotsabot ug pagtanyag sa mga pabrika ug tig-abiyo ug mga ‘basic prime commodities’ ug kagamitan sa eskwelahan diri sa rehiyon nga ihatag ang ilang mga baligya ug produkto sa ubos nga presyo gikan ugma hangtod Hunyo 15 alang sa ‘Diskwento Back to School Promo ug Caravan’ nga proyekto sa DTI.

Ang DTI-7 mipahibalo nga ang ‘Diskwento Store-based Back to School Promo ug roving Caravan’ himoon sa mga mosunod nga tigabiyo ug mga pabrika sa mosunod nga talamdan:

Matod ni Villamor, ang ’Diskwento Back To School Promo’ nga gibasi sa mga tindahan pagasalmutan sa Island City Mall, Plaza Marcela, Alturas Main, Alturas Talibon, Bohol Quality Corporation gikan ugma hangtod Hunyo 2 ngadto sa Bohol samtang ang ‘Diskwento Caravan’ molibod sa mga lungsod sa Talibon, Trinidad ug Ubay ug pagasalmotan sa Alturas nga grupo sa nga kumpanya gikan sa Hunyo 7 hangtod 8.

Si Villamor midungag sa pagingon nga sa Negros Oriental ang ’Diskwento Back To School Promo’ nga gibasi sa mga tindahan nga gisalmutan sa Lee Super Plaza ug Cang’s Inc nga nagsugod na niadtong Mayo 15 ug hangtod sa Hulyo rong tuig ang Lee Super Plaza samtang ang Cang’s Inc.mahuman kini sa Hunyo15.

Ang maglibodlibod nga ‘Diskwento Caravan’ sa Negros Oriental himoon sa dakbayan sa Bayawan City sa Hunyo 1 ug ngadto usab sa lungsod sa Guihulngan sa Hunyo June 3 nga salmutan sa Lee Plaza, Island Merchants, Macro Distributors, Tulong Sugar ug sa National Food Authority (NFA), matod pa ni Villamor

Ang ’Diskwento Back To School Promo’ pagahimoon usab sa Capitol Square ug sa Poblacion saSiquijor, Siquijor inig ka Hunyo 3 ug salmutan sa Alvarico Warehouse, Park N Go Bakeshop ug sa Julie’s Bakeshop.

Samtang ang ‘Diskwento Caravan’ molibod sa Larena Queen Gate ug sa North Poblacion Siquijor, Siquijor inig ka Hunyo 10 ug salmutan sa R2M Marketing, Alvarico Meatshop, Alfonso Siquijor Plaza, Lynard One-Stop Shop, Jayvee Marketing, Meying General Merchandise, Inocencia Baroro Dry Goods Store, Islands Trends & Fashion, Almie Dry Goods Center, Rafonsel Dry Goods Store, AM & M Store, Uni-J Thrift Mart, Capricorn Twenty Two Store, Uy Chiao Tian Commercial, Elvis Tan Store, Star General Merchandise ug Stefi Denise Store.

Sa Sugbo, ang ‘Diskwento Caravan’ gibanabana nga buhaton sa lungsod sa  Argao ug Dalaguete sa Hunyo 5 ug 6 segun sa hepe sa DTI-Cebu Division nga si Zaide Bation sa paghinabi niini sa PIA-Cebu.

Ang mao nga proyekto sa DTI mitino sa pagtabang sa mga mamalitay nga kosumidor nga adunay pi-ot nga badyet.

Sumala sa DTI, ang mga mamalitay molaum nga ang mga ibaligya nga mga produkto sa ‘Diskwento Store-based Back to School Promo ug roving Caravan’ ubos sa presyo ug itandi sa mga gipamaligya sulod sa mga supermarkets ug kamerkadohan.

Alang sa dungag nga kasayuran sa ‘Diskwento Back to School Promo ug Caravan, kadtong mga interesado mahimo nga motawag sa DTI nga mga buhatan nga naa sa probinsiya: DTI Bohol at tel. # (63) 038-501-8260 or 038-411-3533, DTI Cebu at tel. # ( (032) 412-1863 or 253-2631, DTI Negros Oriental at (035) 422-2764 or 225-7211, DTI Siquijor at tel. # (035) 480-9065 or (035) 344-2238. (PIA-Cebu/jsm)

===========

Hepe mi-awhag sa mga ginikanan nga bantayan ang ilang kabataan
By Eli C. Dalumpines

CEBU CITY, May 30 (PIA) – Giawhag sa hepe sa kapulisan sa Probinsya sa Sugbo ang mga ginikanan nga bantayan ang ilang kabataan nga motungha, labi na gyud kadtong gagmay pa, sa pag-abli unya sa klase aron paglikay sa dautang mga hitabo.

Matud ni S/bantayan sa mga ginikanan ang ilang kabataan pagpaingon sa eskwelahan ug hangtud sa ilang pagpa-mauli aron nga dili na masubli ang susama sa gidangatan ni Ellah Joy Pique sa naghinapos na ang klase sa milabay nga school year.

Kung kahinumduman, ang 6 anyos nga si Ellah Joy gidagit atol sa paggawas na niini sa klase sa usa ka tunghaan didto sa Minglanilla sa sayo nga bahin niining tuiga. Napalgan na lang ang iyang patay’ng lawas sa usa ka bung-aw didto sa lungsod sa Barili.

Suma pa hinoon kang Comendador nga ilang hatagan ug prioridad ang mga eskwelahan sa pagpakatap unya ug mga pulis atol sa pag-abli sa klase karong Lunes. 

Nagkanayun ang opisyal nga ila usab nga kuhaon ang pakigtambayayong sa mga opisyales sa mga barangay aron motabang paghatag ug siguridad sa mga eskwelahan sa ilang tagsa-tagsa ka mga dapit aron malikayan ang bisan unsa mang mga panghitabo.

Gipahibawo usab niya nga iyang nang gimanduan ang mga hepe sa kapulisan sa kalungsuran nga moduol sa mga opisyal sa mga tunghaan ug magpakisayod kung unsay mga isyu nga naka-apekto sa ilang siguridad.

Kini aron mapangitaan dayon ug paagi kung unsaon nga masiguro nga hapsay gyud ang pagbukas sa klase karong Lunes.

Miawhag usab si Comendador sa katawhan nga likayan ang pagpakatap ug hinino-himo nga istorya bahin sa pagpangidnap kay masayang lang unya ang oras sa pulis sa pag-imbestigar ug sayop nga mga taho.

Apan gimanduan niya ang iyang mga sakop nga imbestigahon usab ug maayo ang susama niinin nga mga kaso aron pagtino sa tinuoray gyud nga mga panghitabo.

Nanghinaut hinoon si Comendador nga way dagku nga mga panghitabo atol unya sa 
pagbukas sa klase. (PIA-7/ECD)