Sec. Baldoz mo-keynote sa selebrasyon sa Labor Day sa Sugbo

By: Juju S. Manubag

CEBU CITY, April 27 (PIA) --- Ang Department of Labor and Employment (DOLE) Secretary, Rosalinda Dimapilis-Baldoz mohatag sa keynote speech isip pasidunggang dinapit sa selebrasyon sa Adlaw sa Pamuo karong Mayo 1 nga may tema nga “Gugma sa Kalikupang: Kaugmaon Natong Tanan”. 

Ipa-ilaila si Baldoz sa DOLE-7 Regional Director Exequiel Sarcauga. Mao kini ang gipahibalo ni Atty Roy Buenafe, ang Information Officer sa DOLE-7 sa hinabi niini sa Philippine Information Agency (PIA) ug sa programa alang sa selebrasyon sa Adlaw sa Pamuo.

Ang selebrasyon sa Mayo 1 pagasugdan ug mga caravan nga may fun run sa alas sais sa buntag sa mga nagkalain-lain nga Tripartite Industrial Peace Council (TIPC) sa mga siyudad sa Lapulapu, Mandaue, Sugbo, ug Talisay.

Moduyog usab sa caravan ug fun run ang mga Industry Tripartite Council (ITC) sa Hotel, Restaurants, Resorts, Tourism (HRRT) ug Labor Tripartite Council sa Edukasyon (LTCE).

Ang mga nagkalainlaing lugar nga magpundok ang molahok nga TIPC, ITC ug LTCE kay sa Lapulapu City Hall, University of Cebu Lapulapu Mandaue (UCLM), Raddisson Blu Hotel, Department of Education (DepEd-7), Cebu Institute of Technology (CIT) ug East Visayan Academy (EVA).

Human magkapundok ang tanang partisipante sa caravan ug fun run sa EVA, magpanon nga moparada silang tanan ngadto sa San Isidro Crossing, South Reclamation Properties (SRP) padulong sa Sisters of Mary Girltown Campus alang sa Adlaw sa Pamuo nga programa.

Ang ikaduhang hugna sa selebrasyon pagasugdan sa Santos nga Misa nga pangulohan ni Monsignor Rommel Kintanar, ang kora-paroko sa St.Therese of Avila simbahan sa Talisay City.

Si Honorable Socrates Fernandez, City Mayor ug Co-Chair sa TIPC, Talisay City ang mohatag sa Welcome Message isip host sa selebrasyon.

Human sa mensahe ni Baldoz, ang DOLE-7 mo-apodapod mga pasidungog ug ganti sa mga TIPC sa siyudad sa Talisay, Cebu, Mandaue ug Lapulapu, ITC sa edukasyon, Business Processing Outsourcing (BPO), Information Communication Technology (ICT), HRRT ug mananaog sa sportsfest.

Apil usab sa programa ang pagpanumpa sa opisyales sa ITC sa Ship Building/Repair, ang seremonya sa pagtugyan sa TIPC Talisay City sa yawi ngadto sa LTCE ug ITC-HRRT ug ang paglansad sa Social Accord nga ‘No to Plastic/Styrofoam: Yes to Environment’ nga proyekto sa Talisay City.

Sa samang higayon, pito (7) ka mga nagkalainlaing hugpong sa impormal sektor, unyon ug organisasyon sa CV nga tugyan sa DOLE-7 sa ilang livelihood grants diin ang kinadak-an matod pa balor ug tres siyentos pesos (P300,000). 

Aduna usab Mini Agro-Industrial Fair ug raffle draw nga ipahigayon sa Sisters of May Girlstown atol sa selebrasyon sa Adlaw sa Pamuo. (PIA-Cebu/JSM)