92% sa bag-ong mga kaso sa HIV nag-gamit ug ginadiling druga

By: Juju S. Manubag

CEBU CITY, Abril 11 (PIA) --- Nubentay dos porsiyento (92%)sa gikatalang trese (13) ka mga bag-ong kaso sa human immuno-deficiency virus (HIV) nga natala sa unang tulo ka bulan sa 2011 mga tig-gamit ug mga ginadiling druga.

Sumala pa ni Dr. Ilya Tac-an, Social Hygiene Head sa Cebu City Health Department (CCHD) nga taas ang porsiento sa pagkaylap sa mga kaso sa HIV ngadto sa mga injecting drug-users tungod sa pagpulipuli paggamit sa usa lamang ka dagum sa pagtusok sa mga ginadiling druga ngadto sa laing drug addict.

Si Tac-an mitaho usab nga sa trese (13) nga natalang mga kaso sa HIV sa unang tulo ka bulan rong tuiga mga lalaki tanan ug sagad usab niini  nakighilawas sa pareho nilang mga lalaki usab.

Mibutyag si Tac-an nga ang mga edad ning mga tawhana anaa sa disiotso (18) ngadto kwarentay kwatro (44) anyos.

Ang human immuno-deficiency virus (HIV) impeksyon wala mopili ug pangedaron, kasarian, kaliwatan o kahimtang sa sosyedad segun sa usa ka pahayag sa Department of Health (DOH).

Matod usab sa maong pahayag nga baynte sais (26) na ka tuig sukad namatikdan ang labing unang kaso sa HIV dinhi sa nasod, adunay sais mil siyentoy saysentay siete (6,167) na karon ang positibo sa HIV gikan sa 1984-January 201.

Mil dosyentos (1,200) mga buhi nga adunay HIV ang nagpatambal pinaagi ug anti-retroviral (ARV) diha sa trese (13) ka mga treatment hubs.

Dinhi sa Sugbo, ang pagpanambal sa ARV anaa pagabuhaton sa Vicente Sotto Memorial Center (VSMC). Wala kiniy bayad sumala ni Tac-an.

Si Tac-an misugilon nga ang pasyente kung mag-amping ug magbaton ug healthy lifestyle, mahimo nga mabuhi siya hangtod napulo ka tuig.

Apan kun kini abusado sa iyang lawas ug dili magbaton sa healthy life style, sunod tuig mamatay na kini, dugang pa ni Tac-an. (PIA-Cebu/jsm)

===========

150 ka mga armas de fuego ang nasakmit sa mga pulis sulod sa unang duha ka bulan sa 2011

By Juju S. Manubag

 

CEBU CITY, Abril 11 (PIA) --- Dul-an sa siyento singkwenta (150) ka mga armas de fuego ang nasakmit sa kapulisan sa Central Visayas sulod sa unang duha ka bulan (January-February) niining tuiga.

Ang hepe sa Police Regional Office (PRO)-7 Regional Operations and Planning Division (ROPD) P/Supt. Petronelli Baldebrin mihatag ug pagpadangat nga sa unang duha ka bulan karong tuiga, ang ilang buhatan nakasakmit ug saisentay singko (65) ka mga tag-as nga klaseng armas de fuego ug lain nga setentay nuybe (79) nga mga ubos nga mga klaseng armas.

Ang mga armas nasakmit sa kapulisan pinaagi sa ilang nagpadayon nga mga operasyon ug diha sa mga gipangpahigayong checkpoints sa mga kadalanann, sumala ni Baldebrin.

Ang labing mahinungdanon nga pagpadangat batok sa mga loose firearms mao ang paghimo ug lit-ag ug buy-bust operasyon sa mga sakop sa Regional Intelligence Division (RID)-7 ngadto sa Sitio Bantayan, Cordova, Cebu nga niresulta sa pagdakop nila Wilfredo Zapata Duterte, Antonio Sabar Capuyan ug Lymwel Hermoso Gonzales.

Ang RID-7 nakasakmit ug tulo (3) ka mga suspetsado ug mga tag-as nga klaseng armas de fuego.

Ang mga nasakmit nga mga armas de fuego mao ang mosunod: usa ka 9mm ripple nga dunay marka nga “Coltarr, cal 9mm PAR, SN 379517, HM; usa ka 9mm fiple nga COLTAR 15, SN 194635 HM; usa ka 9mm machine pistol nga dunay marka nga “INTRATEC MIAMI, FL 9mm LUGER,TEK-KG9, SN 305447 HM ug usa ka 9mm machine pistol nga may marka nga INTERDYNAMIC MIAMI FL, 9mm LUGER, CLOSE BOLT VERSION SN 235171, HM.

Lain usab nga kalampusan nga nahimo ang PRO-7 mao ang pagbawi sa Regional Highway Patrol Group (RHPG)-7 sa lima ka sakyanang gipang-karnap nga mao ang Mitsubishi Adventure, Honda CRV, Toyota Vios Sedan, Mitsubishi Pajero ug Izusu Crosswind Wagon.

Ang pagdakop sa gibantog nga karnaper sa barangay Apas ning siyudad maoy labing mahinungdanon nga pagpadangat alang sa PRO-7 batok karnaping.

Ang banggiitan nga karnaper nga nadakpan mao si Rene Villaceran Ingles ug ang gipang-karnap nga mga motorsiklo basi sa mga ebidensiyang nakuha niini nga mga binungkag na nga parte sa motorsiklo. (PIA-7/jsm)

============

15 ka mga ‘illegal loggers’ nasikop sa kapulisan dinhi sa CV

By: Juju S. Manubag

Cebu City, April 11 (PIA) -- Sa salaud nga pagpamutol ug troso, ang Police Regional Office-7 nakasikop ug kinse (15) ka mga mamutolay ug troso kon illegal loggers pinaagi sa 263 ka mga operasyon sulod dinhi sa Central Visayas.

Police Regional Office (PRO)-7 Regional Operations and Planning Division (ROPD) P/Supt. Petronelli Baldebrin mi-report nga adunay 3,020 kapin ka board feet nga mga troso ang nakuha gikan sa mga illegal loggers ug gibanabana nga nikantidad kini sa dos siyentos baynte tres mil otso siyentos otsentay dos pesos (P223,882).  

Nuybe milyones sais siyentos setentay sais mil siyento trayntay otso pesos (P9,676,138) usab ang gibanabanang balor sa kapin dies mil sais siyentos (10,600) ka mga blasting caps ang nasakmit sa siyento singkwentay siete (157) nga mga nakasalaud sa gidili nga pagpangisda sa tres siyentos baynte uno (321) ka mga operasyon nga nahimo sa PRO-7.

Si PRO-7 Regional Director Ager Ontog Jr. mapasalamaton sa tibuok kapulisan sa mga lakang nabuhat batok sa nagkalainlaing mga salaud nga masugpo kini sa nakitang mga positibo nga mga resulta nga nataho. (PIA-Cebu/ JSM)