50 “Cops on Board” batok krimen

by: Jennifer Catan-Tilos

 DUMAGUETE CITY, Apr 23 (PIA)    Mga 50 ka pulis sa lalawigan sa Negros Oriental ang gipakatap sa mga pampublikong sakyanan aron pag pugong batok sa krimen sulod sa maong sakyanan.

Ang  programa gitawag kini “Cops on Board” gilusad bag-ohay pa lamang saPhilippine National Police (PNP) didto Provincial Convention Center.

Ubos sa iyang initiatibo pag dala sa sa nahiunang serbisyo sa pagpanalipud sa mga katawhan sa lalawigan, si PNP Provincial Director Rey Lyndon Lawas miingon nga ang kalihukan makahatag ug dugang kusog sa seguridad sa mga pasahero lakip na sa mga driver ug mga kundoktor. 

Inabagan sa mga pribadong sector, ang usa niini mao ang Vallacar-Ceres Bus Liner diin niingon si Ryan Baylosis, ang Administrative Manager sa Vallacar nga dunay pasaheroan nga sobra sa 141 ka bus ang nagdagan sulod sa lalawigan.

Si Baylosis miuyon sa pagpasakay sa pulis sa matag byahe aron usab masiguro ang kahusayg ug kalinaw dili lamang sa mga pasahero niini kun usab ang sakayanan batok sa terrorismo o sa mga rebeldeng komunista.

Matud pa ni PSr/Supt Lawas ang mga  pulis magagikan sa lima ka syudada ug 20 ka lungsod sa lalawigan ang giila na para sa ‘specialized duty’ diin kinahanglan silang mag sul-ob sa otorisadong oniporme sa kapulisan ug identification, miingon si Lawas. 

Si Col Lawas miingon ang programang “cops on board” magasanta sa bisan unsang klaseng krimen diha sa sulod sa pampublikong sakayanan ug paghatag ug dugang kahusay ug kahimsog samtang magabyahe, PSr/Supt Lawas miingon.

Ang maong initiabo nagalakip sa pag butang o pagtaptap sa police hotline numbers sa kada bus alang kasayun sa mga pasahero  pag pangayo ug tabang ngadto sa kapulisan pinaagi sa pagtawag o pag text niini. telepono.  Ang mga numero sa telepono gihatag kini sa nag unang telecommunication companies sa lalawigan.  (PIANegOr/JCT)

============

LTFRB miawhag sa publiko nga adto

lang sakay sa rehistradong mga PUVs
By Eli C. Dalumpines

Cebu City,  April 21 (PIA) --- Giawhag sa hepe sa rehiyonal nga buhatan saLand Transportation Franchising and Regulatory Board (LTFRB) kadtong manguli atol sa Semana Santa nga adto lang sakay sa mga rehistradong mga public utility vehicles (PUVs) aron kalikayan ang problema nga mo-tumaw unya kung makasugat kini ug disgrasya sa kadalanan.

Sa pakighinabi sa radyo kaganinang  buntag, si LTFRB-7 Regional Director Ahmed G. Cuizon nanawagan niadtong  manglakaw alang sa bakasyon nga adto mosakay sa mga pampublikong mga terminal  aron maka-siguro nga ang bus nga ilang masakyan rehistrado gyud sa Land  Transportation Office (LTO) ug duna usab kini prangkisa sa ilang buhatan.

Suma pa kang Cuizon, kadto lang mga  bus nga adto mopasakay ug pasahero sa mga terminal ang dunay prangkisa sa LTFRB  tungod kay dili man mahimong makasulod kadtong walay rehistro.

Iyang gipahimangnu-an ang publiko  nga dili gyud mosakay ug mga “kolorum” o
walay rehistro nga mga bus tungod kay  sigurado man gyud nga ma-problema sila pagsang-at unya ug insurance claim kung  makasugat sila’g disgrasya.

Matud sa opisyal nga mao kining higayuna  ang pagpanggawas sa mga “kolorum” nga mga bus pasahero-an tungod kay ila mang pahimuslan  ang kadaghan sa mananakay pauli sa ilang tagsa-tagsa ka mga lugar.

Siya hinoon nag-ingon nga mohatag  sila ug mga special permit niadtong mga bus nga naglaraw pagpamasahero sa mga  piniling mga rota aron sa paghatud ug mga pasahero.

Matud ni Cuizon nga naglaraw sila  pagdugang ug mga byahe sa Dakbayan sa Bogo ug sa Hagnaya sa San Remegio tungod  kay tabokanan man kining mga lugara paingon sa Masbate ug sa Isla sa Bantayan.

Kaganinang buntag, suma pa niya,  duna na sila’y nadawat nga mga 20 ka aplikasyon alang sa special permit.

Dugang pa ni Cuizon nga padayon  silang nagsusi sa mga terminal aron 
pagpahigayon ug inspeksyon pagsiguro nga  ang mga sakyanan nga mo-byahe sa pang-probinsya nga rota malayo sa disgrasya.  (ECD/PIA 7-Cebu)