Cebuano News: Duterte TV, radyo ug pamantalaan, ilusad sa Agosto

Elvira C. Bongosia

MANILA, July 8 (PIA) -- Mahimong nationwide o makita na sa tibuok nasod ang kanhi television program ni Presidente Rodrigo Duterte nga gihimo na kaniadto sa dihang mayor pa siya sa syudad sa Davao.

Kini ang gikumpirmar ni Presidential Communications Office (PCO) Kalihim Martin Andanar diin matud pa, ipadayon na nila ang programa kaniadto ni Duterte sa Davao nga “Gikan sa Masa, Para sa Masa.”

Sa higayong himuon na kining  nationwide sa sunod buwan, tawagon na kining “Mula sa Masa, Para sa Masa.”

Gawas sa TV, madungog na usab kini sa radyo.

Magbaton na usab kini og online version ug mapamantala sa print ug social media.

Kahinumdoman nga nidesider si Duterte sa paglikay sa pagpa-interview sa media ug isip hulip niini, nagpagawas na lamang kini sa iyang mga opisyal nga pahayag gamit ang government TV network nga PTV 4. (ecb/PIA7-Bohol)