CEBUANO NEWS: CSC nangdawat na ug aplikasyon sa 2016 Career Service exam

Leandria P. Pagunsan

MANILA, Nobyembre 17 (PIA)--Ang buhatan sa Civil Service Commission (CSC) gasugod na ug pangdawat ug aplikasyon alang sa ipahigayon nga Career Service Professional and Sub-Professional written examinations sa umalabot nga Abril 17, 2016.  Ang pagpangdawat ug mga aplikasyon gisugdan niadtong Nobyembre 9, 2015 hangtud sa Pebrero 25, 2016  pinaagi sa "first come, first-served basis."

Ang Career Service Examinations- paper and Pencil Text (CSE-PPT) bukas sa katawhang Pilipino lakip na ang mga naghupot ug dual citizenship ubos sa R.A. 9225. Kinahanglan nga mag edad ug 18 anyos ang aplikante sa iyang pag aplay ug kinahanglan nga wala kini makakuha sa maong pasulit sa milabay nga tulo ka bulan.      

Sa pagkuha sa CS form No.100 Revised 2015, kinahanglan ang kasamtangang passport size ID picture ug laing valid ID card nga dunay petsa sa adlawng natawhan. Kung ang ID card walay nakabutang sa adlawng natawhan kinahanglan nga mu sumiti ug original ug laing photocopy sa birth certificate gikan sa National Statistics Authority.

Sa mga aplikante nga dunay dual citizenship giawhag nga mo sumiti sa ilang Certification of Retention/Reacquisition of Philippine Citizenship gikan sa Bureau of Immigration. Adunay examination fee nga tag P500 sa matag Professional ug Sub-Professional level.

Kinahanglan nga i sumiti ang application sa CSC Regional Office (CSRO) ug sa bisan asa nga CSRO’s Field Offices sa mga lugar diin mokuha ang aplikante sa examination. Mahimong mokuha sa application form sa bisan asa nga CSC Regional o Field Office o mo download ba hinoon sa CSC website.

Ang mga interesadong aplikante gi awhag nga mosubay sa CSC Examination Announcement No. 07,s. 2015 sa www.csc.gov.ph alang sa detalyadong pahibalo mahitungod sa I.D. pictures ug uban pa nga impormasyon sa kabahin sa mga testing centers. (mbcn/lpp/PIA7-Negros Oriental)