Pork barrel mas magamit pagpalig-on sa depensa sa nasud matud pa ni Carpio

By Leandria Pagunsan 

DUMAGUETE CITY, Setyembre 6 (PIA) -- Si Supreme Court Associate Justice Antonio Carpio mi sugyot nga magamit sa gobyerno ang pork barrel sa tuig 2014 pagpalit ug warship para depensa sa West Philippine Sea  batok sa nasud nga China.

Sa gihimo niini nga pakigpulong sa Philippine Bar Association mipaambit si Carpio nga ang atong nasud adunay igong kwarta nga ika palit ug armas para depensa apan wala lang kini hatagi ug bili sa mga politiko.

"We have to admit that as a nation we have neglected to maintain a credible defense force particularly our naval assets despite us being an archipelago country with an extensive coastline and a vast exclusive economic zone," matud pa ni Carpio.

Daku kaayo ang kawad-on sa nasud tungod sa pagpabaya niini.  Nawala ang Mischief Reef sa tuig 1995, Scarborough Shoal sa 2012 ug posible nga mo sunod ang Ayungin Shoal kung dili kini ma panalipdan.

"Importante ang lig-on nga depensa alang sa territorial integrity ug mapakgang ang mga pang abuso aron mapasigarbo nato ang seguridad ug respeto sa atong nasud," pamahayag ni Carpio.

Nipaambit si Carpio nga nga ang gobyerno nakapalit sa BRP sa kantidad nga P650 milyon ug dugang gasto paghitso sa kagamitan niini sama sa harpon ship ug ship missiles.

Kung gamiton ang 27 bilyon nga pork barrel sa tuig 2014 para sa warship, ang nasud maka angkon na ug 41 ka BRP Ramon Alcaraz  warships.  Ang 41 ka firing ships bastante na kaayo nga depensa alang sa West Philippine Sea kung hatagan kini ug bili.

Midugang si Carpio kung matangtang man ang pork barrel sa sunod tuig, makapalit  gihapon ang gobyerno gikan sa pundo sa Malampaya gas fields sa Palawan. 

Igo na kaayo ang ang kita sa Malampaya sulod sa pito ka bulan nga mokabat ug P26Bilyon gikan sa P46 Bilyon nga abot niini sa tuig 2011 aron makuha ang 41 ka BRP Ramon Alcaraz.(LPagunsan/Negros Oriental)