Cebuano news: 'Women’s vote’ gikinahanglan alang sa balaodnon pabor sa mga kababayen-an

By Amorganda A. Saludar

CEBU, Feb. 12 (PIA) -- Ang katukoran sa “women’s vote” o boto sa mga kababayen-an dinhi sa nasud makatukmod sa Kongreso pagmugna og dugang mga balaodnon pabor sa mga kababayen-an. 

Atol sa ikaduhang episode sa Paghahanda Para Sa Hatol ng Bayan sa People's Television Network bag-ohay lang, gitataw ni Aida Santos Maranan, co-founder sa women's organization WeDPro nga wala gihapo’y 'women's vote' dinhi sa nasud bisan pa man sa kadaghan sa mga babaye nga botante.( “There is no 'women's vote' in the country despite a huge number of women voters.”) 

Matud pa ni Maranan nga wala’y ‘women’s vote dinhi sa nasud gumikan kay wala nibotar ang mga kababayen-an isip usa ka sektor. 

Sumala pa niya nga kung mahimo o mahitabo kini ang balaodnon mamahimo na unya nga ‘women-friendly’ o balaod pabor sa mga kababayen-an. 

Dugang pa ni Maranan nga moresulta unya kini sa mga balaod nga mopausbaw sa katungod ug kaayohan sa mga kababayen-an dinhi sa nasud. 

Matud pa nga gikasagmuyo ni Maranan nga ang mag kandidato hilabi na kadtong mga nagpapili 

sa nasyonal nga katungdanan walay tin-aw nga plata porma alang sa pagpausbaw sa mga kababayen-an. 

Kini nagpasabot sa minos nga mga gender-specific bills nga giduso sa Senado ug sa ubos balay balaoranan. 

Matud pa ni Maranan nga ang papel sa matag usa babaye man o lalaki aduna usa’y kalabotan sa politikanhon nga papel sa mga kababayen-an. 

Gikutlo ni Maranan nga base sa usa ka pagtuon daghan ang mga babaye nga nagpapili sa mga katungdanan sa barangay kaysa sa mga pang siyudad o nasyonal nga katungdanan. 

Suma pa niya nga sayon alang sa mga kababayen-an ang pagkuha og botos gikan sa ilang mga silingan, diin lisod unya alang kanila ang pagpangampanya halayo sa ilang mga panimalay gumikan kay kinahanglan pa nila nga atimanon ang ilang mga anak. .( Based on a study, she said, there are more women running for barangay, rather than city or national, positions. “It is easier for them to get votes from neighbors,” she said. “It would be difficult for them to campaign away from their homes as they need to take care of children.”) 

Ang presensya sa mga kababayen-an sa politikanhon nga kalihukan sayon lang nga maila ug matud pa ni Maranan nga ang mga partido unya makahibalo na kung ang potikal nga desisyon sa mga kababayen makatabang ba o dili kanila. (FCR/AYS/PIA-7)