By Elvira C. Bongosia
TAGBILARAN CITY, Bohol, Feb 13 (PIA)
-- Gipahayag ni Presidente Benigno “Noynoy” Aquino III nga posibleng mapirmahan
na ang 'comprehensive peace agreement' tali sa gobyerno ug Moro Islamic
Liberation Front (MILF) sa umaabot nga Marso.
Gipakita sa Presidente nga seryoso kining tapuson na ang rebelyon sa Mindanao
sa iyang pagduaw sa labing unang higayon sa kampo sa MILF sa Sultan Kudarat kagahapon.
Sa usa ka interbiyu human gilusad kagahapon ang Sajahatra Bangsamoro sa Sultan
Kudarat, Maguindanao, wala gibutyag sa Presidente ang eksaktong petsa sa
pagpirma niini apan mi-ingon kining posibleng sa dili pa matapos ang Marso
karong tuiga.
Giingong walay imposible kun tanan nagtinguha sa tinuoray nga kalinaw ug
pagpalambo sa Mindanao.
Kalabot usab sa komposisyon sa transition commission, miingon ang Presidente
nga posibleng makapili na siya sulod ning semanaha.
Ang matudlong transition commission maoy mohimo sa draft sa Bangsamoro basic
law nga ihulip sa balaod nga nimugna sa Autonomous Region in Muslim Mindanao
(ARMM). (mbcn/ECB-PIA7 Bohol)
No comments:
Post a Comment