DENR-7 magsaulog sa Environment Month

CEBU CITY, June 1 (PIA) -- Ang Department of Environment and Natural Resources (DENR-7) dinhi sa Tunga-tungang Kabisay-an manguna sa usa ka buwan nga selebrasyon sa Philippine environment month karong Hunyo pinaagi sa kutay sa mga kampanya ug programa ug kalihukan nga gitumong alang sa pagpukaw publiko kabahin sa mga isyu ug hisgutan may labot sa kinaiyahan. 

Si DENR-7 regional executive director Maximo Dichoso nagkanayon sa usa ka press statement nagkanayon nga iya nga giagni ang bisan kinsa nga nmotampo aron pagsiguro sa proteksyon ug konserbasyon sa kalikupan ug kinaiyahan ingon man mahimo usab nga igmat sa kasamtangan nga hulga sa climate change. 

Ang selebrasyon pagasugdan sa usa ka foot parade karong Hunyo 4 nga pangulohan mismo ni Dichoso ug uban pa nga mga opisyales sa DENR-7 lakip na ang mga line bureaus ug mga hingtungdan. 

Kini pagasugdan sa pagbukas sa Sportsfest, Pinoy Games, ug presentasyon sa 12 ka mga kandidata sa “Mutya nga Kalikasan.” 

Isip parte sa gikatakdang selebrasyon alang sa kalikupan aduna usa’y pagahimoon nga pagpanglimpyo sa mga sapa (river or creek clean up) ug pagpananom og mga kahoy karong umaabot Hunyo 2 samtang dungan nga soil potting sa mga nagkadaiyang nurseries ang pagahimoon usab karong Hunyo 8 ug ang DENR Open House and Market Week nga magsugod sa Hunyo 11 hangtod 15 ning tuiga. 

Samtang ang pagpananom og mga bakhaw ug paglimpyo sa mga baybayon pagahimoon karong umaabot Hunyo 20 samtang ang facilitated mint tour and responsible mining symposium pagahimoon karong Hunyo 22 adto sa Carmen Copper Corporation sa siyudad sa Toledo. 

Sa laing bahin nag benchmaking tour pagahimoon didto sa probinsya sa Negros Oriental ug Bohol sa pagka Hunyo 13 hangtod na sa 15 ug ang lima ka adlaw nga ENR exhibit o exposition karong Hunyo 18 hangtod sa 22. 

Ang Butuanon watershed tree planting ipahigayon adto na sa Hunyo 23 samtang ang Mutya ng Kalikasan Coronation Night mahitabo sa pagka Hunyo 27. 

Ang environment month culmination adto na mahatibo inig ka Hunyo 29 diin ipahigayon usab ang awarding ug recognition sa partner ug collaborators. 

Ang usa ka buwan nga selebrasyon alang sa kalikupan karong tuiga nagdala sa tema nga “Green Economy: Does it include you.” (RMN/AAS-PIA7 CEBU)

==============

Cebuano leaders, LGUs nipasalig pagtampo og lakang alang sa disaster preparedness

CEBU CITY, June 1 (PIA) -- Ang mga Cebuano leaders ug local government units (LGUs) dinhi sa probinsya sa Sugbo nikomiter sa pagtabang aron masiguro ang kaluwasan ug kaandam sa ilang tagsa tagsa ka mga dapit panahon sa mga kalamidad pinaagi sa pagpatuman sa mga programa may kalambigitan sa disaster preparedness ug climate change adaptation. 

Ang mga opisyales sa kagamhanan ug mga LGU nipadayag niini nga intensyon atol sa gipahigayon nga recent “Tapatan Roadshow on Disaster Preparedness and Climate Change Adaptation: A Call to Action" dili pa lang dugay didto sa Cebu International Convention Center sa siyudad sa Mandaue nga organisar sa Department of Interior and Local Government. 

Si Board Member Peter John Calderon sa ikaduhang distrito sa Sugbo nagkanayon nga tumong gayud sa mga LGU ug mga nasyonal nga ahensya sa kagamhanan nga mamahimong andam sa matag kalamidad ug siguroon gayud nga maong preparasyon gimugna aron pagpaminos sa risgo, hulga og negatibo nga epekto niini ngadto sa kinabuhi ug kabtangan sa mga katawhan. 

Iya usab nga gi aghat ang publiko sa pagpakabana ug paghimo og lakang aron maminosan ang mga kinabuhi nga makalas ug mga kabtangan nga mga guba panahon sa kalamidad. 

Samtang si Mandaue City Mayor Jonas Cortes nipadayag sa iyang tinguha sa matag LGU nga mamahimong pundasyon sa disaster preparedness measures nga pagahimoon saw ala pa ug human sa mga kalamidad. 

Matud pa ni Cortes ang pagprotektar sa kinabuhi ug pagsiguro sa kabtangan sa publiko mao ang nag-una nga obligasyon og concern sa matag LGU ug kagamhanan ug nga matud pa sa mayor nga obligado gayud sila nga motuman niini nga obligasyon ngadto sa ilang mga konstitwente. Sanglit ang seguridad ug preparasyon mao ang nag unang angay nga buhaton may kalambigitan sa disaster preparedness. 

Dugang pa ni Cortes nga ang climate change mitigation parte usab sa matag obligasyon sa matag LGU sa pag serbisyo sa publiko taliwala sa kasamtangan nga hulga sa climate change ug grabe nga ka pag usab-usab sa dagan sa panahon dinhi sa nasud. 

Subay niini nanawagan usab siya og panaghiusa tali sa mga LGU ug publiko ingon man sa lain pa nga mga hingtungdan sa pagsagubang og pakigbatok sa hulga sa kalamidad ug climate change. 

Gitataw ni Cortes nga ang matag LGU kinahanglan nga magkat-on pinaagi sa matag usa kanila, aron pagpakigbatok og pagdaog niining kasamtangan nga mga pagsuway gumikan sa mga kalamidad ug climate change. (RMN/AS-PIA7 CEBU)

==============

GSIS 7 miawhag sa taga gobyerno nga ubos og sweldo nga mopahimulos sa educational scholarship program

CEBU CITY, Hunyo 1 (PIA) -- Ang Government Service Insurance System (GSIS) miawhag sa mga trabahante sa gobyerno nga gagmay ug sweldo sa pagpahimulos sa bag-o nga scholarship program nga ilang gitanyag hangtud sa Hunyo 15 ning tuiga. 

Regional Manager sa GSIS nga Si Ma. Fatima Alvarez, mipadayag nga adunay 200 ka scholarship slots sa tibuok nasud samtang ang Cebu ug Bohol adunay 10 ka luna lamang. 

“Nagsugud mi ug dawat sa aplikasyon pag Mayo 15 kay gi-awhag man namu kadtong mga interesado mu sumitir nga kinahanglan nga maka pass na sila sa wa pa ang Hunyo 15, ug gipahibawo usab namu sila nga di na mi mudawat ug late nga mga aplikasyon”, matud pa ni Alvarez atol sa gipahigayun nga espesyal nga kapihan sa PIA niadtong biyernes sa buntag nga naghisgut mahitungod sa educational loan assistance ug scholarship programs sa maong ahensya. 

Si Alvarez miingon nga ang prayoridad sa scholarship grants mao kadtong nagserbisyo sa publiko nga adunay salary grade nga 24 paubos. 

“Au gisuta ug mayo ang mga aplikasyon arun mahibaw-an namu kung kinsa gyud katong angyan nga makadawat sa scholarship. Ang income tax return maoy atong basehan,” si Alvarez miingun. 

Ang kwalipikado nga makapahimulos sa maong programa kinahanglan nga mu fill out sa application form alang sa scholarship grant ud isumitir kini sa opisina. 

Sigun pa ni Alvarez, ang GSIS Board of Trustees mi ribisar sa pagpili ug mga iskolar ug gipaboran niini ang mga gagmay ug sweldo kaysa pagbasi sa inteligente sa usa ka isolar sa GSIS. 

“Ang educational grants nato sauna grabe kayo ang kompetinsya kay ang grantee kinahanglan nga mag mintinar ug 85 porsyento nga general average,”si Alvarez mibutyag. 

“ Mao na nga aduna taas nga porsyento sa terminasyon sa mga beneficiaries. Mao ni rason nga karung tuiga, ang scholarship grants mipabor sa mga nagtrabaho sa gobyerno nga gamay ug sweldo. Bisan pa man wa ni magpasabut nga ang iskolar kinahanglang mag mintinar sa gikinahanglan nga average grade," dagdag pa ni Alvarez. 

Ang mga mapili nga mga iskolar mamahimung makakuha ug four or five-year nga kurso sa mga tunghaan nga level III ug level IV nga gi akreditar sa Commission on Higher Education (CHED),ug samtang anaa kini sa programa, ang hingtungdan pwede nga mu-ilis sa iyang kurso sa maka-usa sa iyang una o ikaduhang tuig sa kolehiyo. 

Sa Cebu, ang mga tunghaan nga gi akreditar sa CHED naglakip sa Cebu Doctors University, Cebu Normal University, University of San Jose Recoletos, University of the Philippines, University of San Carlos u gang University of the Visayas. 

Si Alvarez misaysay nga ang GSIS scholarship grants nagsugud niadtong tuig 1998 ug nakatabang kini ug 1,371 nga mga iskolar sa tibuok nasud. 

Ang 10 ka scholarship slots alng sa Cebu ug Bohol karung tuiga abli pa. Si Alvarez misaysay usab nga kun adunay dili kwalipikado sa duha ka probinsya, ang 10 ka luna ihatag sa lain nga rehiyon. 

Sigun pa ni alvarez, ang GSIS 7 gigahinan ug 10 ka scholarship slots. “Kadtong mga wala mapili karung tuiga mamahimu gihapung mu-apply sa sunod tuig," si Alvarez midagdag.(PIA-7/Niño Jesryl Maglasang, CNU Communication Intern)