DA-7, mango growers sa Sugbu mao ang pinakataas nga produksyon sa Central Visayas

CEBU CITY, April 23 (PIA) –- Ang Department of Agriculture (DA) sa region 7 nibutyag nga ang mga mango growers sa syudad sa Sugbo maoy pinakataas nga produksyon sa rehiyon. 

Si Regional Coordinator Crop Protection Chief Wilfredo Castillo mibutyag sa gipahigayong panag-tigum nga ilang gihisgutan ang mga isyu sa industriya sa manga dinhi sa Central Visayas.

Si Castillo misulti nga sa tuig 2010, ang produksyon sa mga mango growers sa rehiyon anaa sa 71,000, kung diin 60 porsyento nagagikan sa Sugbu ug ang nahabiling porsyento gibahin sa tulo ka probinsya sa Negros Oriental, Bohol, ug Siquijor. 

Ang DA mi-implemento og mga pamaagi nga makatabang sa mga mango growers sa ilang agricultural practices, sinimana nga trainings, ug eskwelahan sa pag-uma aron mapalambo ang mga konsepto nga ilang makat-onan pinaagi sa pag-obserbar ug pag-eksperimento. 

Ang maong farmer field school gibahin sa lima ka grupo nga naghatag og lain-laing pagtulun-an kada buntag og adunay training inig ka hapon. 

Mipahigayon usab sila og mga field trainings sa lima ka lugar dinhi sa probinsiya sa Sugbo sama sa Toledo, Danao, Compostela, Subangdako og Pasil. 

Gidasig sa maong departamento ang mga Local Government Unit (LGU) sa ilang paghatag og suporta, ilabi na ang mga opisyales sa agrikultura sa ilang munisipalidad sa pagtabang sa pagmiximize sa paggamit sa mango growers. (PIA-7/Translated by: Darling May Deita/ CNU Comm Intern)