FDA, nipasidaan batok sa green barley powder juice drink

TRANSLATED BY: ELVIRA C. BONGOSIA

TAGBILARAN CITY, Bohol, Sept. 24 (PIA) -- Nihatag og pasidaan sa publiko ang Food and Drug Administration (FDA) batok sa pag-inom sa powder juice drink nga Green Barley nga gipaila isip ‘total food, powder juice’ nga makaayo sa nagkalain-laing sakit.

"The product is sold at around P275 to 300 per bottle, both in the market and in online shops.  It is sold in plastic bottles, and the product is in powder form.  Green Barley is making false health and therapeutic claims as shown in its advertisement, both in print and digital media," matud pa ni FDA head Kenneth Hartigan-Go sa FDA Advisory 2013-037 nga gi-petsahan og Setyembre 20.

(Kini nga producto gibaligya sa tag P275-300 kada botilya, diha sa mga merkado ug sa internet-online shops. Ginabaligya kini sulod sa plastik nga botilya,  ug ang produkto usa ka powder. Ang Green Barley naghimo og usa ka sayop nga pag-ingon nga aduna kini'y 'health and therapeutic" claims pinaagi sa ilang adbertisment, diha sa mga imprinta ug sa digital media.)

Dungan niini, gimanduan sa FDA ang ilang mga field officers nga kumpiskahon ang mga naka-ban nga produkto ug mga wala nakarehistrong food supplements nga gibaligya sa merkado. (mbcn/ecb/PIA7-Bohol) 

http://news.pia.gov.ph/index.php?article=1081379919255